أصلح الله شأنكم

- زوجتك مدلعة جد اوفيها حب التمللك وهي لا تقبل الراء أبدأ ولا تفكر في عقلها

فكيف لم ترضى بأعتذار خواتك . ولا في حلك لمشكلتكم

_ قلل الاهتمام فيها والدلع حتى تتعود على الصبر والتنازل وتسعى إلى الاهتمام فيك

حاول تجد لها وظيفة تشغل بها نفسها وتتعلم المسؤلية

- زد من ثقافتها الدينية والاجتماعية بالقراءة او دخول الدورات او حلقات تحفيظ القران ..........

حتى تكتسب خبرة من الحياة وتعتمد على نفسها أو مثلا أقراء اي موضوع من المشاكل في المنتدى وتناقشو في حل المشكلة ثم اقروا ردود المشتركين .........


كل هدفي من هذه المقترحات:
- تزيد من صلتها بربها وتجعل نعيم الجنه هدفها
- تطوير من شخصيتها او تغير الصفات الغير مرغوبه مثل أحترامك التقليل من متابعة الموضة ,شغل أوقات فراغها بما ينفعها في الدنيا والاخره . الصبر . تتغلب على حساسيتها الزائده . تتقبل الاراء من الاخرين مهما كانت .التنازل عن بعض الامور . الحفاظ على اسرتها من التشتت.تساعد في حل مشاكل غيرها مثل أمها أو غيرها . عدم التسرع في اتخاذ القرار.........

- وأيضا مهم كيف تربي ابنتها تربه تواجه الحياه فيها بكل ما فيها من سعادة وشقاء


كلام يطيل وأفكار لا أدري كيف اشرحها

لاني مريت بمراحل في حياتي لم اتغلب على المشاكل وأغير من شخصيتي إلإ بأشياء كثيره منها ما قد نصحتكم فيه. وياحبذا لو تكون لها صديقه صالحة والله سيكون لها تأثير عليها
لأن أغلب النساء عندما يمرون في مشكلات يستشيرن صديقاتهم وكم من صديقة مخلصة كان لها الأثر في حل مشكلة أو أدخال سرور عليهم بعد توفيق من الله ثم من تإثير الاخوات الصالحات

فالذي يبدو من زوجتك ما عندها الأ امها وهي متأثره براي أمها وتصرفاتها .


خلها تفكر بمصير طفلتكم . ومصيرها لو سمح الله وتم الفراق


الله يعينك . ويجمعكم على خير ويحفظكم المولى من كل مكروه
المسالة تحتاج إلى صبر . واكثر من الدعاء . وكثرة الاستغفار . وقول لاحول ولا قوة إلأبالله فإنها تفك 99 كربة أيسرها الهم فأكثر منها

احبها فعلاانت انسان نادرفي هذيالايام
الله يسخرلي زوجي يجعلني قرة عينه ويؤلف بين قلوبنا امين وجميع القراء

آمين اللهم اجعلها قرة عين لزوجها واجعل زوجها قرة عين لها

أختي أميرة الورد انتي في رد سابق لك قلتي آخذ طقم ذهب وأوديه اذا رحت مع الوالد -- هل تقصدين قبل ما نتكلم في شي ولا بعد ما يصير الصلح -- لأن في بالي لو تصالحنا أوديها السوق تشتري الذهب اللي تبيه طبعا في حدود الامكانات ولا وش قصدتي بالضبط؟

أختي أميرة الورد انتي في رد سابق لك قلتي آخذ طقم ذهب وأوديه اذا رحت مع الوالد -- هل تقصدين قبل ما نتكلم في شي ولا بعد ما يصير الصلح -- لأن في بالي لو تصالحنا أوديها السوق تشتري الذهب اللي تبيه طبعا في حدود الامكانات ولا وش قصدتي بالضبط؟[/quote]


لا تستعجل في اتخاذ مثل هذا القرار ؛ لأنه محفز لظهور المشكلة مرة أخرى عندما تريد شراء ذهب مرة أخرى بكمية مشابهة أو أكثر .

