جد جديد ؟؟ أحسك محبطة بزيادة
أعرف بنت برضه مشكلتها مع زوجها متشابكة مثلك ولجأت لأكثر من 3 مستشارين .. صارلها الحين حوالي سنتين تحاول الى أن ربك فرجها عليها بمستشار عرف لهم ولا زالت ماشيه معاه لكن على الأقل في تطور وتحسن .. مع العلم انها سكان السعودية والمستشار تتواصل معاه من خلال مركز حكومي بالتليفون بدون علم زوجها لا تيأسي |
ياحبي لك شعرتي فيني
الله يسعدك دنياوآخرة أنا صار عندي قناعة تامة أنو حل مشاكلي ماهي بيد فلان وعلان انها بيد رب العالمين بسخرة ربي وقدرته يابيتغير زوجي أو أنا بيلهمني الصبر والبرود... المستشارين يذكروني فيني قبل لمن تشتكي وحده من زوجها اصبري وخلي لسانك حلو والبيت نظيف وريحته حلوه وكل شي مرتب واشبعيه من جميع النواحي اشعريه انه ملك أحتويه تراه يحبك بس دلخ مايحسن التعبير خلي البيت راحته لاتعاتبين لاتطلبين خليك ملاك أنتقي عباراتك ومتى تطلبين وتفرضين رأي وو.......الخ يحسب الواحد إن الأمور تمشي على الكيف بسيناريو محكم مايدرون أنها ..امور غيبيه تحصل لك رزق من ربي صار عندي قناعة انو الحرمة وش ماقدمت وش مابذلت هالبيت يوصف حالها.. وعين الرضا عن كل عيب كليلة ولكن عين السخط تبدي المساويا |
مليت عزيزتي
كل مشكلة و لها حلها. المهمه ان نعرف اين تكمن. المفروض عندما يقول لك انت السبب تساليه ما هي الاشياء التي تزعجك و لا تعجبك بي حتي اصلحها؟ يا ستي زوجك بالنهاية انسان و له مشاعر و لابد ان هناك ما يزعجه بغض النظر عن صحته او خطأه، مجرد معرفة المشكلة هي نصف الحل. هل تتصورين ان هناك اسرة ليس لديها مشاكل؟ انظري هنا في صفحات المنتدى و اقرأي المشاكل!و ما نحن الا شريحة صغيرة من هذا العالم. الكل يعاني و انما خلقنا لنغلب الصعاب (لقد خلقنا الانسان في كبد) لا تيأسي اخيتي بما انك كتبت هنا يعني في امل كبير بالتغيير لانك تحبين حياتك و تريدين الاستمرار. ذكرت لك مسبقا عن قريبة والدتي هي مطلقه الان و لكن طلاق عاطفي لا يجمعها حديث واحد مع زوجها و لا حتى ليتشاجرا!! ياتي كل ثلاثة اشهر مرة و يبقى يومان!!و لا يبقى خلال اليومين الا ساعة او ساعتين!! |
مدري مليت اعذريني بس بقولك مثلهم .. حسيت زوجك يحوس حوالين علاقتكم الخاصة والعاطفية بكلامه وكأنه ينتظر منك مبادرة ... ما تشوفي انه ممكن لو بادرتي تشوفي منه تجاوب ؟؟
جربتي متى اخر مرة ؟ |
بخصوص المستشارين ما جربتهم حتى أعرف .. أنتي أعلم ..
لكن هذي الست اللي قلت لك عنها ماشيه مع المستشار على خطط حربية وعلوم جديدة طلبت منها تدخل تكتب لك لكنها الظاهر مو فاضيه .. عندها صغار ومريضه غير بلاوي زوجها وقالت لي بعد ما قرأت موضوعك انه هنا ما ينفع أبد وأنه موضوعك مثلها يحتاج متابعة خطوة بخطوة من شخص متخصص |
أبي أتكلم إذا ممكن..
بقول موقف واحكموا نوروني الله ينوركم.. جاء اليوم سألني قال :بسألك سؤال..قلت :آمر قال ليش طلعتي من قروب العيال؟ عطيتها بوجهه..قلت دايم تنتقد كل شي أرسله ولا تشارك...القروب مايحييه إلا أنا..فشريت راحت دماغي قال: طالعة بسببي أجل لاترجعين! عيالك أهم من الغرب والناس... ويفتح سوالف ثانية غير السؤال! يعني شرق وغرب.. أنا زوجك لمن أنصحك خذي بكلامي ونصحي أعلمك اللي يبيض وجهك ويخلي الناس تحترمك....الخ.. والواحد ينبهكم لحرصه مايحط شي يخلي الناس تتكلم عليه قلت الحين يعني أنت مثالي! ويرجع يكرر كلامه! قلت الحين وشو له هالسالفة تعيد وتزيد فيها! مو غيرت ومن يومها وأنا ماأحط صور من هالنوع! يعني سمعت كلامك وطبقته أو ماسمعت لابد تلحقني ملامه! قال مايهمني إن شاء الله تحطين صورة (( كلمة وسخة )) وتكتبين ابي زيه! أنا أصلاً بديت أشك فيك طلعاتك للسوق و الليزر ورياضة وحمية! أنتِ طقطقة بجوالك من عندك! قلت كلنا بجوالاتنا وأنت جوالك كل وقتك عليه وش عدا مابدا صرت أخاف أقعد معك من المشاكل حتى أتم بفراشي وأنا بخاطري أنزل خوف من كلامك علي.. أنا نازلة طيران أجهز لك قهوة ووضعنا اوكي وشو له هالكلام صب باقي فنجاله في الصينية قال مانة علي! قلت مامنيت أنا أعلمك إني مو مسويه شي الناس يصورون ويحطون صور يدينهم ورجلينهم ويكتبون تغريدات ورجالهم كل واحد لحيته أطول منه وانت على صور وهمية تلومني قال ذابحتك الغيره قلت مو غيره بس أنا ماسويت شي وانلام والناس ماخذه راحتها زمحد يلومهم أنت مهمشني ليش تعاتبني وتلومني لاتحضني ولو طلعنا نمشي سوق تدرعم قدامي ماتشعر فيني ولا في مشاعري على ايش تلومني قال أنتٍ ماتسوين عندي شي ولا تهمميني قلت مشكور ويقوم ورجله تجي في غطاء علبه قال انتِي عندي زي هذا! |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|