معالي
انت تحبيه لا تكابري و تعاندي يمكن هو حس بالإهانة بسبب تعاملك معاه ؟ او مرات انت تشوفيه انه اقل منك الفلوس ما اشوف انها حلللل لرجوعكم |
تبين شوري يالمعالي
اسفهيه كم يوم خليه يحترق اهم شي تطمن قلبك انه نادم عقب ما تحسين انه خلاص ارتحتي اكتبي له قولي كل اللي بخاطرك من بداية الضرب لنفسيتك وحملك اللي ما راعاهم كوني قوية في اخذ حقك والانتصار لذاتك ومدة اليد ما يحلها الا رجال دخلي ابوك خليه يخاف |
لا تستفزيه وتوصليه لمرحلة انه يمد يده ..
اتمسكي بحياتك معاه ولا تطلعي من البيت مرا ثانيه لأي سبب وان قال لك اطلعي قولي له هذا بيتي ما راح اطلع منه هذي نصيحة من وحدة من صحباتي انه الوحدة ما تقول لزوجها وديني بيت اهلي مهما صار .. اتجنبي النقاش معاه لما تحسي انه تحول لجدل لا تصيري زيي طولة لساني ورد الكلمة بعشره كلمات ما جابت معايا الا نتائج عكسيه.. ردي عليه لا تطنشيه وتكبر فكرة الطلاق برأسه ترى المجتمع ما يرحم أبدا قولي له انه يتعهد لك قدام اهلك ما يمد يده عليك مهما كان السبب ولا تتقاوى عليا لانه طبيعي انا اضعف منك .. وانه الألم كان بقلبك اكثر من انه بجسدك .. وأنك تحتاجي وقت ترتاحي فيه .. وان كنت ندمان اثبت لي .. |
معالي انت لسا تعامليه بتعالي ؟! ولا غيرتي اسلوبك معاه..وندمه شيء جميل..الفلوس اتوقع بتصعب الرجعة لو ماديته ماتسمح وانتِ ادرى بوضع زوجك المادي
|
معالي حبيبتي
فاجئني الخبر واايد أكيد هو نادم بس طنشي هاليومين وخلي أهلك اللي يتعاملون لانه المسألة فيها ضرب وطلاق أهم شي الغالية هالفترة صحتك وسلامة البيبي حاولي بقدر الإمكان تتجنبي هالقلق الزايد وربي يقدم لك كل الخير طمنيني عنك |
ربط الله على قلبك وفرج همك
اؤيد بشدة رجوعك من اجل الطفل ولكن رجوعك بشروط وجلسة كبار |
بقولك شي
انا كرجل متزوج ابدا مااسمح بالحركة اللي انتي سويتها تطفي النور وانا بالحمام هذا معناه ابد مافي احترام للزوج وماله اي تقدير بس مااوصلها للضرب والطﻻق احاول اني ارجع هيبتي باي طريقة وازعل زعل شديد ﻻنها صراحة مررررة قوووية وبما انه اتاسف انا اشوف اول شي ﻻيطلع الموضوع ﻻحد ابدا ﻻن السالفة باذن الله محلولة بنسبة 90% واشوف انك ترجعين بعد ماتشرطين عليه ماعاد بضربك وبقولك شي ﻻتحاولي تهين الرجل باشتراطاتك ﻻن الرجل عنده كرامته اهم شي وحتى لو خسر من احب وحاولي بعد مايرجعك تعتذري منه كﻻكما اخطا والله يسهل اموركم وامور كل مسلم يارب |
لا حول ولا قوة الا بالله الله يهديك بس يا اختى الله يهديك اكبر شىء يبغضه الرجل هو عناد الزوجة وتعلية الصوت والنكد وطبعاً مشكلة زوجك ضيق ذات اليد وهذا يسبب له ضغوط كبيرة وانتم ما شاء الله لا احد فيكم يتنازل ويمشى الآمور هداكم الله ... هداكم الله لن اقول اتركوا الآمور للوالد ولكن يجب من جلسة مصارحة مع حكم عاقل يفصل بينكم وتلتزموا انت وهو بكل ما يقال لكم اسأل الله لكم الهداية والسعادة وان يرزقكم الله بطفل كامل الخلق والخليقة .. معافى فى دينة وبدنة اللهم آمين |
انا لله وانا اليه راجعون
