ي اخي الكريم احب ان اقول لك زوجتي كانت خائنه ولا عيب في الخطاء
وخطاء زوجتي اكبر بكثيررر من اخطاء زوجتك

ولكن من عفا واصفح فاجره على الله انا لا الومك على كرهها
وانت لم تكرهها في الواقع لانك كنت تحبها فالمحب الحقيقي لا يكره مهما كلف الامر

ولكني والحمد لله استطعت ان اصلحها بيدي فما اجمل ان تاخذ اجر توبه تائب
وبما انك قلت انها تابت فصدقني ان توبتها نصوح لان في احشائها طفل والطفل رحمه

ففكر بطفلك لا بنفسك
وارجو منك ان تفيدنا بماذا حدث معك .. عسى ان يسمع الله منا وتعود الى زوجتك وان يصلحها ويصلحك

وتذكر ان الخطاء ليس خطاءها وحدها انت تشاركها في الخطاء
ولو انك مكانها لعفت واصفحت ..

اخوك ابو عبدالملك ..

تختلف تصرفات وردود الناس عن بعض

فالطيبين ليسوا مثل العصبيين وليسوا مثل المتفائلين وليسوا مثل اللعابين

انت طيب ياخوي وتستاهل كل خير والله يوفقك في حياتك

بغض النظر عن كونك غلطان او منت غلطان من البداية باختيارك لها ولكن انت تعلم عنها امور والشك في قلبك وتعرف ان البنت لعابه وبها حركات لا تريدها ولكنك قبلت بها وتزوجت بها

وما بني على باطل فهو باطل

ولكن لم ينتهي كل شيء

انت قبلت بها مع انك تعرف عنها امور كثيرة ولازم تتحمل عواقب افعالك

انا ما قلت تمسك بالبنت ولا تطلقها او تتركها تفعل ما تشاء ؟؟!!!

ولكن لا تلموها في كل شيء لأنك ملام أيضا في هذا الامر بتقبلك لها

البنت تعرف انك طيب وعشان كذا رجعت لسوالفها القديمة من مغازلة وتعرف انك حتسامحها وعشان كدا عندها امل في الرجوع اليك حتى وان طالت المدة

حبيبي انت غلطت ولازم تصلح غلطك

اول شي شيل فكرة الطلاق من رأسك لأن البنت ما تستاهل وفيها خير والحمد لله وممكن تصلح وترجع وتتأدب

نصيحتي لك تكون اكثر حزما معها وقسوة بعض الشيء

خليها عند أهلها فترة من الوقت وخبرها انك ما تبغاها وخبرها انك كنت طيب معاها والطيبة دي ما تنفع مع امثالها

وبعد فترة رجعها بيتك وخليها تقعد معاك ولكن مع تغيرات كثيرة

خبرها انك تبغاها تولد وبعد ما تغلق فترة النفاس انك بتطلقها وانك بتاخذ الولد لأنك ما تثق في تربيتها

وأكد على كلامك بتصرفاتها معاك وأنها ما تقدر تخاف على طفلها وتعلمه الثقه والامانه والوفاء بالعهد واحترام الناس اذا هي ما عملت كل هذا مع زوجها والزوج أولى بكثير عن الطفل

وخليها تفكر بحياتها

وحاول تقعد معاها وتتكلموا بطريقة ايجابيه

حاول تشوف في ايش قصرت معاها عشان تروح وتدور على الشي دا في الخارج

لا تقول أنا ما قصرت معاها في شي لأنك ما حتعرف ايش تبغى منك

ايش نوع كلام الحب الي تبغاه وايش نوع الاهتمام الي تتمناه وحتى لمسات الحب الي تعشقها

اعرف كل شي عنها

وخيرها اذا تبغى تجلس معاك او الطلاق

اذا قالت تبغى تجلس معاك فلازم تنفذ شروطك انت

وقبل كدا خبرها انك ما تقدر تصبر على حركاتها وانك مليت منها وانك لو شكيت في شي واحد فحتتطلقوا على طول

واذا رضيت فهاذي بادرة خير لك

امنع اي شيء يساعدها بالوصول لما تفعله

مثل الجوال واللاب توب

ساعدها في التغلب من الامر دا وخلي اهتمامك انك تبغى صلاحها ولا تفكر بافعالها واستمتع باللحظات الجميلة

