مالهم امان
عشان ياخذون احلى ايامها ويجازونها على تعبها عشانهم
وانجابها لمن يحمل اسمهم بأخرى تشاركهم وتغثهم !!
لاتظلم زوجتك بسبب اهواءك .. فأنتم يامعشر الرجال بنظركم انكم
بزواجكم على زوجاتكم انكم رامبوا وسوبرمان الخارق !!
فيوم هنا ويوم هناك ليس بالامر السهل مع الايام سيدخل بقلبك الملل
وانت تنقل اغراضك مابين هنا وهناك
فالنساء سواسيه في النهايه بعد شهر العسل سيأتي البصل
فربما تتصادف دوراتهم الشهريه و تكون في نكد اذا كانت نظرتك عن الزواج
في الجسد فقط
والمرأه الثانيه ستحمل وتلد اذا شاء الله سواء بمانع او غيره مهما اخرت الامر
فمشيئه الله فوق كل شئ
والله يعينك بعدها على الطلبات لها وللعيال الجدد وبالرفاء والبنين
وزوجتك الاولى دام ماهي مقصره لاتتفاءل كثير بإنها راح تظل مثل ماهي
فالنساء جميعا تحكمهن العاطفه حتى زوجتك الثانيه
وكل شئ راح يبان بالعشره
عموما الحمدلله الذي عافانا مما ابتلاهم فيه وفضلنا على كثير من خلقه تفضيلا
ضع نفسك مكان زوجتك وستعرف الوقت الانسب لإخبارها
وتوقع رده الفعل ..
ولاتستبعد ان تقضي شهر عسلك مع اطفالك وزوجتك الجديده
وكأنك يابو زيد ماغزيت :14:
.
.
.
.

امير الحرف...وش صار معك..ماقلت كيف ناوي تقول لزوجتك خبر زواجك..؟؟

وماقلت كم عمرك...وكم طفل عندك؟؟؟مدري احس عندك 15 طفل..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

أخونا الكريم أمير الحرف أنا الحين دخلت علشان بعطيك طريقه حلوه إن شاء الله تقول لزوجتك بموضو ع زواجك إسمع يا أخي أول شئ إسهر معاها وونسها لآخر اليل وعقبها أطلب منها إنها تتوضؤن وتصلون قيام اليل مع بعض إللي تقدرون عليه أنت وياها وعقب الصلاة إجلسوا مع بعض على سجادة الصلاة وحدث عليها بالآيات القرآنية إللي تحث على الصبر عند الإبتلاء في شئ يعز على نفسك وعن الأقدار والمكاتيب لإبن آدم وقول لها أبغى أقول لك موضو ع مهم و أنتي زوجتي وأم عيالي وحقك فوق راسي وعلى خشمي وأنا صراحة أحبك ولك في قلبي منزله خاصه ومهما صار تبقين أنتي متربعة على عرش قلبي وماراح أنسى أفضالك عليه وأنتي حرمة سنعه ومافيك قصور قايمة بحقي وحق عيالي وبيتي ولا لي غناة عنك أبد وأبغاك تصلين على النبي عليه أفضل الصلاة والسلام
وتتعوذين من الشيطان الرجيم وتسمعيني بعقلك وتفهمي وش أبغى أقول أنا الله يسلمك ويطول بعمرك قررت أتزو ج وقراري هاذا مو علشان قصور فيك أو نقصان ولاكن لرغبتي في الزواج والتعدد و أنتي تراك الكل في الكل وإللي تامرين فيه أنا حاضرأي شئ يرضيك رايح أسويه وأنا ما أبغاك تسمعي بالخبر من غيري وحبيت أقول لك وأصارحك بنفسي فشوفي إللي يرضيك ويطيب خاطرك وأنا جاهز باللي تبغينه .
وأنت ياخوي أعطها فرصة تفكر في الموضوع ولو تفوهت عليك بكلام قاسي أو جار ح حاول تتحملها وتصبر عليها ترى مهما يكون الزوجه ماترضى بزوجها تشاركها فيه حرمه إلا مارحم الله وأ سأل الله بأن يربط على قلب زوجتك ويصبرها ويوفقك لما فيه من خير لك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

إحذر أخي الفاضل
لا تذكر أشخاص محددين بمثل هذه الأمور
قد تصدق زوجتك وتنقل الكلام وتصنع مشكلة لولد عمك .

الله يوفقك وعقبالنا ان شا ءالله