اخوااني واخواتي الطيبين انا اخذت بـراي الاغلبيه وصبرت واليوم وصل منها مسج.. تقول فيه

مدام بالذكرى تعيش ابتسامات استاذنك تبقى ابتسامه حياتي.. بصراحه مافهمت وش مقصدها لكن دقيت عليها وكلمتها

وقعدت تبكي كثير وانا ساكت.. سويت عليها ثقل وقالت لي ماشتقت لي قلت بصراحه وجودك وعدمك واحد لانك طول


هالسنتين ماسويتي شيء لي اشتاق لك عليه وكلام كثيررر صار بيني وبينها.. وقلت لها بالحرف الواحد اذا بغيتي ترجعين

لبيتك ترجعين له انتي او واحد من اخوانك يرجعك مو انا ارجعك وترجعين وتغيرين حياتك كليا وتصرين سنعه تطبخين


وتكنسين وتسوين كل شيء وهاذا ماهو عيب هاذا واجب عليك جلست تصيح وتقولي حرام عليك انا اشتقت لك وانتي

تقولي اطبخي واكنسي ومادري ايش؟؟ قلت هاذا اللي عندي والواجب الفتره اللي قعدتي فيها بيت اهلك تعلمتي السنع..

ولاعندي غير هالكلام وانا مشغول حاليا استاذنك.. وسكرت السماعه... تتوقعون قسيت عليها؟؟

اللي سويته صح الصح,,بس االله يهديك ليش قفلت السماعة بوجهها

__________________

اللي سويته صح لاتتنازل عن رايك لانه باين انها تعدلت وخليك مصمم على رايك اتمنى لك التوفيق وخبرنا عن التطورات

اللي سويته معها صح وعين العقل هاذي انسانه مغروره تستاهل هالشيء واكثر والله... ولا اظنك قسيت عليها...

والله رحمتها مسكينة !!!

حاول تدخل أي حرمة حكيمة من أهلها تكلمها وتفهمها أو واحد من أخوانها ..

وأنت بالفعل قسيت عليها بس ان شاءالله تكون قسوة بمحلها ..

لكن ياليتك ماقلت:
هنا شديت عليها بزيادة ..
معقولة ولاشي ؟؟!!

يمكن سوت أشياء أنت تشوفها تافهة لكن هي تحس إنها مسوية شي يسوى !!

المفروض تولع لك ايديها العشر شمع وتحمد الله انه رزقها بزوج فاهم واعي
مثلك لكن ان شاء الله تكون هالتجربه اللي مرت فيها تكون صحصحت مية عقل عندها

__________________

	استغفر الله وسبحان الله والحمدلله والله اكبر سبحان الله وبحمده سبحان الله العظيم

يااخ حنون نصيحتي لك انك تكون صريح مع زوجتك وتخبرها بكل مشاعرك والاشياء الي مضايقتك واذا هيا شاريتك حاتحاول تغير من نفسها عشانك لانه محد حيعرف يحل خلافاتم الزوجيه الا انتم ,واقصد الصراحه المطلقه التي ما يزينها اي مجامله لانه الموضوع وصل للطلاق.

[quote=جنّة الدنيا;1732029]والله رحمتها مسكينة !!!

حاول تدخل أي حرمة حكيمة من أهلها تكلمها وتفهمها أو واحد من أخوانها ....

هلا اختي والله ماتوقع اني قسيت عليها مره يعني انا احاول واعصر مخي ابي اتذكر لها موقف يستاهل اني اذكرها بالخير فيه عجزت الا اذا طلبت منها شيء انا وفيه فرق بين انك تطلب الشيء من شخص او ان الشخص هاذا يفهمك ويسويه لك من دون مبادره لانك تحبه ...

بصراحه افكر اتزوج مسيار والله وارجعها لاني عندي احساس انها راح ترجع حليمه لعادتها القديمه

اصعب شيء على الشخص انه يتعب ويضحي ويسهر ويخسر في سبيل شخص لايستحق هالشيء...
...........

بصراحة انا استغرب لشيء واحد بس كل ردودك وانت تردد انا احسن منها مادياً

وانا سويت لها وصنعت لها وجبت لها أشياء عمرها ما تحلم فيها في بيت أهلها

يا اخي الكريم


هذا واجب كل زوج انه يصرف وينفق على زوجته بس انا الاحظ كل ردودك تعيد هالجملتين !!!

هذي زوجتك ومن الواجب انك ما تمن عليها الله يهديك


ما زال كلمتها وحسيت انها ندمانة رجعها وأمكن هالفترة راجعت نفسها وعرفت انها غلطانة



( وعسى أن تكرهو شيئاً ويجعل الله فيه خيراً كثير )

عسى الله يهديها ويصلح وحالها

بس انت على طول اول ما كلمتها جبتي لها طاري شغل البيت والطبخ والكنس واللذي منه

مهما كان هي حرمة وتعرف ان الوحدة تحب تسمع من زوجها اقل شيء كلمة حلوة بعد غيبة طويلة


حتى لو كانت هي غلطانة

وبعدين هي اتصلت فيك كم مرة وارسلت لك المسج يعني هي محتاجتلك ومازالت تحبك

ولو وحدة غيرها قالت خلاص طلقني ومالي رجعة فكر فيها انت


وبعدين بصراحة صعبة انها هي تجي من حالها ولا احد من اخوانها يجيبها


ترضاها لوحدة من خواتك ؟؟؟


انت طلقتها تعرف كلمة طلقتها يعني ما بينكم زعل عادي

فالواجب عليك انت تروح لزوجتك وترجعها ما زال هي اللي اتصلت عليك

بصراحة صعبة انها ترجع لحالها


يعني في نظرك لو رجعتها وتزوجت مسيار راح تحل المشكلة ؟؟؟

اجل خليها بيت اهلها احسن لها ولك وتزوج


يعني اش بتلاقي زود عند زوجة المسيار ؟؟؟!!!!


الله يهديكم ويصلح حالكم