الله يسعدك يام سلمان
فرحني دعائك جزاك الله خير

__________________

السلام عليكم ورحمة الله وبركاته/

صابرة اتمنى إنك تكوني بأتم الصحة والعافية..

ممكن تحددين لي الفعل الذي أغضبك من زوجك؟

معدن الرجولة المعذرة اخوي مانتبهت لردك إلا الان
والله أحيانا ماتكتمل الصفحة عندي ولا انتبه للردود السابقة
توي افهم ان في رجال تثقل عليهم المشاعر !
كنت أسمع قصص متزوجين أكثر شيء يشتكي ان حرمته ماتسمعه كلام حلو
ولا تدلعه سبحان الله
صج ان الرجال صناديق مقفلة وكل صندوك يحمل بداخله سر يختلف عن الاخر
وصحيح ان الانسان لازال يتعلم ويجرب دامه عايش بهالدنيا
أنا في حقيقة الأمر لم تعد عندي سوي صحراء قاحلة وأنا اللتي اطلب من يثقل علي بالمشاعر
لا ربما ارتوي أو أمل منها ولكن دامني ماجربت ثقل المشاعر لن أحكم إلا بعد خوض التجربة
اللهم اجعل حبك وحب رسولك بقلبي وظهره بالايمان
اللهم يا مقلب القلوب ثبت قلبي على دينك
اللهم لا تجعل فهذا القلب اللذي هو بيدك سوى حبك والخوف منك سرا وعلانية

__________________

هلا رووحي ذكريات تدرين الصورة لي يم معرفك لا شفتها يفز قلبي
جيتي ياوجه الخير وين كنتي وحشتيني
أخ يادكريات والله مافيني أعيد من أول السالفة سمجت
أبد ياروحي نتكلم وسوالف ومن يومين متغير
قلت وشفيك متغير وأنا قربت أجيك
وين لي تقول مشتاق لي وتحتري جيتي
كأنه مكدر
المهم مايحضرني الان كل التفاصيل قام قالي حرقتي يومي الله يصيبك ويدعي علي
وقام سكر جواله من ?? الظهر لين ثاني يوم
أدق الجوال مقفل
دقيت ع عمتي قلت أبا زوجي أستاذنه بشئ يإليت تخلينه يكلمني
قالت أهو بالمجلس الحين بناديه
رجعت دقيت ماحد رد !
رجعت اعاود للاتصال لعمتي قلت وينه
قالت كان هنا وطلع !
طيب أنا مسافرة قلت له تسويلي سبة عشان ماجي
يعني تكلمنا بدأ الموضوع أكثر من مرة ليه هالمرة بالذات سكرت جوالك
عشاني جاية !
الامهم دقيت ع دوامه ورفع السماعة وسكت عرفت انه هو
قلت أبي فلان قال أنا
قلت له افتح جوالك حالا
فتحه عقب عشرين دقيقة
كلمته قلت وشبلاك!
يقول قهرتيني وتشكي في ودمرتيني
قلت له لحظة شنو خطاي أنا لا سبيتك ولا غلطت عليك
قام جرحني وقالي انتي محرمة الله لايحرمنا
انتي عدوة للسعادة
انتي مريضة
قلت له إذا مريضة تصرفاتك وطلاقك وتطنيشك هو لي جابلي المرض
كلام طويل يادكريات
تقدري تتصفحي الكلام من أوله
أنا أخذت منوم وبودع التركيز وأقلع بعد لحظات
لاحظي من فترررة طويلة أنام نوم طبيعي بس أمس واليوم لجأت له
حتى لز زعلان مو وقته وأنا جاية عنده وشمعنى تسكيرة الجوال لي طولت
فهمت انه يقولي لا تجين
لكن ان شاء الله بروح أسوي عمرة وأريح أعصابي إذا يبغى يجيني حياه مايبغى بكيفه بكيفه

__________________

وش الاحتمالات الي تخليه مكدر..برأيك؟

غير إنه مو مشتاق لك ولا يبيك

لا أبغى جميع الاحتمالات

هووووووووووب آنا وصلــــــــت
فتحوا لي الباب هههههههههههه


صباح الورد والفل والياسمين والجوري
على أحلى غاااااااااالية وأحلى غاااااااااايبة فقدتها من فترة
وووووووينج ؟ كنت أحاتيج وايد
وكنت حاسة إن فييييج شي أو أشيا ودج تقولينها

أول شي شخباااارج ؟
ثاني شي رجعنا من جديد لموضوووع أبو الشباب
زوجج الغالي

شوووفي حبووبة
الأخوات كفوا ووفوا عني
فماله داعي أقعد أفتي وأتحجى لأن حجيهم كله وافي وكافي

