سهل الله امرك وكتب لك الخيرة والتوفيق

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

شكرً اخوي براء ...

لن أنتظر لبعد الزواج سأقول كل شي اليوم رغبة في تحديد المصير ولنكون على بينة من البداية

فإما أن تستمر معي كما أريد وبما يرضي الله ، وإما تطلب الإنفصال ،أي

أني سأجعلها في كلا الحالتي هي من تختار

وعندها سيكون لي رد مختلف ، بقلولي إنها هي من تريد ، وهذا يستوجب استردادي لما دفعته ...


شكراًَ لك عزيزي .

__________________

أهلين أختي ...

موضوع المكالمات سبق وإني أوضحته في أكثر من رد :14:

والسكن هي ساكنه مع اخوانها عند أهل الأب ، لأن الأب غير مستقر في البلد بعد انفصاله

عن أمها وبحكم طبيعة عمله ، ولاهو قاصرة شي ، دلع وتمشية وطلعات وخدم وحشم

وماهم مقصرين مع العيال كلهم بأي شي ...

فالمسألة ماهي مسألة رفض أهل للمكالمات بل عدم اهتمام من البنت ولا أدري ما السبب

في ذلك وما سر هذا الغموض الذي يكتنف هذول الناس .


تشرفت بمرورك .

__________________

الله يريح بالك زوجتك غامضه....بشرنا عنك...بالتوفيق...

__________________

بشرنا وش صار تفاهمت معهم؟؟؟؟

__________________
ربي لا أعلم بما تحمله لي الأيام لكن ثقتي بأنك معي تكفيني ~

السلام عليكم ...

وأعتذر على التاخر لظروف سفري ...

رحت للجماعة طبعاً من المطار على طول ، وعرفت من الأهل ثاني يوم قبل ما تجيني وتجلس معي

إنها مترددة وخايفة من الإنتقال معي للرياض بحجة إننا ما جلسنا مع بعض كثير

بسبب سفري المتكرر بعد الخطوبة وبعد الكشف والملكة ، وطبعاً أنا طروفي العملية هي السبب

وإنها حلمت فيني إني اخنقها ، ولكن الأهل ردوا عليها بقولهم هذا بسبب نومك عن الصلاة ..

عموماً اتفقنا إني أستغل فترة تواجدي في التقرب والجلوس

معها عشان تكتشف شخصيتي أكثر وانا برضو أتعرف على شخصيتها وتزول الرهبة وناخذ على بعض ...

وهذا طبعاً اللي صار ولكني ما كنت راضي عن الوضع لاننا ما أخذنا راحتنا بسبب كثرة المقاطعات بتواجد الأخ

أو الاخت اللي كلهم أصغر منها تارة ، وأحيانا خروجها المتكرر من المجلس ، وما أستبعد كثرة دخول الأخوة

علينا يكون بطلب منها وفي غفلة من الأهل عنهم .

المهم إني تأكدت إن موقف الأهل إبيجابي وإنهم ما يقدروا يجبروها لو ما تبي ، وقالوا لو كانت نصيبك الله

يوفقكم ويتمم لكم ، اللهم إننا ( الأهل ) نبغى نزوجها على حياتنا ونطمن عليها .

كلام طويل مع الأهل وفي أكثر من جلسة أكدلي سلامة موقفهم وإن كل شي صاير من البنت نفسها .



أكرر شكري واعتذاري على التأخر في الرد .

__________________

قعدت خمس أيام كل يوم أمرهم أتغدا عندهم وأجلس ونطلع نتعشا مره مع الأهل ومره مع أخوها

طبعاً أول ما وصلت على طول من المطار عليهم وقعدت معها وتكلمنا عن الطناش وعدم الرد

واعترفت بالخطأ وإنه راح يتغير الشي هذا ، وتطرقت لكل الأمور اللي ما ابيها ، وعشان أكون واضح أكثر

موضوع الكشف والغطا أثناء الخروج وعلى ابناء العيلة ، قالت بالنسبة لابناء العيلة هم أخواني كبرنا سوا

وتربينا سوا في بيت واحد من صغرنا وبشكل عام طلبت إن هالموضوع يكون شوي شوي إلين تقتنع

لأنها من وجهة نظرها لو كان الأمر إجباري فممكن يكون فيه انتكاسة ، قلت ما دام الموضوع موضوع اقتناع

خلاص قولي لربك لما يسألك عن هالشي يارب أنا مو مقتنعة بأمرك ـ و قالت إنه هذا مو رفض للمبدأ

ولكن يبغاله وقت لأنها مو متعودة ، عاد ما أدري هل مقصدها أثناء الخروج فقط بدون أبناء

العائلة ولا كل شي ...

