يا حبيبة قلبي الف الف مبرووووك يا قمر:14: :14:14::تتهني بيهم يا رب يا احلى عروسه بصي يا ستي اولا هسألك هو المحل ده اسمه بيلاكازا اللي في اسكندريه والا لأ
لان غرفة النوم التانيه شفت أختها هنا في اللي في القاهره وكمان نفس استايل السفره عموما السفره روعه وغرفة النوم التانيه اروع واروع بس لو جبتي الاولى كمان جميله مفيش مشكله ا انا بقى يا ستي جبت غرفة النوم والصالون والشيء الطريف ان انا كنت حابه المودرن جدا لكن لما شفت النوم والصاله بتوعي انبهرت ونسيت المودرن والطريف اكتر ان زوجي كان مصمم على المودرن اكتر مني وباذن الله اول ما استلمهم وافرش الشقه هحط الصور على الموقع الف مبروك ربنا يباركلك انتي وزوجك يا قمر |
معلش ياجماعه أحنا عرايس ولازم نساعد بعض بردو ملناش غير بعض أنا عايزه موقعه بيلاكازا لأن بفكر اشترى غرف الاطفال من عنده لأن عندنا هنا فرع مفهوش غير انتريهات فقط لذلك عايزه ضرورى الموقع لو عجبنى اوض اطفال والله هدعيلكم وأجبلكم صور الشقه كلها كمان زوجة أحمد معلش استفسر عن شيئ بالنسبه للسفره ممكن اشترى التربيزه بكرسيها بس ولا لازم بقيت القطع ؟؟؟ وعندى سؤال ليكى ولربيع الحياه شوفتى المطابخ اللى بتيجى فى التليفزيون اكتشفت عن طريق موقع مصرى من سنه أن فى شركه فى مصر بتعمل نفس المطابخ بس هى شركه اجنبيه وبتيجى تاخد مقاسات المطبخ وبتنفذه وحتى البوتجاز والفرن والتلاجه والميكروويف هى بتجبهم لان متعاقده مع شركه المانيه بردو مش متذكره اسمهابتجبهم اجبارى وليس اختيارى لو حد فيكم عندوا اى معلومات ارجوووووووووكم قولوا اسمهااااا بسرعه قبل ماادبس مع قبنورى لأن المطبخ واسع واعتقد أن لو كلمة قبنورى ممكن يصل التكلفه لى 30000 طبعا ده اعتقاد ده غير اجهزتى الكهربائيه فهيكون مكلف على بابا اوى لأن شركة قبنورى غاليه لذلك لو حد بجد يعرف الشركه اللى كلمتكم عنها يجبلى رقم التليفون او موقعم اى شيئ يعنى بنااااااات ضرووووووورى ردوا لان بجد مستعجله |
فعلا يامصرية بسمع قبنوري غالي جدا انا على فكرة بشوف ناس عاملة مطابخها فعلا روعة مش لازم مكان للبوتجاز ولا الميكرويف انتي اختاري واحد حلو واعمليه وخلاص ولا ايه رايك يعني مش لازم شركة قبنوري
بس اوعي تقولي اني مش عايزاكي تعملي اه لكن انا بقلك والله ماشاء الله مطبخي معمول عمولة وتشوفيه تقولي شركة قبنوري اللي عاملاه بس ليه قبنوري بتغلي كده تعرفي ايه السبب |
والله أستهبال بس أعمل ايه نفسى فى مطبخ يكووووووون جامد جدااااااا وقبنورى بالنسبه لمساحة مطبخى فعلا هيوصل لـــــ 30 ألف ده غير أن الاجهزه الكهربائيه الشركه لا تتكفل بها للعلم أنا مطبخى عادى وليس أمريكى ولله الحمد لأن المسبك والمحاشى والكرنب ماينفعش مع الامريكى وانتى أعلم بالمصريين وكل المحلات اللى بتفصل ماعجبنيش شغلهم لان صحابى مفصلين والله ليس له قيمه رغم أنه غالى بردو بس طبعا مش زى قبنورى حتى صاحبتى جابلها تفصيله غير اللى بالكتالوج واخدتها غصب عنها لانه بياخد عموله مبلغ وقدره ولو مااخدتيش الحاجه بتسيبى العموله فصديقتى بصراحه كانت بتمر بأزمه اقتصاديه فأخدته لذلك لا أحب اكرر غلطة صحابى واقولك كلمه فى ودنك زوجى هيعمل الشبابيك وستاير البلاكونات قبنورى طبعا زوجى اللى هيعملها فلو مجبتش مطبخى بشكل راقى ومن شركات معروفه بيقولوا على بابا بخيل طبعا أهله يرضيكى يتقال على بابا بخيل بتهيئلى مابيرضكيش ابدا الكلام ده |
حبيبتى انا وأهلى والله اتخانقوا معايه انا ذوقى مثل كل الشباب مودرن
لكن والله كل اهلى وزوجى معاهم نصحونى بالكلاسيك أشييييييك وافخم بالعكس انا واحمدذوقنا مودرن ومحبيناش الكلاسيك ابداااا ضخم وشكله قديم لكن الشيئ الوحيد اللى اختارته مودرن كان انتريه واحد بس اللى مكانه فى غرفة المعيشه اما بقية شقتى كلاسيك اما غرفتين الاطفال جاااااارى البحث عنهم لم ارسى على بر إلى الان بس حبيبتى بلاش تنزلى صور على العام افضل اكتفى بى أراء أهلك وأحمد وأهل أحمد وبـــــــــــس العين حق ولا حتى أصحابك أنا فى أمور لا أحب أتكلم عنها وهذا أفضل لأن والله اكتشفة ان كثرة الكلام تسبب عراقيل ومشاكل بدوووووووووون أسباب بس اقولك شيئ ولا تزعلى صررررريحه انا بزياده اتحملينى جيبى سفرتك كلاسيك لأن الكلاسيك مهما تمر السنين سيظل موضه والقصور دائما داخلها كلاسيك وليس مودرن انا رغم أن كانت امنية حياتى يكون شقتى مودرن لكن كنت دايما أقول لجوزى معدا حاجتين هجيبهم كلاسيك عشان لما أكبر واعجز ماأغيرهمش اسيبهم ذكرى هم غرفة نومى والسفره أشعر أنهم اهم حاجتين اما الباقى تأكدى ان بإذن الله هتغيريهم بعد كام |
العين حق
نعم ولكن علاجها هو التحصين بالمعوذات وبعدين هي لم تضع صورة غرفة نومها وإنما وضعت صور للغرف التي احتمال تاخذها ، وهي لن تاخذها وإنما سوف تفصل مثلها والحمد لله العضوة زوجة أحمد من الاعضاء المعتدلين في الطرح فيوم تطرح مشكلة ويوم تطرح موضوع مفرح (الهدايا - احتفالات - خيارات منزلية) وهذا من وجهة نظري شيء ممتاز جداً كي نتعايش مع مشاكلها وندعيلها من قلبنا وأما الأعضاء اللي أغلب مواضيعهم (إن لم تكن كلها) مشاكل وهم وغم ونكد ، فياريت يتعلموا من زوجة أحمد الاعتدال أو على الأقل يتركوا غيرهم معتدلين وإن الله كاتب شي والله مهما فعلنا فهو كائن سواء خير او شر والله الهادي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|