آنا مابيي وأقووولج إنج نكدية وتجيبين الهم وتمللين لا
بقوولج بس شغلة مهمة
قبل لا تسوين الشي وقبل لا تقولين الحجي
اوزنيه أول
فكري فيه زين تالي قووليه
يعني مشكلتج التسرع حبووبة
متسرعة وهو لما يستفزج انتي على طوول تردين برد هو يزعل منه ويتضايق
يعني لما سألتيه شفيه متضايق
و رد عليج
المفترض تقولي له
وانتي مبتسمة حبيبي أتمنى ما يكون في شي مزعلك
بس ثق تماما اني مشتاقتلك وفرحاااااااانة اني بشوفك عقب طوول هالفترة
وصدقني من تشوفني الزعل كله بتنساااااااااه
يعني هذا يمكن رد سريع حضرني الحين وقلته
وحتى لما كلمج عن موضوع تونس
صح إن الموضوع مب بمحله ألحين وماله داعي يدخله
لكن ربما هو كان قاري الموضوع ومباشرة كلمج
أو يمكن يكون تناقش فيه مع اللي وياه وصار الموضوع في باله
وحب يتكلم فيه
ادري انج انقهرتي الى هالشي
بس ماعليه خلج على الخط وياه لو ل10 دقايق
بيني له إنج تحبين تتناقشين وياه لما يطرح شي
صدقيني هو بيحس إنج فعلا وياه
آنا ما قاعدة ألتمس له الأعذار ولا ادافع عنه
بس ياقلبي الرياييل يبي لهم صبر و طوولة بال
صح إني بعدي ما تزوجت
لكن صدقيني من كثر ما أقرأ وأسمع سوالف وتجارب
والمشاكل والأمور اللي تمر بديرتنا
شكثر اشووف إن المرأة وايد تتنازل ووايد تضحي



قدرج خلاج تكونين زوجة ثانية !
قدرج خلاج تحبينه وتعشقينه لدرجة كبييييييرة !
قدرج خلاج تعيشين بداومة مشاكل !
نصيبج خلاج تحسين روحج متعذبة
انزين وبعدييييييييين
بتظلين مستسلمة للقدر ؟؟!
ولا بتقاومين وبتحاولين تنتشلين كل شي من جديد
بتظلين دوووم انت وين ؟ وشفيك ؟ وليش خطك مشغول ؟ وش كنت تسوي؟
ولا بتصيرين اشتقت لك , وصرت بخير لما سمعت بصوتك
وتتجاهلين باقي الأمور


حبيبتي زوجج أحيانا يتعمد يستفزج ويبي يشوف وش بتسووين
يبي يتأكد هل تغيرتي ولا بعدج مثل ما انتي
انتي أبدا لا تعطينه مجال انه يشك و لو للحظة

لا تدققين بكل شي ولا تشكين بكل شي
اعتقد احنا تكلمنا من قبل وقلنا ننسى الماضي
أو تحاولين بقدر الإمكان تتناسينه
سبق وقلت لج
اعتبري روحج توج تعرفينه
توج عروس يديدة
تعاملي معاه ببساطة وبدلع بنفس الوقت
انتي غلطتي لما قلتي له طلاقك لي سبب لي هالشي
غلط ومليووووووووون غلط
إذا قعدتي كل مرة تكررين هالشي مافي فايدة
بترجعين للصفر من جديد
وكل اللي بنيتيه بينهار
قلت لج وأكرر لج
لا تجيبين هالسيرة
انسيها وشيليها من باااااااالج
إذا خليتي هالفكرة محووور لج
صدقيني ما راح تقدرين تتخلصين منها

زعله هالمرة كان ممكن تقدرين تتفادينه ولا يصير اللي صار
ولا تقولين هو زعلان لأن سفرج قرب !!
حجي مب عدل أبدا
يعني زوجج ويحبج ويموت فيج
معقول بيتضايق إنه بيشووفج بعد غياب
ليش ما تحطين أعذار
حتى لو انتي مقتنعة حطي أعذار
وقنعي نفسج فيها
تعباااااااان
عنده مشكلة بالدوام
واحد من اعياله لا سمح الله فيه شي
أحد من اهله فيه شي
هو نفسه متكدر من شي معين

فبدل ما انتي تجين وتعدلين الوضع
زدتيه
آنا ما بلومج وايد وبقولج انتي السبب
بقول تسرعج وحكمج على الأمور هي السبب
ولا بجي بقول هو صح وتصرفه صح
بقول المفروض هو بعد يهدي باله وما يكبر المسألة

الحين اللي صار انتهى
وبرد ارجع اكرر عليج توصياتي
لا تدققين بكل شي وتشكين
ابتسمي دوووووم
لما تشوفينه متضايق لا تحاولين تنبشين عن السبب
مهما كان
خليه هو يجي ويقولج لو حاب يقوول
انتي بس حاولي تفرحينه ولما يكون كلش متضايق ابتسمي له
وسولفي معاه بأي شي
لا عاد تذكرين له سيرة الطلاق
أبدااااااااااااااااا
انسي وتجاهلي الموضووع
الحجي الحلو خليه دوووم بلسانج
لدرجة انج بتتعودين على هالحجي دايم
لا تكونين وايد لحوحة في الامور
خلج وسط أحسن شي

