فعلا أخير أحد فهمني في هالنقطة وشكرا لك أختي بنت الحلوين ..

كلام أخي بندر السالم واخي تونسياااان صحيح وهذي نظرة الرجال في مجتمعنا مهما أنكرنا ووالله فعلا يأختي يامظلومه انا كنت أتوقع الأجابة بس اهلي وأقربائي قالوا لا ماهو صحيح وفي ناس عزاااب نعرفهم يأخذون المطلقة خصوصا إذا كانت سمعتها حلوة وأخلاقها عالية وأهلها ناس طيبين وأقتنعت بكلامهم لأن انا نفسي خطبني اثنين عزااب بس كانت ظروفهم المادية صعبة ولكذا ماكان في نصيب المهم قلت بأطرح الموضوع وأسمع أراء الجميع وأستفيد وأعرف كيف نظرة الرجال للمرأة المطلقة ؟؟!
بس أختلف معك يأخي بندر السالم في أن المطلقة تجلس تتذكر وتفرق بين طليقها وزوجها الثاني هذا ماهو صحيح نهائيا لأنها عارفة انه في فرق شاسع بينهم اللي باعها وحطم حياتها بدون تفكير مايستاااهل ثانية من تفكيرها وبالعكس زوجها الثاني هو اللي يستااهل كل التفكير وإذا كنا نتذكرهم الحين لأن الفراغ اللي صار في حياتنا باااقي ماجاء النصيب وحل مكانه ..وأنا عن نفسي يمكن اخاف واحاول اخذ الحيطة من اللي صار في زواجي الأول لكن اني أجلس أفكر فيه لا والله وبمجرد ماطلقني انتهى نهائيا من حياتي ..
وبالنسبة لأختي باريسا كلامك مؤثر وصحيح 100% لكن حسبي الله ونعم الوكيل على طليقي اللي حصر أحلامي في أقل شي في هالدنيا لأني يوم من الأيام صرت مطلقة ....
آه آه آه آه آه آه آه آه آه كنت أحلم وانا بنت بحياة أسعد بكثير من اللي أنا فيه وجاء هذا الآدمي وحطم حياااااااتي بكل معانيها واللي يقهر أكثر أنه لما يسألونه الناس يقول والله لقيت فيها كل شي جميل ومافيها ولا عيب بس انا وهي ماتوافقنا .. شوفو السبب التافه هذا من المعروف أساسا ان كل زوجين في البداية تصير بينهم إختلافات بحكم عيشة كل واحد في بيئة غير عن الثانية بس بعد سنة من الزواج يتفقون لكن المصيبة اني رحت عن واحد مايبغى يغير او يعدل من أخطائه لأنه رجل وأختار تحطيم حيااااتي وعلى ان الناس عرفوا رده هذا يقولون لو أنك صبرتي عليه مأدري يبغون يقهروني او ينرفوزني وانا أسكت لأن مليت بجد من الكلام ووالعظيم هو اللي وصلني الى بيت أهلي زيارة وبعدها 8 شهور مابيننا كلام او إتصال وبعدها طلقني ماهو انا اللي طلبت لكن اللي مايعتبرني مكسب مستحيل أعتبره رأس مال ..
يارب أسألك الفرج لي ولكل المطلقات عاجلا غير آجل ..