الإعتراض على شرع الله هو التخلف بعينه...

احبتي الاعزاء لم اجدجدديدا في الردود........

sarrour >>>>>اذا كنت ترى ان التعدد تخلف فانت تعترض على شرع الله لان التعدد من سنن الدين الاسلامي فهل نظرك القاصر احكم واعلم من الحكيم العليم!!!!؟
ملاحظه : أن هذه الردود تضمت وتفقت على حب الذات وحب التملك ولنا أحبه أعزاء على قلبوبنا من الأرامل والمطلقات والعوانس والذي أتمنى مشاركتهن وتعليقهن على هذا الموضوع لنعرف وجهة نظرهن......كما أتمنى أن يكون الإيثار والمحبه والصفاء هي الصفه التي تسود بين افراد المجتمع وأن نرفض حب الذات والتملك


تحياتي الطيبه للجميع ولي عوده للموضوع ان شاء الله

انا اجاوبك واقولك..

شف ياخوي بالنسبه للزوجه رح تمسك زوجها باظافرها واسنانها وتحاول تخليه ما يلتفت لغيرها قد ماتقدر ولا تلومها فهذي طبيعة الانثى اللي خلقها ربي عليها فهذا الشئ لن يتغير لا تتعب نفسك..

نرجع لمشكة العوانس ياخوي انت تعرف واحد يزوج بناته بدون مهر بس انا اللي اعرفهم كلهم مايرضون يزوجون بنتهم الا لواحد وضعه مرتاح ما قلت غني بس يبون شخص مرتاح ماديا يوفر لبنتهم بيت او شقه مستقله مهر محترم وشبكة تعجب البنت وو..

لنكن واقعيين شباب هاليومين كيف بيجمع مهر وشبكة وشقه واثاث وسفر شهر العسل ووو؟؟!! صعب جدا جدا ويحتاج سنين طويلة عشان يوفر هالمبلغ طيب في هذي السنين كيف بيكون وضعه؟؟ غالبا يطيح بالبنات النص كم وياكثرهم هاليومين والمواقع اللي ماعرف ايش الا من رحم ربي..

المشلكه واجد منهم يعتاد على هالحياة ويقول وش حادني على الزواج ومصاريفه انا مبسوط كذا ياكثرهم يا اخ كنتنيو رح امشي في الشوارع حقت الشباب وش الاف الشباب والعزابية اللي تلف بالسيارات وتلاحق البنات وتعاكسهم اللي بالعشرين واللي بالثلاثين واللي بالاربعين..

غالبيتهم عازفين عن الزواج او ماقادرين على مصاريف الزواج.. والبنات متطلبات والابوان ما يزوجون بنتهم لاي احد ولاي خاطب وقلييييل الابو اللي يسوي زي ما قلت بصراحه لان الابو اللي عنده بنات عنده اولاد ويبي يزوجهم مايقدر يصرف على بناته وعلى عياله.. لكن المشكله الظروف صارت صعبه وانا اشوف ان البنت تتسمح شوي وترضى بالقليل وباي مهر واي شبكة مقابل الستر والاستقرار..

والاهالي لمن يسكنون بيت يحاولون قدر الامكان توفير اجنحة منعزلة لاولادهم عشان اذا تزوجو ما يضطر لشقة واثاث ومصاريف..

احنا مثلا يوم بنينا بيت خصص الوالد جناح في الدور الثالث لاخوي وكان لسه شاب صغير بس هو عارف ظروف الحياة وعارف انه بكرا بيطلب الزواج ومارح يقدر يأمن بيت يادوب نقدر ندبر له مهر وشبكة..

يعني انا اشوف ناس كثير بنت بيوت كبيرة ولا اهتمو بعيالهم واذا جا وقت زواجاتهم ماقدرو يأجرون لهم شقق ويأثثون لهم خصوصا انهم وفرو لهم مهر وشبكه وخلافه يعني كثرت المصاريف عليهم.. يعني بالعربي اهل الولد يوفرون غرفة واسعه او جناح منفصل لكل ولد في البيت قدر الامكان عشان تنتهي ازمة السكن..

اذن المسؤولية على اهل البنت واهل الولد وبالذات ام الولد يعني لو تكون طيبه وحنونه مع البنت مارح تخوفها من فكرة السكن معهم..

اهم نقطه ايضا على اهل الولد انه اذا طلب الزواج ما يقولون له بعدين لان الولد اذا حس بالرغبه في الزواج والاستقرار وما اهتموا اهله بالموضوع قد يلجأ للحرام وينسا موضوع الزواج بعد كذا يجونه اهله وعمره 30 يالله نبي نزوجك يقولهم لا مرتاح كذا.. وايضا اهل البنت اذا جاها ولد كويس ومحترم وهي عمرها 17 او 18 ما يقولون البنت صغيره ونبغاها تكمل جامعه بكرا تخلص الجامعه وتقعد بالبيت محد يجيها على مزاجها وهكذا..

بصراحه يا اخوي اتوقع لو هالنصايح تتطبق بالحرف مارح نعاني من عنوسة باذن الله..

__________________

اختي الفاضله البحله بالنفس....
في البدايه اشكرك على اهتمامك بهذاالموضوع ... اتفق معك يكل ماذكرتيه..و موضوع عزوف الرجال عن الزواج يحتاج الي موضوع مستقل ليتك تكتب عنه من خلال اطلاعك واحاطتك للموضوع من ماحتواه وتضمنه ردك.. جئت بحل لمشكلة العوانس....ولم تاتي بحل لمشكلة المطلقات...و..الخ..؟؟
لك كل الشكر والتقدير....