اقتراح وحدة من الأخوات يبي أمه وياج دامها تعزج وتحبج وانتي نفس الشي
اقترحي عليه هالاقتراح ولو حاول يستفزج ويضايقج
أبدا لا تتضايقين وتعصبين أو تتنرفزين بكل بساطة
قولي له : طيب ياحلو كان مجرد رأي ولأني ودي تكووون الغالية معي
بس دامك مو حاب هالشي خلص ولا تزعل
ببساااااااااطة وبدون أي هم ولا شي

أي حجي يقطه ويقولج لج أدري وحاسة يكدر ويهم ويتعب الروح والقلب
بس انتي استقبلي هالكلام من ناحية ثانية
يعني العكس تماما

حبيبتي يشهد الله اني تضايقت وااااااااايد
وإياني إياج مرة ثانية تقوولين
اللي صار في مزون إنشاءالله يسويه لي
اسم الله عليج حبيبتي
ربي يبعد عنج كل شر
والله يزعل لو كررتي هالكلام
مهما كانت حرتج
إيمانج بالله فوق كل شي
وصدقيني ماخاب ولا بيخيب من تمسك برب العالمين ورسولنا الكريم واهل بيته

لا تدعين على نفسج ولا تكدرين روحج
الحين انتي في مرحلة بناء جديدة
اعتبري نفسج توج تبدين تبنين الأساس
كان عندج بيت وانهدم
والحين جاية بتبنين بيت جديد
الواحد لما يبني أساس شيسوي
لازم تكون قواعده ثابتة و كل شي يكون سليم
وخطواته تكون تدريجية
بالضبط أبيج هاللوووون

ادعي لي دايماااااااااا
وادعي لزووجج على طول بالهداااية
والذرية الصالحة

مسامحة تأخرت في الرد بس لأني كنت طول أمس أذاكر
واليوم قدمت امتحان والمغربية رقدت
فلما قالت لي أم سلطان دايركت ييتج طيران

فديتج أم سلطان كلامج كله درر وحكم
سلمت أناملج والله


لي عوووووووووووووووووووووودة حبيبتي
تحملي بروووووووووحج

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

صابرة بدنيتي ,أن شاء الله تكونين اليوم أحسن ونفسيتك أفضل.
الآن الأعضاء ماقصروا من النصايح ,أنت أمسكي النصايح ولخصيها في ورقة وأقريها بتمعن وأرجعي أقريها مو لين تحفظينها , لا لين تصير واقع عملي في حيااتك .
طيب مين سند ومزون , أنا مثل بنت الحكمي مااعرفهم , لكن انت شكلك تحبين المسلسلات والقصص الرومانسية وأنت تتخيلين نفسك مثل أبطالها , لكن لاتنسين أن كلها خيالات ورومانسيات زائفة ,وزادت نسبة الطلاق بعد هالمسلسلات لأن الرجل والمرأة على حد سواء صار يقارن بين الي الواقع الي يعيشه , وبين الي يشاهده على الفضائيات .

الله يرزقك الذرية الي تملا حيااتك سعادة ,وأنبهك ترى الحالة النفسية لها دور في حدوث الحمل .

روح الطير حبيبتي مشكورة على ردك , لكن أنت ماحبيتي نفسك اكثر , أنت وازنتي بين حبك لنفسك وبين حبك لغيرك , وهذا المفروض , ولو تلاحظين أنه فيه ناس لما تبذلين لها الحب والعطاء بدال ماتشكرك تحسسك أنه واجب , وهو في الواقع كرم وطيب نفس , عاااد أنا لما أزعل مع أبو الشبااب أقول لولدي الكبير , أنتبه في المستقبل تحب أحد أكثر من نفسك , شكلنا بنشطح بالموضوع(حريم).

هلا بحبيبة قلبي وحياتي وروحي شيخة البنات
حياك الله يإلحبيبة
صدقيني أبي بس ظلتك واطمن عليك انتي والبنات
لا تشغلين بالك فيني حبيبتي انتبهي ع امتحنأتتك ومستقبلك
الله يوفقك ويسهل أمرك اينما كنتي
تأثرت كثير لموضوعك مع صديقتك
لكن صدقيني الدنيا تجارب ودروس
ربي يعوضك خير ويستر عليك
صدقيني بخليه براحته يا شيخة
انتبهي لنفسك حبيبتي
وعلى طول خلينا متواإصلين وطمنيني عنك
ربي معاك يإلغلا

__________________

إلي مايبانا مانبإه ياذكريات

__________________

الأخت صابره بدنيتي
أقترح إغلاق الموضوع حتى لا تتشعب بك الدروب والآراء
فهنا نصائح رائعة خذي بأحسنها واستخيري الله في أمرك