امنع الجوال والنت نهائيا منها لا في غيابك ولا بحضورك

دحين انت ملزم بها وهذا اختيارك ولازم تتحمل نتايج افعالك

حاول باصلاحها وليس بتركها

حاول تعدل من اخطائها وتحاسبها وتعاقبها لأنها من مسؤولياتك كزوج

أشبه لك الأمر وكأنك اشتريت سيارة مستعملة وفيها خرابات ولكن لازم تتعب عليها عشان تزبط معاك السيارة وكل ما جات مشكلة حلها بأسرع وقت عشان ما تخرب لك امور ثانيه

انت تحب زوجتك ولازم تصبر عليها وأتوقع انك حتتجاوز هاذي المرحلة بسرعة لأنك طيب

الحياة حلوة ولازم تعيشها بحلوها ومرها

انتبه لها ولتصرفاتها ولا تستعجل وانصحها كثير ولازم تعاقبها على اخطائها

حط في بالك الطلاق ليس حلا لأنك ممكن تتزوج من بنت أخرى وتنصدم بنفس المشكلة

لذلك انت تعرف تصرفات زوجتك وطريقة تعاملها معاك فحاول تعدلها وعيش حياتك

اذا جا البيبي حتنشغل أكثر وحتتحمل مسؤوليات أكثر وحتتغير طريقة تفكيرها كليا ولذلك لديك فرصه كبيرة في تغييرها

ولكن زي ما قلت لك ابعد عنها اي امر يساعدها في الوصول لافعالها السابقة وخليها تقاطع جميع أصدقائها اللي وصلوها للامر دا

ولا تتهاون في الامور دي

واذا اتاكدت انها عقلت فلا تفلت الامور دفعه وحده بل تدريجيا

خليها تستخدم جوالك اذا تبغى تتصل وخليها تدخل النت من لابتوبك وحبه حبه بعد شهور اعطيها الجوال ورجع لها اللاب توب ولكن بحرص تام

وزي ما قلت لك هذا اختيارك ولازم تتحمل نتايج افعالك والطلاق ليس حلا بالنسبة لحالتك لأن الموضوع ما اتطرق لشيء كبير جدا مثل نومها مع رجال آخرين وهاذي بادرة طيبة

انت مسؤول عنها وربنا حيسألك عنها

ايش حتقول لربنا ؟؟؟؟

اتزوجتها وخانتني وطلقتها ولا نصحتها ولا تعبت عشانها ولا عملت اي شيء واكتفيت بالتفكير ثم تركها وطلاقها

البنت فيها خير والحمد لله ولكن تحتاج لوقفه حازمه منك وعتاب وعقاب ومتابعة ونصح

وان شاء الله تتعدل للأفضل وعيش لحظاتك الحلوة ولا تفكر بسلبياتها والله يوفقكم

لقد قلت ما يجول في خاطري

مثل هذه المواضيع تفقدني تركيزي وقدرتي على الكتابة والتحدث

صاحب الموضوع ليس طيبا، بل هو ضحية لسذاجته وتراكمات الافكار والمبادئ الخاطئة وانقياده لعواطفه التافهة بعيدا عن الدين والعقل.

أنت تحتاج لإعادة صياغة كاملة لشخصيتك وفكرك لكي تواجه الحياة وتفهمها، وكذلك زوجتك يجب أن تقوم بإعادة تربيتها بحزم، يجب ان تعلم زوجتك جيدا أنك لست ذلك الغر الذي يذهب بمسج ويعود بمسج.

كونوا إلى الله أقرب، احضروا سويا الدروس والمحاضرات الدينية، استمعوا الى اهل العلم في القنوات الفضائية،ابدأو حياة جديدة مع طفلكما.

__________________

اه يادنيا
اذا جاتك عضوة تقول اكتشفت انه زوجي خانني
اكتشفت انه زوجي كان على علاقه سابقه مع فتاة والى الان يكلمها
زوجي يكلم بنات عالمسن

على طوووووووووووووول الحلول تكون كالاتي
شوفي ايش النقص اللي فيكِ وحاولي انك تغيري في نفسك
زوجك من النوع الجنوبي الشرقي الخريفي الربيعي الزفتي
انتِ حاولي انك تنسيه البنات وتشغلي وقته بكِ
غيري في مظهرك وفي لبسك
قومي الليل واصلي وادعيله بالهدايه



وهنا نفس القصه بس انقالت من رجال
اغلب الاعضاء ردودهم طلقها ... ماتقدر تستمر معاها والشك في قلبك
هذه بنت صايعه تكلم اولاد من قبلك


خافوا الله في ردودكم ياجماعة الخير (( كل ابن ادم خطاء وخير الخطائين التوابون ))


اخي الكريم ربك غفور رحيم ... حاول تفتح معاها صفحه جديده زي مافتحت صفحه جديده مع غيرها من البنات قبل الزواج <<< اقصد بكلامي ... اول بنت كلمتها
ادعيلها بالهدايه
وربي يهديك ويهديها

لوووووووووووول أحسن رد
يا ليت الرجال يفهمون لو شوي، أي رجل يخون فهو يعلم بأن زوجته لن ترفضه نهائيا.
بالمقابل
أي رجل يعلم بأن زوجته تخونه يعلم بأنه سيطلقها.

