اخي الكريم اذا انت اللي وديتها بيت اهلها ما يصير
المطلقة تبقى ببيتها.الحين عقدت المشكلة اكثر و اكثر

__________________

صراحه يالمسداني

ما اعرف وش الحكم الشرعي في هالموضوع

اقدر ارجعها

او لازم عقد جديد

ما ادري صراحه

ما احد يقدر يلومني فأنا أعمل في قطاع الدفاع المدني وأشرف على حوادث أشوف فيها أشياء تهز البدن وتبكي القلب

فإذا رجعت للبيت وحصلت وحده بس تتذمر ولا اسمع ولاكلمه مريحه

في لحظة غضب طلقت

تقدر ترجعها بدون عقد اذا كانت طلقة وحده ، وبمجرد انك ترجعها وتجامعها تكون رجعت لك ، العقد الجديد بعد انتهاء العدة .

وبصراحة انت استعجلت في الطلاق حتى لو كنت منفعل ، وانت لم توضح ملابسات الطلاق هل حدثت مشادة قوية بينكما ؟

ممكن توضح لنا الموضوع؟؟

لانك كل مرة ياخوي تدخل وتنفجر ومدري ايشش من دون ماتجيب مستجدات او شي..

كأنك فقط تجي وتفضفض وتطلع مكنوناتك وبالقطارة

والحين راجع وتقول طلقت ومابينت شي يعني رديت تتكلم بالقطارة ..

ارجوك اهدأ اكثر..

انت من حطيت الموضوع هنا وانت دوم معصب..

اهدأ خلنا نتكلم ونتفاهم ..

انت جيت حطيت مشكلة تنتظر حل صح ؟؟

بس انت موقاعد تتجاوب مع احد بالمرة وتسوي اللي تمبي تسويه وبس..

عجل ليش طلبت المشورة ؟؟

ارد اقول لك كمن داون بليييز ..

وارجوك خليك اكثر دقة ..

بين لنا سلبيات وايجابيات زوجتك ..

وبعد سلبياتك وايجابياتك ..

وشللي حصل بالضبط ؟؟...

وخلينا نفكر شلون ترجعها البيت بحيث تكون في الرجعة حل لمشكلتك الاولى اللي طرحتها وحل لمشكلة الطلاق ..

يعني ماترجع الا وانتوا عرسان عن حق وحقيق وراضين عن بعض ولو طولت السالفة ..

موفق .

__________________
إن اليقين بكرم الله -تعالى- وحسن الظن به، من دواعي إجابة الدعاء، فقد أمرنا حين الدعاء: أن نظن أن حاجتنا بالباب.. فلنتصور مدى يقين من يرى أن حاجته بالباب، ولا يفصله عنها إلا المفتاح الصغير الذي يفتح به الأبواب الكبيرة.

واضح أن مشاكلكم أعمق من قعدتك بالبيت ....
أتوقع أنها تراكمات سابقـة ....... إذا كنت ترغب بحل المشكلة فحددها أولاً

السلام عليكم ورحمة الله وبركاته :ـ
حبيبي من وجهة نظري المتواضعة :ـ
أقترح أن تتدردش مع أحد المختصين حول موضوع زوجتك لأني أرى بين السطور أن عندها مشاكل أخرى قد يكون بحلها حل كثير من المشاكل .
أما بالنسبة للمكوث بالبيت فأنا لا أرى أن تطاوعها بالخروج لان خروجك صار ضرره أكبرمن نفعه وقعت في التدخين ... الخ
السؤال المهم الذي يجب أن تطرحه عليها في الوقت المناسب لماذا تريدين مني الخروج من البيت ؟
هل الموضوع مقنع ؟ أو أنها تأثرت بهرج الحريم .. أو السبب ثم ذكرها بهذه النعمة ( بقاءك في البيت ) والتي حرم منها وللأسف الكثير , المهم أن تعرف السبب وإذا عرف السبب بطل العجب , أعتقد أنها لن تقول لك سبب مقنع .
كيف ترد عليها ؟
جاوبها بكل دبولماسية أنا أحبك مفتون بك لا أتحمل البعد عنك ... الخ من الكلمات الجميلة التي تدخل عليها السرور .
وفي المقابل ممكن تشغل نفسك في البيت بالقراء أو نحوها فتكون موجود وغير موجود .
أتمنى لك التوفيق , والمرأة تحتاج كلام جميل يذوب قلبها , وليس بالضروه أن تطيعها بكل ما تريد , المهم الإبتسامة , الكلمة الطيبة .
أتمنى لك التوفيق .
أخوك : قلب عصفور .

رجعتها والحمدلله
ما ادري

يمكن فيها حاله نفسيه

لأنها احياناً تضربني وانا اسكت مو ضعف فيني بس تقديراً لحالتها

وأكثر الأحيانا الأكل من برا

وتنظيف البيت صارت مهمله جداً لدرجة اني انا اللي صرت انظف انا وبناتي !

توأم اعمارهم 5

الله يحفظهم واشوفهم عروسات

انا رجل من 12 سنه اعاني من آلام مااحد يدري عني واكتم هالألم عشان ما احد يعرف عني شي

واحتاج لراحه ولاني ناقص

وأنا هاليومين مصاب بضعف في الذاكره

ما اتذكر شي ما ادري وش فيني

لدرجة اني اروح للدوام يوم الجمعه وانا يوم الجمعه ما عندي دوام

اذهب لطبيب نفسي ممكن من الضغوظ النفسيه عكس على حالتك صرت مشتت ايضا النوم اذ انت من النوع الي تفكر كثير وما تاخذ وقت كافي في نوم بيصير تنسى كثير

السلام عليكم
اصلح الله امركم جميعا.....

عزيزي...انت تقول اما انك تشد عليها وتعطيها الوجه الاخر ووو.....والا ...ترجع للاستراحه والدخان والشيشه والعياذ بالله!!

يعني ترجع للمعاصي عشان حرمه!!

(استمتعوا بهن على عوجهن)....أو كما قال صلى الله عليه وسلم

لازم تكون منصف وقنوع
انت صبرت عليها واحسنت لها ما قصرت معها....ماشاء الله عليك
لاتخرب اللي سويت في يوم وليلة....طلاق مره وحده!!!

= اصلح ما بينك وبين ربك , يصلح مابينك وبين زوجك
ابدأ بنفسك, صلاتك في وقتها مع الجماعه, تقرب الى الله بالنوافل...الصيام, الصدقه....
واظب على أذكار الصباح والمساء
اعرض نفسك على طبيب مختص ولا تهمل نفسك.
واحتسب الأجر من الله في احسانك لزوجك وبناتك
ارفق بزوجتك وبناتك في هذه الفتره, لأنهن الان يعيشون صدمة الطلاق
س: هل تستعمل زوجك أدويه تؤثر على حالتها النفسيه؟

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.