طبعاً كنا مقررين نطلع نتعشى مع أهلها وطلعنا ، وقبل ما نطلع جوني الأهل وقالوا : ها خلاص صفت النفوس؟

قلت يعني مو مرة ، وقلت لهم أنا وش قلت لها قالوا خلي هالموضوع لبعدين إلين تصير عندك ، لا تقولها لأنها

ما راح تغطي ، قلت لأ انا قلت وخلصت وانتهيت ، قالوا اصبر عليها شوي شوي انت راح تقدر تجيب راسها

( يعني تغيرها ) للوضع اللي انت تبغاه .

يوم جيت أمشي قالوا الأهل نام عندنا نام في غرفتها وهي تجي تنام عندنا قلت لأ بروح بيتنا وبنام فيه

طبعاً ما أصروا لأنهم قالوها مجاملة ومن باب الذوق لأنه ما عندهم مكان طبعاً وأنا قدرت الشي هذا ...

لكن أصريت على رفضي ومشيت ...

جيت ثاني يوم الساعة اثنين ونص الظهر ولا دخلت علي غير أربعة وطول هالوقت انا قاعد مع اختها الصغيرة

إلين رجعوا أهلها من بره وقعدوا معي وبعدها جات وسلمت علي وقمنا تغدينا على طول ...

بعد الغدا تركونا الأهل مع بعض لحالنا ، ورغم إننا تكلمنا في اللي قاعد يحصل بيننا لكني

ما أحس إننا توصلنا لنتيجة لأني ما شفت أي خطوة أولى للتغير اللي هي بتقول عليه ...

خروج متكرر من المجلس ، دخول الأخوان كل شوي وجلوسهم فترة معنا ، هذا طبعاً غير حالة الصمت

المتكرر اللي كثير حاولت أكسرها بفتح مواضيع ، تظهر لي من خلال ردودها عدم أهميتها بالنسبة لها

خرجنا بعدها مع الإخوة تمشينا شوي وحنا راجعين طلبت شحن لجوالها وشريت لها باكثر مما طلبت ...

رجعنا بعدها للبيت وقعدنا مع بعض واللي غاضني إنها بعد ما تكون قاعدها جنبي تقوم تدور في الغرفة

وترجع تجلس بعيد عني ! أنا بعدها ما طولت ومشيت وقلت لها بكره بجيكم على الساعة أربعة ومشيت .

ثاني يوم دقوا علي الأهل وقالوا تعال بدري عمانها موجودين تعال تغد معهم وقلت طيب وجيت ، وتغدينا

سوا أنا وهي وابوها وعمانها ، العمان شربوا معي الشاهي بعد الغدا ومشوا ....

طبعاً كالعادة الأخوة رايحين جايين علينا ، بعد العشا كانت ودها تطلع تتمشى شوي طبعاً أنا قلت مو لازم

أخوانك يجون معنا ، قالت أجل خلاص مو لازم ، وقعدنا نتكلم عن النفسيات والشخصيات وإنها باردة ومحد

يقدر يستفزها ، طبعاً البلاك بيري ( وهذي آفة بناتنا الايام ذي ) في يدها والظاهر جاها شي على البلاك

بيري عن التحليل النفسي ، لأنها سألتني انت كرجل كيف تحب المرأة وجاوبتها بإجابات عكس الصفات اللي

فيها ، كنت أقصد البرود والإحساس بالمسؤولية والصفة الأجمل في الأنثى وهي الخجل ...

في هالوقت مر أخوها وطلب منها إنها ترسل له هالتحليل ، ومن حسن الحظ إنها أرسلته متأخر

لأنها خرجت من المجلس كالعادة وغابت وانا من الزهق واحساسي بملل أخوها من البيت بسبب الإختبارات

طلبت منه إننا نطلع شوي ناخذ لفة بالسيارة ، وفعلا طلعنا ، ولما رجعنا للبيت قبل ما ننزل جاته رسالة على

جواله وينكم قالها بره عند الباب وكانت قيدها أرسلت له موضوع التحليل النفسي وقعدنا نقراه سوا ...

