رد : عقدت على فتاة كزوجة ثانية لكنها لا تهتم بي
الأخوات الكريمات اللي ينصحون الحين بعدم طلاقها انتم ركزتوا زين في موضوع الأخ الكريم ولا ماركزتوا ترى في آخر سطر من موضوعه قال إنه في قرارة نفسه ماعاد لها عنده حب او ود تعرفون معنى هالكلام إنه ماعاد صار يحبها وإذا تم الزواج وجابها لبيته وهي مستمرة بأسلوبها هذا وتعاملها معاه تتوقعون إنه بيتحملها خلوه يصبر سنة سنتين ثلاث عليها بس ماراح يحتمل وبينفجر عليها وبيكون خلال هالمدة جايبة له اقل شئ طفل إذا اراد الله وصارت مشاكل وماعاد احتملها وطلقها وبينهم اطفال كيف تتوقعون بيصير شعورها لما تنكسر بالطلاق وتنكسر بفراق اطفالها جرح واحد يهون من جرحين وجرح الطلاق يتعالج ومع الوقت يندمل ويمكن تتزوج واحد على حسب ماتتمناه لاكن جرح بعدها وفراقها وحرمانها من اطفالها كيف بتنساه وكيف بتعالجه وكيف بتصبر إذا عندكم اطفال فكروا في نهاية الطلاق لمايكون عند الوحدة اطفال والرجل لوشايف إنه بيصبر عليها ويحتملها كان ماجاء هنا وطرح موضوعه واستشار فالنهاية ضرر اخف من ضرر وليشهد الله إني ماتكلمت هنا ونصحت بأنه يتركها مو علشان إني زوجة اولى ماعاذ الله وحتى قلت في ردي السابق لاتظلم بنت الناس معاك لأن هي إمرأة حالها كحال كل النساء تبحث عن الأمان والراحة في حياتها خصوصا إنها مرت بتجربة بس اسلوبها وطريقتها ماراح توفر لها اللي تطمح فيه ولا راح تلاقيه عند رجل معدد يخاف الله في زوجاته إلا رجل شخصيته ضعيفة وما يهتم بشئ إسمه العدل بين زوجاته وممكن إذا تركها في حال سبيلها الله يرزقها برجل ارمل اومطلق او اعزب وتعيش معاه حياتها مثل ماتبغى لانه لايوجد في حياة ذلك الرجل زوجة سواها فتلاقي كل الإهتمام لها لوحدها وبتحس معاه بالامان لأنه لها لوحدها بدون شريكة انتم بس فكروا إذا تم الزواج وجابها لبيته وخلفوا اطفال وماغيرت من اسلوبها وتوترت الامور بينهم وحدث الطلاق بينهما إيش مصير الأطفال إللي بينهم وقد إيش هي بتموت قهر علشان اطفالها إذا اخذهم منها ابوهم تخيلوا كيف بيكون شعورها ماراح يهمها الطلاق كثر فراق عيالها
على العموم اخينا الفاضل عليه بالإستخارة وربنا يسهل له مافيه الخير ويكتبه له يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
26-04-2014, 04:27 AM
ضوابط المشاركة
العرض العادي
