أخت الغالية جداً جداً جداً بوبو ...
رغم بعدي الفترة اللي فاتت لكن كنتم على بالي و كنت واثقة جداً فيكم إنكم مش هتنسوني ... و ربنا يتقبل منا و منكم الدعاء إن شاء الله

يسلم لسانك ، ده بالضبط اللي حاسة بيه ،، مش عارفه أبدأ صفحة جديدة و لا أحاسبه على القديم

في حاجات طبعاً لازم آخد منها موقف و مش ينفع إنها تتقفل ، لكن مش عارفه أفتحها .. هو طلب مني إني أكتب ورقه فيها الحاجات اللي مدايقاني علشان نتكلم فيها ، و اتفاجئ إني قلتله إني فعلاً كنت كتباها و حددنا الوقت اللي نتكلم فيه ... لكن مازلت خايفة من مواجهتي معاه

دي فعلاً النقطة اللي خايفة منها مش عاوزة اللي عشته قبل كده أعيشه تانيو المرة دي طبعاً هكون أنا اللي غلطانه لأني ضيعت الفرصه من إيدي

ربنا يستر ...................

ادعيلي ،، و ربنا يكرمك يا بوبو بكل خير و يرزقك بالزوج الصالح اللي يستاهلك و يسعدك

__________________

	[blink]"و اصبر حتى يحكم الله و هو خير الحاكمين"[/blink]

حبيبتي ، طمنتيني الله يطمن قلبك . الحمد لله انك بخير . بس مش عارفة ليه انا حاسة انك مش مبسوطة او مش مرتاحة .
حاولي تتكلمي معاه وتقوليله علي اللي بيضايقك وربنا يوفقك . ربنا يسعدك .
اتكلمي معاه في موضوعات كتير قبل ما يسافر علشان تقدرى تكوني خلفية او فكرة عن طباعه لانه زي ماانت قلتي قبل كده انه مسافر علي طول وطبعا مش متعودين علي بعض . اتكلمي معاه في حاجة مضايقاكي ، حاجة مزعلاكي وشوفيه هيعمل ايه . يعني بالبلدي كده خليه يشيل همك ويحس شوية بالمسئولية تجاهك .
وصدقيني اللي انت هتعمليه المرة دي هيساعدك جداجداجدا بعد كده.
شكرا علي سعة صدرك حبيبتي . واتمني من الله دوام الصحة والعافية وراحة البال لك .
وربنا يهديلك خطيبك . وتنولي كل اللي انت تتمنيه .