طبعاً كانت احدى إجاباتها انها مزاجية وعصبية ، وسؤال ثاني عن آخر مره بكت فيها كانت قبل يومين يعني

يوم سفري لهم . المهم جلسنا لبعد العشاء ، وقالت يلا بروح ألبس عباتي ونطلع ، وتعمدت استفزازها

ببرودي وإظهار عدم رغبتي بالخروج ، وقلت لأخوها بمزح مافي حريم يمشونا على كيفهم ، قالت بطلع مع

السواق قلت الله معك أنا بروح مع نسيبي لوحدنا قالت أرجع ألقاكم جاهزين ، طبعاً أنا ولا كاني سمعت

شي وقعدت زي ما أنا ولبست عباتها وجات وانا مطنش ، قعدت شوي على الكنبه اللي قدامي وانا مطنش

وقاعد ألعب في جوالي ، تنرفزت وقامت ، قالي أخوها والله عصبت قلت خليها هي تحدت إني ما أقدر انرفزها

خليتها شوي ثم قلت لأخوها يلا خلنا ننزل ، وطلعنا رحنا شربنا قهوة ورجعنا ، طبعا سهرنا لوحدنا شوي

وقعدت أمزح معها وآخذ وأعطي ، وتكلمنا عن المواصفات الشكلية زي الشعر واللون ... إلخ وإنها ودها تسوي

اشياء مثلاً قصة الشعر وغيره وقلت لها أنا اخترتك لأنك كذا فلا تغيري شي ، طبعاً ما أعجبها الكلام وقالت لأ

واستمرينا في كلام ونقاشات إلين قامت من جنبي وقعدت في الجهة الثانية من الغرفة ، فهمتها أنا وقمت

وقبل ما امشي قلت لها ترا ماني جاي على الغدا بكره ( الخميس ) وإني لازم أمر على عمتي أسلم عليها

واتغدى معها وأجيكم بعد العشاء ( وأنا في الواقع ماني رايح لأحد ) بس حبيت أغير الروتين ، طبعاً المصيبة

إنها ما قالت لأهلها إني ماني جاي وخلتهم يطبخون ويتعبون ، ولما سألوني قلت لهم إني قايلها ماني جاي

طبعاً ما كانت وقتها قاعده معنا ، وبينت للأهل سوء هالتصرف منها وقلت لهم البرود والطناش اللي زي

كذا هو اللي مضايقني فيها ، المفروض إنها تقولكم مو تسكت ولا كانه شي صاير !

في هاليوم طبعاً خرجنا ولأول مره لوحدنا ورحنا تعشينا وتمشينا شوي ولما رجعنا عرفت إنه الطلعة هذي

كانت بإصرار من الأهل إننا لكون لوحدنا ، وهذا الشي اللي أكد لي إن كل الطلعات السابقة مع الأخوان

كانت برغبتها وكذلك دخولهم علينا كل شوي ، لأن الأهل والحق لله تاركينا براحتنا ولا شفناهم أبد ....

لما رجعنا دخلت هي جوا وجوني الأهل وسألوني عن الإنطباع وقلت لسه مو مرة ، قالوا انت وش رايك

حنا حاسين إنك متردد ومو مرتاح ، قلت أنا متردد بسبب تصرفاتها وبرودها ، أنا قاعد أحاول اغير نفسيتها

وشعورها نحوي واخليها تحس بالأمان مع الشخص اللي قدامها ، والموضوع واقف عليها يا نكمل يا ما نكمل

إذا ماهي واثقة من قرارها ومن رأيها في الزواج ما أقدر أجبرها ، قالوا ولا حنا ما نقدر نجبرها هذا زواج مو

لعبة ، بدل ما يصير زواج وطلاق ، وفي نفس الوقت من باب الحزم معها قالولها ما عندنا بنات يتملكون ويفكون

شلتك وربيتك عشرين سنة أكثر من كذا معد فيني ولا روحي اقعدي عن أمك ( طبعاً من باب التخويف

هالكلام ) وهالأمر اللي اثبت لي إن البنت متعلقة بأهل ابوها أكثر من أمها وخوالها نتيجة لتبعيات الإنفصال

