حديث

شفتي خشتي كيف مترين من الفرحة فيك

منورة يالغالية

الآن فيه شئ استجد وماني عارفه وش بسوي


أم طليقي كلمتني وجلست تدعي لي وتقول حسبي الله على اللي فرقكم عيون الناس ومن هالكلام

وانا بقلبي كلااااااااام محروقة ودي اقولها واطلع اللي بقلبي بس قلت مايصير اتكلم بالتليفون ماينفع وخليني ساكته ازين ماراح كلامي يودي ولا يجيب ولا يزيد ولا ينقص اذا جت يصير خير

راح تجي عندنا مدري وش عندها بس هي تقول بشوفكم وامي شاكه انها عندها شي

ياانها بتستسمح مني وتخاف من دعاءي على ولدها وبنتها والا انها بتكلمني بشي ثاني

المهم قولو لي وش اقولها


هل اناقشها بولدها والا اسكت وانسى كل شي صار


امي تقول ماراح اسكت وبناقشها اللي سووه فيك مو هيّن ولا سهل الكلام طلقات رصاص قاتلة

تكفووون تراني مررررة محتارة


هل اطلع اللي بقلبي والا اسكت وش اسوووووووووووووي؟

__________________
حسبي الله ونعم الوكيل

أنا يا غاليه الدنيا ما تسعني لا شفت أختي

ما عدت أنا

مبسوطه وفرحانه وسعيده وما تشيل الهم .

شوفي يا الغاليه

الحمد لله الله كريم ما يخذل عباده ..وهذه بداية الرحمة ...لجت أمه أستقبليها

بعد ما تكوني أستعديتي لحضورها ولبستي وتطلعتي ما ينافسك إلا القمر .. وأنتبهي لا تشوف ملامح الحزن

على وجهك .

وخليها تتكلم مع أمك وأنت خلك ساكته ولا تشاركينها الكلام في ولدها إذا حكت مع أمك .

أمك راح ترد عليها إذا عيبت فيك . وأمك كفايه .

لكن إذا سألتك عن شي صار بينك وبين ولدها طبعاً وبدون أي شك لا زم تردين وتجاوبينها وتدافعين عن

نفسك في حدود المعقول بدون إستطراد كلمتين ورد غطاها
.

يعني أنت جاوبيها على قد السؤال ولا تبينين إنك مهتمه في ولدها .

خلك متماسكه .

لأن اللي ينتظر رجعتها ولدها واللي يبغى التفاصيل ولدها

راح يسأل أمه كيف لقيتي ما عدت أنا فرحانه ولا حزينه .إش قالت وإش ردت .

كل اللي راح تسوينه راح ينصب في إذن ولدها صب .

أنتبهي لهذه النقطه

ما عدت أنا

الكيك اللي في الفرن لا يحترق أنتبهي .

لي عوده لك

.

__________________
ماعدت أنا ..ورقة ليمون , سافر معي , مطلقه صغيره ,
اخباركم

اشوى انك نبهتيني كنت افكر واقول تكلمه بخصوص الرجعه

بس مدري هل هذه النقطة بصالحي لو قلت لها؟

شكلي بسوي زي ماقلتي تصدقين فيني خوف ورجفه من زمان عنها

الكيكه مقابلتها ارد عليك وانا بالمطبخ هههه حاطه الاب توب معاي خخخخ

__________________
حسبي الله ونعم الوكيل

ما عدت أنا

يمكن جايه تبغى ترجعك لولدها هذا موغلط وإذا كان يسعدك اسأل الله ان يحققه لك

لكن في كل الأحوال أستقبليها بروح جميلة وأنطباع حلو لأن اللي تشوفه أمه عليك راح يوصله

وصدقيني لما يشوفوك مبسوطه ومرتاحة وعايشه الوضع طبيعي راح يخليه يعيد حساباته فيك

هو الحين متصور ما عدت أنا المرأة الحزينه المنكسره اللي تتمنى يفكر فيها .

أعكسي الصوره وفاجئيه .