من آخر رد لك واضح انه مشحون تجاهك لكن معالي بصراحة هل المبلغ المالي والذهب ستنسيك ما فعل صراحة لا احبذ فكرة الرزعل تتحول لطلب مادي بحت انتِ الان حامل لازم يفهموه كل من حولك امه واخواته وابوك نفسية المرأة الحامل وتأثير لخبطة الهرمونات من ابسط شي تزعل وتبكي وحساسة بدرجة كبيرة قد يظنه زوجك تمثيل او دلع في مثل عندنا ايقول ان الحامل عقلها بعقل جنينها يعني يصغر عقلها ههههه ما اقصد اهانة قلة الاحترام من وخري ومالك دخل عيب تنقال خلي اهلك يتصرفو معاه عشان ما تتكرر هالامور ولازم يفهم ان الرجل الحقيقي ما يستقوي على امرأة وخاصة وهي زوجته لازم يوفرلك الامان ويثبت انه رجل جدير بنسبكم امورك معه استخيري وان وجدتي راحة في مراسلته اكتبي له جرحتني بقوة وعبري عن مشاعر الالم انك انت اماني وتفعل بي هذا ؟ واوكلي الباقي لوالدك وان شاء الله يفيدوك الاعضاء لكن معالي موضوعك زمان كان لي عليك ملاحظات فيه واغلق قبل تعليقي اسمحيلي انا اختك وعارفتك عاقلة وطيوبة وقلبك ابيض لكن عيبك العناد معاندية جدا وكل الرجال يكرهو هالصفة في الانثى يعتبروها تحدي وقوة وفرض شخصية مهما حاولنا نبرر بأن من حقنا كذا وكذا لكن باللين تأخذي ما تريدين وزيادة لي عودة ان شاء الله وان شاء الله ما يزعلك كلامي حبيبتي والله ما نبي غير مصلحتك وبداية سنوات الزواج تكوني هادية لعند ما تملكي قلبه بعدها حتى لو تضربيه ما يكلمك ولا يهرب لبيت اهله بس خلينا نوصل لهالمرحلة |
الله يهديكي بس
ياقلبي انتي جالسه تعامليه الند بالند لا وكمان تراددي كلامه،،،، وين ابشر يا قلبي!!! ،، يلا ماعليه بكره تتعوض لما قالك مافي طلعه!!! انت كريم وانا استاهل لما قالك تخلصي الاغراض بسرعه!!! سلملي علي عمتي وقولها مشتاقه لها ولي زياره لها قريب لما قالك انا عند امي استفزيتيه مرررررره وانتي الي خسرتي ،،، لا يتعود عنطق الطلاق انتبهي عامليه زي طفل عندك وبشويش وهداوه مو بالعنااااااااااد والزن والله ماالومك الحمل اكيد يتعب خصوصا الشهور الاولي بس يا حبيبتي لو حاسه انك صايره مرره متنرفزه خاطبيه وحاوريه وقوليله بقضي كم يوم عند اهلي النفسيه مش ولا بد داري حياتك واحتوي زوجك وابعدي عنه وقت الغضب اذا ماقدرتي تمتصي غضبه ابعدي عنه خليه لين يهدئ حتي لو هو غلطان تنازلي شوي ،،،حبي راسه وتاسفي وياقلبي وياحياتي والله والله يشيلها لك طول العمر ،،، ويصير زي الخاتم بااصبعك وكلامك اوامر بس لا تحطي راسك براسه وتعامليه بجلافه اتمني كلامي ماتعتبريه لوم لك ،، اعتبريه مجرد رائيي من اخت موووووفقه حبيبتي |
مساء الخير
سبحان الله فعﻵ إذا عرف السبب بطل العجب! ! ﻻتزعلين مني ولكن انتي لكي دور وﻻحظت انك عﻻقتك بأهل زوجك مو مرا ﻻنك تقولين لما اتصلتي فيه قالك وانتي تدرين عن اهلي!! وواضح هالشي قاهر زوجك وطبعآ ابدا مو طيب ومو فصالحك هذي نقطه وايضآ انتي استفزيتي زوجك وخير ياطير قالك ماابي اطلعك يمكن متضايق من شي واسيه اسأليه ويمكن ماله خلق ياأختي الطلعه بالغصب بايخه انتي مو تبين تستانسين؟ خليها يوم ثاني ترى مو حلوه تناقرين زوجك وتحطين دوبك من دوبه أكيد بينقهر هو الرجال وتعامل الأنثى مختلف ماتجي بهالطريقه اسمحيلي. طريقة زعلك فيها عنف وشده وزييين من زوجك ندمان على تصرفه انتي كمان اندمي على أسلوبك وطريقتك بالزعل سامحيني لو قسيت عليك ولكن اللي يبي لك الخير يصااارحك مو يجاملك. . |
احد يضرب وحده حامل؟؟
وفرضا عاندت هي بوحم معالي الوزيره ان شاء الله راح ترجعين لزوجك بس خذي الطقم والعشرين اللف عشان اذا فكر مره ثانيه يضرب يذكر جيبه الحمدلله وضعك احسن من وضعي بكثير الله يسخره لك ويصلح بين قلوبكم حاولي ترتاحي في بيت اهلك واهتمي بصحتك الحمل يبغاله واحة ونفسيه زينه يتربى بعزكم يارب |
ضغطة زر..طفيتي النور..