وأنا طبعاً رديت وقلت إنه طريقتها مع أمها مو عاجبتني ، إذا هي كذا مع أمها كيف

بتكون بكره معي ومع أمي ، قالوا ولا حنا نبي امها لكن ما منعناها ولا منعنا أخوانها عن أمهم متى ما حبوا

يروحون ومتى ما بغوا يرجعون ، وانتم إذا تزوجتوا مالنا دخل تروح ولا تجيها أمها مالنا دخل خلاص

بتصير في بيتك ( طبعاً أنا قلت هالكلام لأني ماني قادر أتواصل مع الأم ) ويبدو لي إن للبنت يد في

هالموضوع ! طبعاً قبل ما امشي تكلمت مع البنت في موضوع الصديقات وسالتها عن وحده جات لحفلتنا في

القاعة بدون دعوة منها حسب ما عرفت رغم إنها عزمت أمها وأختها وإنها لما سلمت عليها سلمت عليها

ببرود ، وقالت أنا بشكل عام اللي ما يحترمني ولا يلتزم بحدوده معي ما أحترمه ، قالتها بطريقة تعبيرية ما

عجبتني بسبب نبرة الكبرياء اللي ظهرت أثناء الكلام والحدة فيه واللي ما قد بانت عليها في قبل كذا خاصة

إنها إنسانة باردة و هادية كما ظهرت لي في أغلب الأحوال !

سالتها عن عمانها وعماتها وخالاتها وباقي الأسرة ، وتكلمت عن كل شخص ، وأبدت إعجابها بإحدى عماتها

وإنها تتمنى تكون زيها ، قلت كيف ؟ قالت قوية شخصية وما يهمها أحد واللي تبغاه يصير ...

يعني بالعربي السلطة في يدها ، وهذا شي ما يمشي مع واحد زيي ما يمشي معه الحال

المايل ولا بتولع فينا الدنيا .... هذا طبعاً غير المزح البايخ اللي نبهتها عليه واعتبرته انا طولت لسان !

ومع كل هذا ورغم كل الأشياء المزعجة أنا لازلت مطول بالي وماخذ الأمور بهوادة عشان أطمن البنت من

ناحيتي وفي نفس الوقت أكون قد أعطيت جميع الفرص وأرضيت ضميري .

يوم الجمعة وهو آخر يوم جيت وتغديت عندهم وكالأيام السابقة سكوت وهدوء أغلب الوقت إلين جووا الأهل

وقعدوا معنا وحركوا الجو شوي بضحك وسواليف ، وقبل ما أمشي استغليت خروجها من المجلس وقلت

للأهل : حنا مو لازم نحدد حالياً موعد الزواج وخلينا كذا إلين تتضح الأمور ونعرف هي وش تبي بالضبط ...

وقمت وسلمت عليهم ونزلت معي زوجتي لعند الباب زي كل مره وسلمت عليها ، وقلت لها : إن شاء الله

هالكم يوم اللي قضيناها مع بعض تكون عرفت فيني اكثر ، فكري في كل الكلام اللي قلناه والأمور

اللي طلبتها منك . وسلمت عليها وعلى أخوها اللي كان بره عند الباب ومشيت على المطار ...

طبعاً الرحلة تأخرت وأخوها اتصل يتطمن علي وعن موعد الرحلة ، ولما وصلت تعمدت إني ما أتصل

عشان أشوف هل هي بتتصل ولا لأ ، طبعاً جاني اتصال من جوال الأهل الساعة 12 ولا رديت لأني ما كنت

عند الجوال ، ولما شفت الإتصال دقيت وردوا علي ، قالوا هي اللي اتصلت تبي تطمن عليك

ونادوها بس الظاهر ما كانت قريب ، وودعوني وقفلنا ...



وهذا كل شي صار من رحت لهم إلين رجعت ، وسامحوني طولت عليكم هالمرة

ولكن لا شعورياً بحت لكم بكل ما حصل معي ...

مع جزيل شكري على تحملكم لهذا الفلم الممل

دمتم بنقاء وتصبحون على خير .

وعدنا بكرة إن شاء الله ورانا دوام

__________________

والله كنت متحمسه لموضوعك مره وشايله همك لكن أمس وقبله مادخلت النت كويس

المهم....اسمحلي ودي أشرحلك اللي فهمته......