ما ذكرته أميرة الورد حل لبعض الزوجات .. ولكن مشكلتك لن ينفع معها هذا الحل ؛ لأن المشكلة عندك تتكرر ، وهذه المرة بشكل أكبر من المشكلات السابقة .
ثم إذا كان الخطأ منها فأنت تثبت السلوك بمعززات و حوافز وأنت لا تشعر ... وإذا تبين لي ولك أنك مخطئ فسنسمح بهذا الحل .. بل ويلزمك أن ترضيها .
أخوك
الزائر الخفيف

أخي الفاضل
لي عودة إن شاء الله .. ولا تيأس أو تستعجل في اتخاذ قرار .. سنصل لحل بإذن الله .

اخي الزائر هي عارفه مدى حبه لها وفي نفس الوقت تشتاق لاهلها فهي ضربت عصفورين بحجر تروح لهلها وفي نفس الوقت مطمنه انه يبغاه وفي اي ساعه تطلبه بيركض يجيبه عشان كذاهي مخليه وجودها في بيت اهلها فترة نقاهه وتغييرجو ومافيه مسؤليه والاخ احبها فاهم وش اقصد مايكلمها فتره اقل حاجه شهرين عشان تبدى تقلق ليش ماكلم؟ يمكن صارمايحبني؟ يمكن فيه وحده ثانيه في حياته غيري؟ والهواجيس تروح وتجيب فيها بعدين ماتصدق انه جاء يطلبها من ابوها وصدقني راح تطلع معاه في ملابس البيت من فرحتها برجعته

اما عن سؤالك يااحبها مافيه مشكله ممكن تؤجل الهديه لرجعتها عشان تاخذشيء على ذوقها
وانت كمان اعتبرهذي الفتره فترة استجمام عشان ترجعون بنشاط والله ييسرامرك ويغفرذمبك

بصراااااحة احس ان زوجتك تحب المشااااااااكل وما صدقت لقيت سبب عشان تسوي مشكلة وحتى لو كانوا غلوا عليها كفاية انهم اعتذروا هذا اكثر شي ممكن يسووه وحتى ان كان ما اعتذروا مو سبب ان الوحدة تطلع من بيتها عشانه الوحدة ماتطلع الا لمشكلة كبييييييييييييييييرة وتكون في الغالب بينها وبين زوجها مالها في اهله وتعاملهم ب(سلام عليك يجاري انت في دارك وانا في داري) بكرة يزيدوا العيال وتكبر المسؤوليات وتكثر مشاكلهم ويش بتسوي اذا موضوع تافه سوت كذا..وخفف اخوي الدلع شوي وماله داعي الماركات اللي مافيها الا الغلا الفاحش ومالك هذا تسال عنه يوم القيامه بدل التبذير تصدق اكفل يتيم اعمل لاخرتك يا اخي
وانت تقول انها تحبك لو كانت تحبك كان تحملت اهلك (لاحظ ماقلت تحبهم مو غصب قلت تتحمل) وبعديييين ايش تبغاك تسوي في خواتك تضربهم مثلا قول لها لو واحد من اخوانك متزوج وتمشكلتي مع زوجته ترضي يضربك عشانها واذا اخوك يرضى انا ما ارضى اهن خواتي وحسسها انك تحترم خواتك وتزعل اذا اي احد غلط عليهم ..

