قلوب الشمالي مووووول ما ينفع معه البكاء لانه يعتبره ضعف للمرأه.... غريب هالشي ادري....

انا كنت تظن انه يسمح بطلعات بسيطه مع الصديقات بس مب مشكله بنحاول نحل هالموضوع بعدين...

انتي تعبانه و هو بعد تعبان مثلج و لكنه يكاااااابر و يبين ان الامور عاديه و لا همه بس من داخله محترق مثلج لان الوضع بالنسبه له نفس الشي...

*

انتي محتاجه شوية استر خاء... ليش ما ناخذها فرصه دام انه مب موجود اليوم... و نسوي جلسه سبا منزليه.... دام جي جي محبوسه في البيت فخلاص خلينا نسوي شي ندلعج فيه...

ابيج تسوين حركة السبا اللي علمتج عليها حتى لو ما عندج شموع و لا عندج فواحات.... ابيج بس تغطين في البانيو و تفكرين افكار حلوه و جزيره حلوه مافيها غيرج.... لمدة نص ساعه و بعدين حطي ماسك عسل على ويهج لمده ربع ساعه.... حلو الكلام و جميل...

اي فكره تحضرج خلال السبا عن زوجج اطرديها على طووووول لان الحين وقتج مب وقته....

بعد ما تخلصين ابيج تعطرين نفسج بعطر هااااادي جدا علشان بس تسترخين.... اووه صح نسيت اقول لج ابيك تحطين كريمات بس علشان النفسيه تتغير...

جريب وقت العشا سوي عشا خفيف جدا و جهزي الطاوله لكم... حضر و تعشى... خير و بركه.... ما حضر بنلتمس له العذر... سمعتي يا قلوووب.... نلتمس له العذر يعني بدون نقاش او اي شي....

اول ما يدخل ابتسامه بسيطه منج له و ترجعين تكملين اي شغله كنتي تسوينها

قلوب شكلي لوحدي هني...

مب مشكله... انا راح اكمل و انتي اقري كلامي...

قلوب.. ما ابيج تستعجلين النتايج... شفتي البنيان كيف... في لحظه ينهدم كل شي و لكن علشان تبني تاخذ وقت طويل و شهور و سنين... احنا الحين نبي نبني علاقتج معاه من جديد.. علاقه حلوه ان شاء الله تعالى...

الصبر ثم الصبر ثم الصبر...

ما راح تعتذرين.. و لكن اسلوبج و تغييرج اللي راح يلاحظه راح يغيره هو بعد ان شاء الله تعالى... و لكن الحين صبر جميل و الله المستعان..

انتي تبينه يفتقد اشيا تسوينه له... و راح نخليه يفتقد هالأشيا يوم تتزاعلون مره ثانيه (الله يبعد الزعل عنكم)...

كل شي يبي له صبر و صبر و صبر...

الصبح لا تنتظرين انه يقومج علشان الفطور... انتي قومي قبله... سوي الفطور و حطي له رساله "فطور الهنا" و روحي نامي... كرري هالحركه 3 ايام... و رابع يوم خليج منتظرتنه و افطري معاه... خليها لحظات حلوه تقضونها مع بعض... قبل ما راح العمل... استودعيه الله بابتسامه و ارجعي نامي....
أهم شي.. لا تزعلين اذا لقيتي انه ما اكل فطورج اول يوم او ثاني يوم او حتى ثالث يوم.. استمري الى رابع يوم.. رابع يوم ما أكل الفطور.. ففي الخامس انتظريه وقولي له شفتك ما تاكل الفطور و قلت يمكن وجهي يفتح شهيتك... او اي تعليق لو من عندج.. لأن هالشي وارد... و لكن كل يوم استمري و استمري و استمري... لا تيأسين... آخرتها راح يحس...

الإبتسامه لا تخلينها تفارقج ابدا... وقت خروجه و وقت دخوله..

صمته عالجيه بصمت هادئ بالمقابل... خليه شوي مستغرب منج... و يسأل نفسه... ليش هالمره هي ساكته... اشغلي نفسج بأي شي... بكتاب... ببرد الأظافر... بتحطين كريمات امامه... ودي اكتب اشيا بس للأسف المنتدى فيه رجال فما اقدر اخذ راحتي وايد هني...

أذكر وحده كان لها نفس المشكله... تزاعلوا و استمر الزعل فتره طويله... و عطيتها خطوات و اتبعتها بالحرف... احيانا كنت اكلمها عالمسنجر و تقول جالس معي و لا يحس و لا يناظرني... يلعب مع عياله و لا كأني موجوده ... و انا كنت اقول لها تتصرف بطريقه معينه و كنت اقول لها اصبري و اصبري و بتنالين كل خير... بعد اسبوع انهار الرجل وقال لها شو فيج شو مغيرنج... احسج معاي و مب معاي... ما اعرف زعلانه مني و عاديه معاي...و التغيير عيبه لأنه قال اول مره احسج غامضه و ما اعرف شو تفكرين فيه... و ذكر لها بعض الحركات اللي كانت تسويها (يوم كنت اقول لها تسوي الحركات... تقول لي سويت و لا طالعني.. كنت واثقه انه يطالعها و رجعت تبشرني بعدها ان الأمور تمام).. هي صبرت فتره و تحملت و ضغطت على اعصابها بس وصلت الحمدلله آخر شي للنتيجه اللي هي تباها...