أول شي أنا من البدايه حاسه ان البنت نفسها هي اللي متردده وخايفه قل ليشششششش؟؟؟؟ لأن في حاجه خايفه منها


قد تكون سفره للرياض عائق وخايفه من التأقلم بمنطقه ثانيه!!!!

وقد تكون شخصيتك معها مادري كني فهمت منك انك حاد شوي وجاف!!!! يعني أنت قلتلها انك تحبها ومتعلق فيها؟؟ بالعكس أشوف انك قدامها تكون مصر انك تبيها هي حسسها انك تحبها وعاجبتك ومرتاح معها وصدقني راح ينعكس عليها

يعني بالايام اللي تردد عليهم للأسف أشوف ان كلها شد وجذب بس !!!! وهي زودتها ماتبغى تمسك سالفه

وماتبغى تفهمك وش العائق!


وبالنسبه لاخوانها والدخله والطلعه وانها تبعد عنك بالمكان صدقني انا فاهمتها هي تحسسس بخوف وماحست بالامان

واتدري وش يجيها منك!!!!! وشكلها المسكينه متردده بقرارها!!أو خاايفه من الزواج...

أنا شخصيا انخطبت قبل فتره من واحد من غير منطقتي وحسيت ان أهلي عاجبهم وشفت ان مالبيد حيله والله جتنييييي

نوووووووووووووووبة بكاء خوف من الانتقال والعيشه بمكان ثاني وخووووووووف من الزواج بحد ذاته والحياة الجديده >>>يعني أنا ماألومها أبد اللي تمر فيها مرحله صعبه وهي مرحله قبل الزواج ماتدري وش راح تكون حياتها !!!!!


طيب ياأخي مع نهاية الفلم والتردد والغداء والعشاء وش صار؟؟؟؟

أنا ماحصلت فيها خاتمه للفلم للأسف

أنا أقول لاتحرق نفسك اصبر حد ماتقرر لأن يبغالها اعادة قرار والله أعلم .........والله يكتب لك الخير

وردد اللهم اكتب لي الخير حيث كان ثم رضني به...عاد خبرنا بالمستجدات يمكن تكلمك أوترسلك..

أو أقولك عطنا رقمها أبتفاهم معها أنتي تبين الرجال أو ماتبينه..؟؟؟>>>>متحمسه بزياده

الله يوفقك.

__________________
ربي لا أعلم بما تحمله لي الأيام لكن ثقتي بأنك معي تكفيني ~

والله يا أختي الحياء يمين وحنا يساااار

الحياء لو كان له وجود ما كان مزحت بكلمة نبهتها عليها مرتين ...

طبعاً أنا أشوفها وهي ماسكة جوالي وأمزح معها وأسوي زي الصغار اللي ودهم يشوفون شي معين

في يد غيرهم واجي أميل راسي كأني ابي اشوف ، طبعاً هي فجأة ترخي الجوال وتقول ( لقافة )

من باب المزح طبعاً ، ولكنه مزح غير مستحب ، لأنه اللي قدامك زوجك مو وحده من صاحباتك !

أول مره ذبت هالكلمة قلت لها صاير لسانك طويل !

وثاني مره مره نبهتها عليها في جلسة مصارحة وقلت ما المفروض إنك تقوليها ، وتقبلت الأمر وقالت

المزح اللي ما يعجبك قول لي عليه .

يعني كسرنا حاجز الحياء ... لكن الثقل أتوقع إنه موجود ومصطنع ولازم له حد .



شكراً لمرورك العطر

__________________

هي فعلا لسى مااتخذت القرار
والظاهر الحلم فعلا مأثر على قرارها
قل لها نبض تسلم عليك
وتقولك لاتروح عليك هالأيام لأنها بتكون أحلى أيام حياتك
وبتجيك الأيام تتحسري ان الشيطان لعب براسك وخرب احلى لحظات عمرك
خلاص استختري وملكتي توكلي على الله
والحلم رددي اللهم لاخير الا خيرك ولا طير الا طيرك ولا اله غيرك علشان ماتتطيرين بالحلم
والرسول قال الرؤيا السيئة من الشيطان
وهو هدفه (يحزن الذين آمنوا)وعدوه الزواج لأن أعظم طاعة

الله يسعدكم