__________________
ماعدت أنا ..ورقة ليمون , سافر معي , مطلقه صغيره ,
اخباركم

حبيبتي حديث الوقت /

احزنني توقيعك راح افقدك ياقلبي ماراح اسأل ليش تركتينا لكن بجد راح افتقد لردودك ولوجودك بيننا وعسى المانع خير إن

شاء الله اتمنى لك السعادة والتوفيق الله يسعدك في حياتك وأدعوا الله أن يكفيك شر خلقه وأن ييسر أمورك ويفرج

همومك &

__________________
لو لم تكن الحياة صعبة لما خرجنا من بطون امهاتنا نبكي:
سبحان الله وبحمده & سبحان الله العظيم

الله يعين

وييسر كل عسير سبحانه

همس لا حديث ماراح تتركنا


بإذن الله

مجرد ظروف سحابة صيف وبتعدي بحول الله وقوته

__________________
حسبي الله ونعم الوكيل

بإذن الله يا أختي أن الأمر في صالحك
كوني هادئة ومبتسمة وواثقة من نفسك ولاتظهري لها الحزن أو اللهفة على الرجوع ، يعني خليك ولا كأن شئ صار وما عندك إهتمام
وتذكري أن الموضوع في صالحك أنت أولاً و أخيراً
ومن الأفضل مناقشة أمرك و أمر زوجك فقط دون التطرق لأي حديث آخر إلا إذا هي فتحت معاك مواضيع ثانية
و أختي حديث كفت ووفت بكلامها
والله يجعل الأمور كلها إلى الخير

__________________
لا إله إلا الله محمد رسول الله

آمين يارب

جزاك الله خير ياعبدالعزيز

طيب كيف استقبلها مدري صراحة خايفه لأني قاعده ارجف مدري ليه

هل اسلم عليها عادي والا ابين لها شوقي لها

والا اصير رسميه

الصراحه يوم يخطبوني قسم بالله ماكنت كذا ولا همني أحد جالسه عادي ياربي وين راحت روحي الرياضيه

والحين صايرة متلخبطه مدري ودي انحاش اذا جت اخليها تقابل امي لحالها

وبنفس الوقت اخاف تزعل مني لو ماجيت

__________________
حسبي الله ونعم الوكيل

بالعكس كوني معها مثل السابق يوم كنتي زوجة لولدها ، يعني قدريها و إحترميها وعامليها معاملة هادئة ولا كأن في الموضوع شئ ، وكلمة وردي غطاها إلا في أمور تحتاج لتوضيح فوضحي لها
و أمك ما راح تقصر معك
واللخبطة والإرتباك لأنك ما تدرين ليش هي جاية عندكم ، بس هذا هو السبب ، ولذلك كوني رايقة وواثقة من نفسك وراح تحسي بالأمر ينتهي بسرعة وفي صالحك إن شاء الله

__________________
لا إله إلا الله محمد رسول الله

ما عدت أنا

لالالا لا شيلي هذه الفكره الخطأ من راسك

قبل كل شي هذه ضيفه عندكم ومن الأحترام أنك تستقبليها ( الحسنه بعشر امثالها ، ومصانعة الناس

فضيلة )

أختي أستقبليها و سمعيها أحلى الكلام . هي جايه بيتك بيت أهلك لا تخليها تضيق نفسها وهي بينكم

مايسير يا ما عدت أنا .

أنقلي لطليقك صوره جميله عنك الجمال يترك طابع ما تتركة الاف الكلمات .

وشوفي راح تكبري في عينها أذا أستقبلتيها ...عاملي من جرحك أحسن معامله

يتندم على جرحه لك واسأليني .

راح يقول طليقك هذه الأنسانه اللي خسرتها أنا .

صدقيني يا ما عدت أنا .إذا ما أستقبلتيها وبينتي لها الكلام اللي قلته لك قبل

ماراح يندموا عليك بيقولوا فكه منها حتي وحنا ضيوف عندها ما أستقبلتنا هذه مو كفؤ ولا ينشد فيها الظهر .
.

__________________
ماعدت أنا ..ورقة ليمون , سافر معي , مطلقه صغيره ,
اخباركم