أتمنـــــى من كل قلبـــــــي إنك ماتتخذ أي قرارات وأنت بهذا الضغط والضيقة
والله وعلى حسب ماذكرت من صفات لزوجتك إنها مسكينة وضعيفة
وأنت رجل طيب وفيك خيير لكن واضح إنه شخصيتها تتأثر بوقت الحزن
أنا أبصم لك بالعشرة مافيه شي يحزن المرأة ويخليها متخبطة ومهزوزة مثل الحقران بهجرك لها
ولو تلاحظ إنه بوقت الزعل مافيه شي واحد مزعلها منك تلقاها تتكلم وتنتقد كل شي حتى أنت ماتدري وش
اللي مزعلها بالضبط مثل زوجتك الحين
أنتم تحبون بعض لكن الشيطان متربع بينكم الحين للأسف
زوجتك ماتبي الانفصال لكنها ماتدري كيف ترضي اشياء جواتها وبنفس الوقت ترضخ لك وترضى
ترى أكبر دليل إنها ماتبي تبعد عنك لما ارسلت لها كلام مع ولدك رجعت ردت عليك تبي أي موضوع يفتح بينكم
تطلع اللي بقلبها وتشوف عنك وش اللي تفكر فيه
نصيحتـــــي .. لا تفكر بالطلااااااق نهاااااائيًا
حاول تتنازل وتهدي بالك وتعتبر زوجتك الحلقة الأضعف بحياتك وأنت الأقوى والمتحكم
خذها لحالها واطلع تكلم معها بهدوء حاااااول حتى لو ماتعرف للحوار تكلم معها بعاطفة المرأة
ووضح لها انك شاري حياتك معها قلها انك تبي سعادتها حسسها إنك تبيها صدقني بترضخ وبتلييين
علمها وفهمها انك ماتبي تتنازل بسهولة لكن لازم تساعدك انكم تكونون مع بعض على الحلوة والمرة
خلها تحس بالأمان والارتياح خلها تشوف جانب حنون منك جديد عليها مافيه إمرأة ماتجي بالعاطفة
بالأخير قلها يافلانة ترى ماراح يعيش الألم اذا تفرقنا إلا أنا وأنتي وعيالنا
وأي صديقة إذا كانت تستحق تكون صديقة حقيقة ماراح تحس باللي تحسينه ويمكن تنبسط انها خربت بيت كان ناجح
قلها فكري بكلامي قبل تقولين أي قرار وخلها تقولك عن اللي في خاطرها
ماتتخيل الكلام والفضفضة عن الخاطر وش راح تسوي بينكم بما انه الحب بينكم
واضح زوجتك مشحونة منك ومو ضروري تكون أشياء كبيرة ممكن تكون هي حساسة وتشيل بقلبها
وتراكمت فوق بعضها وصارت تتكلم لزميلاتها وياكثرهم الحقودات اللي ينبسطون اذا خربوا على احد حياته
ضروري ضروري تتكلم معها لحالكم لو تدورون بالسيارة بمكان فااااضي وتتكلمون صدقني بتتغير نفسياتكم
أنا كتبت كلامي من تجربة ووالله انه الهجر أكبر مصيبة على المرأة
اسبوعين مرت علي كنت حزينة من تصرف زوجي معي وكنت ساااااكتة وجواتي بكااااء
لما الحمد لله تكلمنا وطلعنا اللي بخواطرنا تغير الوضع
والمحزن وشوووو ؟
إنه بنتي عمرها 5 سنوات جالسين بعد مارجعت الاوضاع طبيعية ضميتها شوي
فجأة قامت تصييييح والله تشاهق من الصياح
وش فيكي ياماما ؟ تقول أحبك مررره
أنا فهمت احساسها يعني لا تزعلون وتسكون مع اننا مابينا شي قدامها الا اننا مانتكلم مع بعض
فما بالك بطلاق وفراق وتشتت
الله يسخركم لبعض ويبعد عندكم شيياطين الإنس والجن