نتيجتها ضرب امرأة حامل و طلاق..تشتت أسره.. ما أشطر الشيطان.. ما أبعد رجال زماننا عن العقل والحلم... واين التقدير وحسن التصرف في النساء.. .. |
السلام عليكم ورحمة الله وبركاته ..
أختي الكريمة معالي ، مع الأخت الحبيبة أونا في كل كلمة ، للأسف لاتغضبين مني وتتعاملي بنفس الأسلوب السابق التي أدت إلى مشكلة بينكما ! تذكري كلام فاكهة الشتاء لكِ في موضوع السابق على ماأعتقد واعملي به كانت نصيحة جميلة ومن القلب .. موفقة .. |
نصييحه انتبهي تسمعين كﻻم اللي ينصحك تطلبين فلوس
وخرابيط !! بالعكس راح تصعبينها على نفسك قبل أي أحد وأنتي حااامل فكري بالطفل حافظي على زوجك وبيتك ﻻتنسين انتي بعد غلطانه من بداية المشكله للنهايه |
سبحان الله
في كل يوم أزداد قناعة بأن الزوجة قوية الشخصية على زوجها... مصيرها الطلاق في النهاية عموماً أختي الكريمة كلكم غلطانين... وإن كان غلطه بالضرب أكبر... لذلك إستخيري الله سبحانه وتعالى وإذا أرتحتِ بالرجوع إليه فليكن عن طريق والدك يحضره ويفهمه أنه لا أحد يرضى بالضرب مهما حصل... وأنه لن يسمح بذلك مرة أخرى. أعانك الله |
ضربني ضرب مبرح باليد اولا ومن ثم انهرت وبكيت وجلست ابكي وادعي واهدد واتوعد،،
وهو كان يبغاني اجلس على هذا الحال في بيتي بس بعدين غير رأيه وقال امشي لبيت اهلك ولمن عندت (لأني كنت مخططة اجلس شوي واهدأ بعدين اروح لأهلي ) حاول يضربني بالسلك وانا حاولت الهروب لكن جات ضربة على الساق،، |
ضغطة زر..طفيتي النور..
نتيجتها ضرب امرأة حامل و طلاق..تشتت أسره.. ما أشطر الشيطان.. ما أبعد رجال زماننا عن العقل والحلم... واين التقدير وحسن التصرف في النساء.. .. |
معالي الله يجبر كسرك ويرجعك لزوجك
حبيبتي أسلوبك مع زوجك غلطططططط ومليون غلطططططط مهما كان ومهما سوى انتي تستفزيه جدااااا الحياه زوجيه قائمه على الاحترااااااام قبل اي شي في الدنيا لا تزعلي مني يا معالي انتي ما تحترمي زوجك ابدااا ولا هو مالي عينك من زمان وعندك احساس انه مايستاهلك الرجال عنده تراكمات منك وجلس فتره دائم برا البيت وحتى لو هو غلطان ووعدك وأخلف المفروض ما تستفزيه وتطلعيه عن طوره وتخلي قلبه مليان حقد وكره لك الرجال جالس يغسل ملابسه تروحي وتطفي النور ليش انتي مو طفله وإنتي قاصده تستفزيه ومن دق الباب سمع الجواب عشان زر نور تطلقتي وانضربتي ورحتي لأهلك مكسوره ومهانه الطلاق مو لعبه أنتي يكون الحق لك لكن ما عندك أسلوب وتخلي الحق عليك الزوج مايجي بالعناااااااد ابدااا الزوج يجئ بالين والكلمه الطيبه والمدراه وكيد النسا كوني مثل الإسفنجة وامتصي غضبه مو تزيدي ع النار حطب أسلوبك خاطئ في حل مشاكل إصلا مافي مشاكل بينهكم كلها حاجات تافه ماتوصل للضرب او الطلاق |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|