والله يا اختي سحاب انا مر على السالفه شهر ونص تقريبا بس ماني قادر اصبر

اكثر من 4 ايام او خمسة بالكثير ماسئل عنها حتى لو هي رافضه تكلمني ..مع ان الكثير ممن

يعرف بسالفتنا ( خلافنا اعني ) من الاهل يقول نفس كلامك لا تسئل عنها شهر شهرين وشوف

بس المشكله هالقلب اللي متولع في حبها وربي اني ابغي اجلس اتذكر عيوبها عشان

احاول على الاقل اشيلها من تفكيري مو قادر طيفها معاي طول الوقت خصوصا اني كنت

انا واهي مبسووووطين حييييييييل بشكل ماتتصورينه وكانت دايم تقول انت الله رسلك لي تعضوني

عن حنان اهلي ( اهلها رغم انهم ضعاف شخصيه جنب خطيبتي ) الا انهم جاااااااااااااافين

يعني حنان مافي يعني معاملتهم لابناءهم معامله رسميه اكل وشرب ولبس وبس

ولا عندها اخو كبير يعني كان حنون هم 5 بنات وولد صغير بس ..لذلك اهي كانت تقول انت

امي وابوي واخوي وزوجي وحبيبي ..يعني شي مستغرب يتغير هالشي في يوم وليله

الا اذا كانت مريضه نفسيا وهذا انا ماقدر احكم عليه ..لانها بصراحه حبيبتي اللي

عشقتها من بد كل البنات ... طيب استفسار لمن مر بمثل هالظرف ولو انه قليل

هل ترك الزوجه او الخطيبه لشهر وشهرين بدون سؤال ..يجيب نتيجه ..اخواتي يقولون

نحن بنات ونعرف تفكير البنت اذا تركها خطيبها او زوجها تعند بالبدايه بس اذا شافت

الجد والمسئله قلبت جد اهي اللي تجري وراك ..وانها تبي تفرض رايها وشخصيتها عليك

زي ماكانت فارضتها بيتهم على اهلها واخواتها الكبار ايضا ...انا مو قادر اصبر بعد شهر

ولا شهرين ولا قادر اطلقها احس روووحي بتطلع ولا الفض كلمة طالق ( مع اني رجل

وبمجتمعنا لا يعيب الرجل ان يطلق بتاااااااتا بامكانه ثاني يوم ان يذهب ويخطب بنت

ثانيه ولا كأنه صار حاجه بعكس البنت تصبح اسيرة لقب مطلقه وحظوظها تقل كثيرا خصوصا

انو مابقى احد من اقرباء او معارف الا وعرفوا بموعد زواجنا ... ولكن انا من حبي

حق هالبنت مو متخيل نفسي اقول كلمة طالق وربي صعبه علي كثير ...

مو ملاحظ انك حتى انت صاير بلا شخصيه امامها؟؟؟؟؟؟؟؟؟؟

مثل امها وابوها واخوانها وخواتها؟

تاركها تجيبك شرق غرب فوق تحت وتقول انا احبها؟


انفذ بجلدك ... هم متدبسين فيها بس انت !!!!!!!!!!!!!!!!!!!!!!

الحب ياخي مو بهذله وشحططه وتعذيب ... الحب والحياه الزوجيه ود واحترام ومسؤوليات وواجبات

فكر في حالكم بكره متزوجين وهي تسوي هالحركات وعندك منها 3 او 4 اطفال !!!!!!!!!!!!!!!!!!

فكر بواقعيه وانت تعرف الحل الأمثل لكم...

__________________
[/IMG]

اخوي طمنا شنو صارلك
اتمنى وربي اني اسمع اخبار حلوه وتفرحك يارب
الله يحقق لك كل ماتتمناه يارب

أختي الكريمه مجنونه وباقي الاخوان مشكورين على اهتمامكم

الكبير وربي ان قلوبكم بيضاء..مدري شقول وربي خطيبتي هذي ماتعرف من الحب الا حروفه وبس

تخيلوا قبل يومين قلت بسوي آخر محاوله لأني مخليها اسبوعين عشان تفكر بجد تبيني اكمل معها

ولا لا ..خصوصا ان حفلة الزواج ماباقي عليها الا 4 شهور بس ..المهم قلت استقل يوم

مولد الرسول صلى الله عليه وآله وسلم ..وقلت فرصه يوم حلو واقولها كل عام وانتي بخير

وانا عاد رومانسي حيييييييييييل رحت شريت دبودب وردي كبير ووسطه قلب أحمر

وصحن شوكليت من باتشي وباقة ورد جوري أحمر يجنن وجوال سوني اريكسون نانسي (حركات )


وكاتب لها كلام رومانسي يهبل ومعلق الكلام برقبة الدب بشكل حلو

ومسويه بشكل مغلف وحركات رهيبه وربي وأروح أطق بابهم الا محد يرد اتصلت على

جوال امها الا تقول من سمعت أسمك تصيح وجاتها حالة نفسيه قلت انتوا

من جدكم خطيب بنتكم جاي مو شيطان ؟؟ وربي حتى اهلها ماعندهم ذوق يعني تركوني

على الباب اكثر من عسر دقايق ولا احد فتح لي بذمتكم هذيلا اوادم ..يعرفون الاصول

طبعا التفاهم دووم مع امها بوها في الباي باي لا اسمع لا ارى لااتكم ولا حتى تعب نفسه