أحلى شيء ( شوفي ايش النقص اللي فيكِ وحاولي انك تغيري في نفسك
زوجك من النوع الجنوبي الشرقي الخريفي الربيعي الزفتي ). من جد ضحكت كثير الله يسعدك

المشكلة في مفهوم "الشرف" الذي يكون فقط مع المرأة وحينما يأتي الرجل فلا شرف ولا هم ولا يحزنون
ازعجتونا والله.

عفوا صاحب الموضوع تعليقي جانبي...

__________________

انا ما أعرف ايش الحل لاكن اعرف شي واحد ان الزوجه ما تتغير ولو مؤقت ولاتحاول تتمسك فيك لو ماتحبك بس في خلل نفسي بسبب قلة الوازع الديني او التربيه حاول تعالجها منه بالحب مره والشده والحرص مره بما انك قررت الزواج وانت عارف الحال وانشاء الله تكون سبب في اصلاحها واستعن بالله

أتفق مع هذا الرأي واختبرها عن طريق الإيميل والجوال
وانظر هل تتجاوب أم لا ؟
لا تمنع عنها النت ولا الجوال , بل اختبرها وراقبها الآن
وبعدما تعود لبيتك وتضع مولودها استمر باختبارها لفترة
حتى تستقر نفسيتك وتشعر أنك وثقت بها مجدداً .

أخي الفاضل
أنت تزوجت زوجتك وتعرفها حق المعرفه وتتحمل جزءاً من المسؤوليه
وكنت تظن أن زواجك منها سيجعلها تغلق الماضي تماما
ولكنها لم تفعل كما توقعت .
الآن هي حامل ويبدو أنها بدأت تستوعب المسؤولية على أصولها
أنت سامحتها كثيراً , وما المانع أن تسامحها مرة أخرى ؟!
زوجتك ستصبح أم , والأمومه بحد ذاتها تشعرها بعظم مسؤوليتها
لعل هذا الطفل القادم يكون سبباً في مساعدتها على ترك ماضيها
وفتح صفحة جديدة بحياتها بإذن الله .

إذا نويت الطلاق أخي العزيز .. احرص ألا يتربى طفلك معها ...
حاول أن تهددها بالفضيحـة إن اضطررت حتى تتنازل عـن الطفل إن كان ذكراً .... وإن كانت أنثى فستكون حضانتك لك بعد السبع سنيـن

وفي النهاية كـن رجلاً سواءً أقبلت بها أم طلقتها

لا حول ولا قوة الا بالله انت غلطان انك كنت طيب لدرجة السذاجة اعذري واسفة بس انت شفت اكثر من موقف مريب منها واستمريت بعدين زوجتك مو اهل للثقة والسترة خلينا نقول انها كانت صغيرة وتتسلى بس لما جد الجد وشافت حسن نيتك وصدقك المفروض تحطك على راسها في هذا الزمن قل الرجال اللي مثلك وقلت بنات الحلال والسترة ويوم شكيت فيها اول مرة كان لازم هي تتعظ وتمشي صح لانو هذة الامور مافيها مزح ماابغى احرضك بس صراحة انت طيب وتستاهل اللي تسعدك وتصونك وتحافظ عليك مو تلعب فيك تسفرها وتوديها وتجيبها وهي عقلها في مكان تاني ومتشتته هي ماتستاهل الخير اللي هي فية هذة نصيحة امراة متزوجة وجالسه تشوف لعب وتسمع لعب خيانات الازواج وزوجاتهم مايرضو فكيف خيانة الزوجة اقسى وامر

وبالنسبة للاطاله انا ماحسيت انو موضوعك طويل بالعكس قاعدة اقرا ومنسجمة ولو كان قصير ماكان عشنا وحسينا المعناة والفرص اللي قدمتها وطيبتك الزايدة وغباء زوجتك وجهلها
اسفة اذا جرحتك بس هذا راي واتوقع انو صح