تجي تشوووووف كيف خوات زوجي معيشينا في جحيم وزوجي مو قادر يسوي شي لانهم يسووا المشكلة ويحرشوا الكبار(امه وابوه) ويصيروا هما اللي في الوجه فما نقدر نسوي شي ودايما يقولي معليش اصبري وعشانه صابرة بس اتخذت معاهم سياسة (سلام عليك ياجاري ........)وسحبت نفسي من حياتهم وصارت علاقتنا رسمية اروح ازورهم واسلم عليهم واذا فيهم احد تعبان ازوره واذا عندي او عندهم مناسبا نتزاور وبكذا ارتحت وخفت المشاكل شوي والى اليوم بعد 19 سنة زواج اسمع تلقيحات كلام سواء في وجودي او من وراي او حتى على عيالي بس خلااااااااااااااااص تشبعت وصارت عندي مناعة وماصرت اهتم واي كلام اسمعه احس ان زوجي يخجل بس ارد واقوله خليهم يقولوا اللي يبغوه مالي فيهم واثق الخطوة يمشي ملكا والحمد لله مرتاحين ...
انت يبغالك توقف موقف حاااااااااااااااازم بعد فترة شهرين مثلا لا تتصل ولا تسال وبعدين روح لها واجلس معاها في حضور ابوها وابدا لاتحسسها انك مشتااااااااااااااق لها مرة ولا تقول لها كلام حب ولا شي اجلس معاهم وحسسها انك مومهتم وقولها سبتك عند اهلك هذه الفترة عشان ترتاحي وتريحي اعصابك وتفكري صح في حياتنا والحين انا جاي لاخر مرة ارجعك للبيت اذا عندك شي قوليه وانت قول اللي عندك كمان وقول لها انا اتعهد لك قدام ابوك اني ما اغلط مرة ثاني بلساني وامسك نفسي لما زعل (وزي ماقلت لك قبل اذا عصبت اطلع من عندها عشان ماتتلاسنوا)واذا شفتها معندة ومافي في راسها اي تغيير قول لها ان شاء الله اني ماقصرت معاك في شي وانتي اللي بتخربي بيتك بيدك عشان اشياء تافه وانا شكلك حنيتي لعيشتك عند اهلك اشبعي ويابنت الناس ابغى اعف نفسي ما ابغى اجلس كذا متزوج عزابي واذ مو حابة انا بشوف حياتي وبتزوج وانتي وقت ماتبغي ترجعي ارجعي تعلمي البيت انا مو جاي واذا مو حابة برسلك ورقتك وبنتي اول ما تبلغ السن القانوني باخذها وانتي الله يرزقك باللي يستاهلك وسلااااااااام (طبعا قول الكلام هذا كتهدييييييييد لها بس ) عشان تحس انك بايعها وتفوق من اللي هي فيه وتعرف قيمة النعمة اللي هي عايشة فيها ..
اتمنى لك كل سعادة في حياتك والله يجمع بينكم على خير ياااااااارب ...

الله يصلحها ويصلحك..............


شكلك عصبي وشكلها متهورة شوي ...


وباين انها تعبت نفسيا .............

ونا بصراحه رايي من راي اختي اميرة الورود ......


هي واضح انها واثق من انك بتموت عشان ترجعها .......


عشان كذا خل الامور معلقه ولاتدق ولا تروح ..........


وهي بنفسها راح تدق عليك وتكلمك !!!


نا ماودي اظلم اهل البنت بس واضح ان فيه احد يحشي راسها وواضح انها ماتخبي على اهلها شي وتمشي على رايهم


فيه تأثير عليها من طرف ثاني الله اعلم مين يمكن امها ويمكن ابوها !!؟؟؟

لكن عقب ماتتصالحون وترجع المياه لمجاريها .....


تفاهم معها وقولها اذا صار اي شي لاتقولين بروح لاهلي نحل المشكله بيننا


واذا صار و سوت مشكله وقالت ودني لاهلي .... هذيك الساعه انت ازعل منها بقووووة و بصممممت يعنيي لاتعصب وتذب

حكي ترى في لحظة العصبيه الواحد يخربها ....

اسكتتت ورح نام ... خلها تاكل بنفسها طول الليل ... سو نفسك ماهمك

!!!!


وفي نقطة ثانيه .......


تفاهم معها ان اي شخص يتمشكل معها من اهلك انت مالك دخل ولا انت السبب في هذا

قلها لو صار شي مني هذيك الساعه ازعلي من غيري انا مالي دخل خذي حقك بلسانك انا راضي وبس

__________________
وتبقى ... الحيـ ـ ـاه .. بــلا لــون ...
حتـى يــ ـــ ــورق ... زهر الايمــــان ...


لا اله الا الله رضيت بالله ربا وبالاسلام دينا وبمحمد صلى الله عليه وسلم نبيا رسولا

اميرة الورد 555 - جناين ورد 2008 - سحاب- rwan 11 أشكركم على مداخلاتكم جزاكم الله خير

يا اخي اذهب وارجع زوجتك

انا اعرف انو الواحد حرام يزعل من الثاني اكثر من ثلاث ايام

وخيركم من بدا بالصلح فما بالك بالزوج والزوجه


بالكلام الءيب كلو ينحل

الله يهديكم عندكم ولد يعني انتم اصبحتم عائله


امور تافهه وجدل

والله العظيم الحياة مش مستاهله عيشوها بسلام

__________________
http://live.gph.gov.sa/
اللهم اني استودعك اولادي