|
انا صراحه انحرج من احد يدخل غرفة نومي غير امي واخواتي فقط وطبعا مايجلسون فيها بس ياخذون غرض ويخرجون .....
هي الغرفه صح خاصه بس مو خصوصيه مئه بالمئه طبعا اقصد اي احد يحتاج شي منها من اهل زوجي اما الضيوف مسسستحيل ثم مستحيل تم مستحيل .... ماشوف لها داعي اخليها مشرعه للرايح والجاي |
السلام عليكم ورحمة الله وبركاته
بالنسبة لي غرفة النوم ليست معسكر اسرار وبنفس الوقت ليست مباحة لكل من هب ودب عندما تزورني والدة زوجي وشقيقته وتقيمان عندي لا أغلق ولا أمنع عنهم اي غرفة أشيائي الخاصة داخل خزانتي عدا ذلك لهما مطلق الحرية للتجول والتصرف في البيت أثق بهما تمام الثقة وأعلم أنهما لن تحاولا التفتيش او هتك خصوصيتي. أغلق غرفتي عند زيارة الأصدقاء او مثلا وجود عمال للقيام بتصليحات وما شابه تحيتي |
لما يقال لفظ غرفة نومي
ما اتخيلها سرير وكبت وعطور وو 😆😁 اتخيلها اسرار متطايرة في الجو .. و ريحة حب .. و مزح .. وحياة خاصة بعيدا عن العيون لذلك الامر بالنسبة لي نفسي بحت أعجبني كلام زين هذا ..بجد يعبر عن رأيي.. بالنسبة لي غرفة النوم هو المكان اللي تنفردي فيه مع زوجك..تتكلمي معاه وفيها أسراركم..أحس كل شي فيها له ذكرى خاصة ..طبعاً خواتي وأخوات زوجي يدخلوها اذا مثلاً احتجت وحدة منهم تمكيجني او تساعدني في شي.ومرة كمان أم زوجي وأمي خليتهم يصلون فيها لأن كان فيه فوضى أطفال ...بس الشيء الوحيد اللي مااقدر اتنازل عنه أن أشخاص غيري أنا وزوجي يناموا على السرير أحس هذا مكان العلاقة الزوجية شلون أحد يجي له نفس ينام في مكان زوجين! |
مدري بس مافهمت وش تقصدي هنا..
طيب يمكن لأن عندك صعوبة في الخيال مثل ماوضحتي في موضوع سابق هذا السبب اللي يخليك تشوفي الموضوع عادي وتتقبليه بكل سهوله ان غرفة النوم مثلها مثل اي غرفة .. .انا اتفق مغ بعض الأخوات موقفنا من الخصوصية على حسب الشخصية نفسها..مثلاً في بنات تجلسي معها اول مرة ومن أول لقاء تقولك عن كل شي وتسرد لك تفاصيل حياتها كلها والبعض الآخر لا ..يكونوا دائما متحفظين وكتومين .نفس الشي غرفة النوم البعض عندهم والله عادي ومافي شي ..والبعض يفضل يخلي له مكان خاص وسبيشل فقط له ولشريك حياته ..و أكيد تختلف الظروف..يعني صحيح بجد الموضوع هذا خلاني افكر ..يعني مانصير كريمين وطيبين وأصيلين ووو الا اذا قدمنا غرفة النوم وسريرنا للناس..طيب نقدر انجهز مكان وسرير مريح في مكان آخر في البيت ..وفي النهاية ..هذا الموضوع ..يختلف من ظرف الى آخر ومن شخصية الى اخرى...وعلى حسب كبر البيت ايضاً ..وبالتوفيق.. |
أنا احترم خصوصية الناس جدا ولايمكن اتطفل على اي مكان مالي حاجة فيه سواء غرفة النوم أو غيرها وبالتالي فلابد الناس تحترم خصوصيتي فغرفتي غالبا مقفولة والحمام بداخل الغرفة حتى عيالي مستحيل احد يستخدم حمامي لأن زوجي عنده خط احمر غرفته وحمامه واذا جاني ضيوف الحمدلله عندي في الدور اللي تحت غرفة بحمامها ياخذون راحتهم فيها .
وعلى فكرة كلام زين يمثلني جدا قالت اللي في نفسي صراحة . |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|