لهالسبب بعد يا قلوب.. اصبري... بتتحركين بكل هدوء في البيت... بتكونين صامته و لكن مب صمت زعل و تبويز.. لا... صمت الهدوء.. صمت الإنشغال البسيط.... الصمت اللي يقول للرجل "انا في عالمي الخاص... بس وقت احتجتني بتلاقيني"..

حبيبتي انا معك كنت برتب البيت,,,


يعني اول خطوة مني استرخي بالبانيو,,,اوكي راح سويها بعد ما نتكلم شوية عشان بعدها احضر العشا,,,

لو تشوفين كيف بيكون احساسي لما ببكي وتقطع جنبو وهو مو حاسس فيني احس بالم لا يووصف اسئلو انت فلان اللي بعرفو انت اللي تقول اني احبك انا مو مصدقة انو هذا انت بنصدم في كيف يتكلم ومايرحمني

طبعا ما يقلل ادبو معي بس طريقة كلامو وايد قاسية مافيها حنية ولارحمة
وبعد ما نخلص ويكون قلبي تقطع خلاص يكون اخرج كل شي عندو يتقرب مني وفي الصبح يصير عاادي ويرجع لطيبتو وتعاملو لكويس معي بس انا لساتني اكون منصدمة ومجروحة من طريقة نقاشو معي
اعجز اني ارجع طبيعية ومخي يصير مشغول بكيف حكا معي وهو يتعامل عادي بعدها شوي شوي احاول انسا واعذرو
واعتقد هذا يكون عندي عناد وعصبية عشان شذي في اي موقف ثاني انفعل بسرعة م ادري يمكن كنوع من الانتقام من انو ما حاس فيني ولا حاس بدموعي والمي

قلتي لما يدخل من الباب ابتسامة بسيطة من اني يا حبيبتي هو ما يطالع فيني عشان ابتسم مباشرة على الحمام والصلاة والاكل

وانا ما قدرت ابادر واسئلو عن شي لاني مارح اتحمل الى جاوبني من فوق ضرسو افضل على اني اصمت من انو يجاوبني دون رغبة فهمتي عليا

انا فاهمة عليك حبيبتي بس انا احس في شغلات بداخلي زعلانة منهم يعني مب هو اللي زعلان مني وبس

فكيف اقوم اسوي له الفطور ورسالة الخ
ما عندي جراة ولا رغبة اقوم اسويلو الفطور هو رح يستغرب ويمكن يعند ويقول هادي مو من عادتها ,,,

مب احنا نبي نعيد الخارطه الذهنيه عندكم انتو الإثنين... يا قلوب يا حبيبتي...

ادري انتي زعلانه... بس انتي تتحملين الجانب اللي بدا في الموضوع...

خليه يقول اللي يقوله... راح يستغرب... اكيد بيستغرب... لأنه مب من طبعج....بس ليش ما نخلي هالشي شغله شبه يوميه؟

هل انتي ناويه تسوين اي شي من اللي قلت لج عليه؟

انا اعرف انتي شو تفكرين فيه الحين...

انتي الحين تفكرين.. انا دايما اصالحه... هو دايم زعلان... هو زعله يطول... ليش كل شي علي انا... ليش انا اللي لازم ابادر اول في الإعتذار؟ ليش هو ما يراعيني؟

و انا بدوري اسألج...

ليش ما نبدأ صفحه جديده و حياه جديده؟ و نتخيل ان هذا اول زعل لكم؟

انتي تقولين لنفسج...

دايم انا اتنازل؟ ليش هو ما يتنازل؟ ليش هو ما يراعيني؟ ليش هو يسوي الأشيا اللي تزعلني؟

و انا ارجع و اسألج..

ليش ما نبدأ صفحه جديده و حياه جديده؟ و نتخيل ان هذا اول زعل لكم؟

قلوب وينج؟؟ اشوف اسمج... شو تكتبين معلقه!!! امزح لا تزعلين مني...

بس تعبت و انا انتظر... و احنا عندنا عزا لناس قرايبنا و ما رحت له للحين علشان اكون معاج...

تدرين بليلة العيد تزاعلنا وبكيت كثيير ولما تكلم معي قال خلاص رح نبدا صفحة جديدة واعتبري كل اللي مرينا به ما حصل

قلت اوكي بعد ما كنت مقررة خلاااص اترك البيت لاني تعبت بصراحة

وهاهو نفس الشي يتكرر معنا انا متاكدة في نفسو كل اللوم حااااطو عليااااا وانا مستحيل اوافق باني المذنبة في كل شي
هو يتحمل شوي انا شوي مو كل شي عليااا
انا كتبت ايش صار من البداية هو غلط معي اوكي اعتذر وتقرب بطريقتو ليه ما كمل حسنتو معايا وتحملني وتفهمني لما عصبت عليه
تقولين انو مل من كثرة تكرار هذا الشي وانو رجل وتفكيرو غير تفكيري,,,, حقول لك اوكي
رح اتبع خطواتك بس بعض منها مثل اني اسوي الفطور مارح اقوم بها لانها محرجة بالنسبة لي اذا عادت المياه لمجاريها رح اسويها بس الحين لاء

اتمنى تتحمليني انا مستعدة اسوي اللي تقولينه لي واذا شفت حاجة تسبب لي احراج او تنتقص مني مارح اسويها
اذا انت موافقة طبعا