وقالي اتفضل ياولدي ..عاد انا انقهرررت خلااااااااااااااااص بجد طاحت من عيني

واللي يقول ليش ماتصير ثقيل وربي اني ثقيل بزوود وكل شي اوكي بس ياناس لما وصل

حب حياتي الى الطلاق ماهو شي سهل ولا توقعت بيوم من الايام ان البنت اللي اخترتها

انا وتقول لموت فيني تسوي فيني كذا ...انا طبعا الحين خلاص مع الموقف الاخير قهرتني

هي واهلها يعني ماهو كفووو وربي ...الحين خلاص ناوي اطلق تعبت منها ..بجد حسافه على

اني عطيتها قلبي وربي دلعتها وغنجتها بشكل ماتتصورونه ..اهلها عمرهم مادلعوها ولا عطوها حنان

ورومانسيه مثل انا ماقدمت لها بس شقول (زرعت بوادي غير ذي زرع )

طيب أخواتي الحين خواتي يقولون مدام سوت كذا وهي اللي مصره على الطلاق اهي لزوم

ترجع لك قيمة هدية الخطوبه (عندنا بالشرقيه نسميها هدية الخطوبه ) تشتمل على صندوق فيه

فساتين وبلايز وجزم الله يكرمكم ومجموعة عطور وارواب نوم ولانجري وسبورات وعبايات لها

وحق امها وطقم ذهب ..طبعا هذا غير هدية الملكه طقم فخم ذهب ..

يعني يقولون اهلي انوا جرت العاده اذا الزوجه او الخطيبه اهي اللي طلبت الطلاق قبل الزفاف

ترجع قيمة الهديه مالا لانها الملابس والعطور وغيرها لايمكن ان اهديها بيوم من الايام حق وحده

ثانيه ..وانا بصراحه شاري ماكات غاليه والذهب ايضا كان غالي ...يعني انا طبعا الهدايا

اللي جبتهم فترة الخطوبه ملابس وعطورات هذي مابيها لاني هذي هديه وخلاص

مستحيل اقبل ارجعها مو من الشهامه اطلبها بس اقصد هدية العقد والخطوبه لانها بصراحه

ماتستاهل اخليها لها خصوصا انها مكلفه فوق ال10 الاف ريال غير الذهب

والله يرزقني بوحده جديره بقلبي وطيبتي ...والله مقهور منها بس الله كريم

انا برسل اهلي ان شاء الله الاسبوع الجاي يتفاهمون مع امها

على امور الطلاق ..اذا اتفقوا رحت لابوها وخلااااص خل بنته تفرح بالطلاق احسن لها ...

أخي أتمنى إن الله فرج عنك همك ..

طمنا عليك ..

بس حبيت أقولك إذا ما زالت مشكلتك قائمة ..

تقول ما تقدر تصبر عن السؤال عنها بالرغم من معرفتك المسبقه بصدها ..

فأنا أقولك .. ماذا لو كنت مريضا وفي دواء معين شفائك .. و هذا الدواء وكأن مرارة الدنيا قد جمعت فيه

هل ستغصب نفسك سويعات على مرارته وتشربه لترتاح أبد الدهر ..؟

أم ستستكثر هذه السويعات على نفسك لتبقى أبد الدهر مريضاً .........؟

أصلح ما بينك وبين الله .. ليصلح الله مابينك وبين عباده

فالقلوب بين أصبعين من أصابع الرحمن تبارك وتعالى .. يقلبها كيف يشاء

__________________
[IMG][/IMG]

الله يعينك ويقويك وتصرفاتها غريبة لو انها تحبك مانطقت كلمة طلاق بسهولة

.
.
.
فكـر في فعلهـآ واترك كلامهـآ ورآك .’
.
قالت لك إنهـآ اتحبك وتعشقكـ وإنت امهـآ وأبوهـآ وأهلهــآ !
طيب لو كـآنت صـآدقه ’.
ليـش فعلهـآ يعـآرض تصرفـآتهاا ؟!

__________________

اخوي طمنا عليك ان شاءالله صار خير

أنت لم تحب الانسانة هذه بعينها بل حبيت حالة الحب نفسها . وعشت كل لحظة فيها بكل صدق

الحين انت قمت تفكر صح

بس وش دخل المولد بالدبدوب و الاحمر والوردي؟

ياخي هالشغلات حراااااااااااااااااااااااااااااااام وماتجوز .. خل ربي يبارك لك في عملك

تصرف اهلها لا ينم عن ذوق ابدا

خل بنتهم لهم واطلب في حقك

لو منك بأخذ كل شي حتى الاشياء العطور وووو واعطيه خواتي..


كان الله في عونك

__________________
[/IMG]