سهله ياخي ترا المطلقات كثر المطلقين بالضبط لان المطلقه لابد ان فيه زوج طلقها صح ولالا؟؟

انتهت المشكله لو كل مطلق ماراح يدور بنت صغيره يتزوجها وحاول يبحث عن مطلقه مناسبه له كان ما عانينا من مشكلة المطلقات..

ياخوي انت مو مستوعب مشكلة المجتمع المتزوجين والمطلقين يبون يتزوجون بنات صغار ولذلك عندنا مطلقات وعوانس.. حتى الشاب اللي قرر يتزوج في الثلاثينات او الاربعينات ومن حظكم ماعندكم لقب عانس فانه برضوه يتزوج وحده صغيرة وبكر ولا يبحث عن بنت في عمره او مطلقة شابه..

يعني الرجال بس يقرر يتزوج مهما كانت حالته الاجتماعية ومهما كان عمره راح دور بنت صغيره وهذا سبب كثرة المطلقات والعوانس ياخوي..

__________________

اختي الفاضله البحله بالنفس....
خليني اقول كلامك صح !!!!على انك متشدده في رايك !!!؟؟؟ وماانهيتي مشكله في جميع ردودك مع احترامي لها ...ولم تذكري شيئا عن الارامل!!؟؟
في احصائيه جديده قرائتها في احد الصحف ا ن نسبة الاناث 80% مقابل الذكور في السعوديه,,,,, وحوادث المركبات فيها تحصد الالاف,,,,فهل من حل ينهي معاناة اخواتنا القابعات في بيوتهن ولااحدسال بهن وكل نفسي نفسي غير التعدد..!!؟؟
لك تحياتي,,,

حدث العاقل بما لا يعقل فان صدق فلا عقل له.. وش اللي 80 بالميه بنات ياخي كلام غير منطقي بالمرة مدري من وين تجيبون هالاحصائيات.. لو هالكلام صحيح يبيلنا استيراد شباب من برا حتى لو كل واحد تزوج اربع حريم ما كفا!!!

اولا الاحصائيه اللي انا جايبتها من مصدر موثوق تقولك نسبة البنات في الرياض 49.4% مقابل الشباب 50.6% يعني للاسف الشباب اكثر من البنات..

وكيف تقولي مافيه حلول في اجوبتي انا في اجوبتي حاولت اورد عشرات الحلول على عكسك اللي في كل رد تعيد وتكرر التعدد وكان مافيه حل غيره بالدنيا بينقذ العالم..

ياخوي وش فيهم الارامل؟؟ ترا الحريم يموتون بعد وفي رجال ارامل؟؟ ليش مشكلة المطلقات والارامل تشوفونها بس في الحريم؟؟ ياخي والحوادث يعني ايش ماتدري كم حرمه تموت بالحوادث سنويا؟ ماتدري عن تهور السواقين وكثرة الوفيات؟ يعني مايركب سيارات او طيارات الا رجال؟؟

لا تتضايق مني بس اشوف تفكيرك محدود بالمرة وفاتح كل هالموضوع الطويل العريض عشان تحصل على اجابه لن تحصل عليها..

التعدد مب الحل لا للمطلقات ولا للارامل وللعوانس.. ممكن يساعد في حالات كثير انا ما انكر فايدته وشرعيته لكن ليس هو الحل المطلق بل هو حل جانبي و احد الحلول..

اما الحل الجذري والحقيقي هو تسهيل الزواج على الشباب العازفين عن الزواج بطرق كثير سبق وشرحتها وانت تقراها وتنسا وتقول ماجبتي حلول..

والمطلقين والارامل ياخذون مطلقات وارملات والعازفين عن الزواج او اللي قرر يتزوج فجأة يوم وصل الثلاثين او الاربعين يبحث عن عانس تناسب عمره..

يعني لو ربينا اجيالنا تربيه صالحه بعيده عن الفساد وشجعناهم على الزواج في اول عمرهم وابعدنا كل العقبات والصعوبات من امامهم بتنتهي مشلكه عزوف الشباب وعنوسة البنات..

اعرف ان ردي مارح يرضيك لانك ما فتحت الموضوع للنقاش الجاد مع الاسف وانما فتحته متوقع فزعة الملطقات والعوانس هنا لكن للاسف خذلوك لان حتى المطلقه والعانس لا تحب مشاركة الرجل مع امرأة اخرى الا في بعض الحالات وليست سائده في المجتمع..

__________________

لعلمك التعدد كان منتشر ايام الرسول صلى الله عليه وسلم لان الشباب كانو يموتون في المعارك والحروب ولا تقارنها بالحوادث لان الحوادث عندنا مشتركه بين النساء والرجال بس الحرب تقضي على الرجال فقط..

في زمننا هذا الشباب كثر البنات ويمكن اكثر لذلك التعدد يكون للضرورة وليس واجب او الزام هو مباح وليس واجب يارب تفهمون هالنقطه..

__________________

معترض على وجود رجل ارمل؟؟ او مطلق ؟؟ او رجل عازب وعازف عن الزواج؟؟ والله بكيفك تاخذ من المجتمع اللي يناسب قضيتك وتتجاهل البقيه..

وش دراك ان الاخت حكيمه؟ عشان رايها وافق رايك يعني؟؟ يعني لازم اقول يارجال عددو وتزوجو اربع عشان اكون حكيمة؟؟ عجب لامرك اما ان الناس توافق رايك ولا تكون غلطانه وغير حكيمة واللي ما يحط الحل اللي يناسبك قلت ما جبتو حلول ولا جبتو جديد؟

ياخي اسمحلي ماتعرف اساليب النقاش الصحيح ولا تعرف كيف تحل المواضيع من جذورها وانما انضميت الى فئة التعدد هو الحل الامثل لاي مشكلة في اي زمان واي مكان..

__________________

التعدد حلال المشكلة شباب هالوقت ------------------