اشكركم جميعا
واقدر وقفتكم الكريمة معاي ...



اخر التطورات في مشكلتي
زي ماسبق وشرحت لكم اني ضعيفة اما زعل زوجي وهومستغل هذا الشي للاسف
صرنا مثل الاغراب بالبيت هو يجلس بالصالة وانا وبالمجلس
وانا احاول اسوي نفسي عايشة حياتي طبيعي ومو مثل العادة اتضايق وماطلع وطول الوقت جالسة ماقدر ولا اتحرك

طبعا زوجي لمن قربت السفرة صار يتصلح وراح يحلق وانا مستحيل انه يتصلح لي كذا
كأنه يوم زواجنا من النظافة والاهتمام بالنفس بالله عليكم مايموت هالشي
ماعلينا.......
انا بحالي وهو بحاله انا احاول اشغل نفسي بأي شي لاني داخليا منهارة والغيرة بتموتني

انا كنت مقررة انام مع عيالي بعدين قلت في نفسي انا الحامل والتعبانة ماراح اترك غرفتي
صرت انا عادي حتى هو ينام بالغرفة
طبعا الكلام مقطوع
امس سافر الله يسامحه وانا منهارة مانمت صار لي يومين
كيف انام وانا عارفة انه زوجي رايح يخونني

مابغى اتطلق اتورط بتربية عيالي لحالي
المشكلة هو ينكر تماما انه يروح يخون
بس ادري انه يكذب
وماقدر امثل اني مصدقة
ابي حياتي تستمر معاه لازال له حب في قلبي
بس اللحين مادري ايش شعوري
ماله وصف
ياربي ساعدني

أختي أنتي تبين التعب والنكد عادي الشخص يسافر تغير جو وش فيها

وبعدين علي يحلق شي طبيعي يعني بيسافر وهو مغبر
وللمعلوميه حتي أنا لين جينا نسافر لازم أجلس أضبط نفسي هل معقوله عندي شي
وبعدين مايتضبط لك كذا هاذي مسؤليتك أنتي خليه يتضبط وشجعي

نصيحه لتخربين حياتك بيدك
وإنا بعض الظن إثم وسبحان الله الحريم أكثر أهل النار عشانهم يكفرون العشير
يعني لو يسوي لها زوجها أي شي تنسي كل إحسانه لها
وهو أبو عيالك مايصلح تقولين كذا عشانه سافر
وألحين مافيه أحد مايسافر برا

الله يهدك لنفسك بس تذكري أفكارك هاذي تتعبك أنتي
وكان من باب أولي زوجك بيسافر أحسنتي توديعه وقلتي راح أشتاق لك وراح أفقدك
وأعطيتيه أي شي وقلتي تذكرني مو تنكدين عليه وتطلبين منه مايخونك ولايشوف غيرك
الانسان ليه يسافر ليه يسوي ويسوي ويتزوج كله بحث عن السعاده لو شاف هالشي عندك ماراح يفكر
وراح يفضل يسافر معك علي أخوايه
وأنتي قلتي يصلي ولاعنده مكالمات مشبوهه
ولا خرابيط ليه تشكين من باب إيش سافر طيب شي عادي ومن حقه يسافر يغير جو

زوجك مافيه شي ولا يخون المشكله فيك أنتي مع إحترامي الشديد

__________________

خليك انتي متمسكة بالطلاق هالمرة
لا تطلبي منه يرجعك اصمدي شوي
انا متاكدة انه لو عندك شخصية قدامه ماطلقك وضعفك وعدم صبرك هو لي خلاه يضغطك من ناحية الطلاق
كلمي اهلك وصاريحيهم واجهيه ولا تخافين بس بكل هدوء وثقة لانك على صح والي يسويه يغضب الله
ضعفك هذا لن يجعله يتوب ويتراجع او حتى يقف وقفة مع نفسه ويحس انه فقذك بل دايما انتي لي تحسسينه ان الحياة بدونه ماتسوى وان ورقة ضغطك هي الطلاق
صدقيني لا الطلاق بيقلل من شائنك ولا الزواج بيرقع من قيمتك دامك تحسين انك محقورة معه

لا تخافين من الصح وكوني مؤمنة ان الله ماراح يختارلك الا الصالح سواء تطلقتي ام جلستي
لا تضيعين عمرك لاجل بس مايطلق عليك مطلقة كبري مخك وتعاملي بوعي مع الحياة
مطلقة بكرامة احسن من متزوجة ومحقورة لان رائي الناس فيك ماراح ينفعك
وانا لا احرضك على الطلاق بس اقولك عزي نفسك وكلمي كبير اهلك يتفاهم معه ولا ترجعي له الا بشروط
غيري توقعاته هالمرة خليه يحس انك مليتي وفاض بك الكيل وانك تحمين بيتك يا انه يكون قائم على رب اسرة صالح واما انهاء الموضوع مع الاحتفاظ بكرامتك
زوجك لئيم ويستغل الفوبيا لي فيك من الطلاق فكوني قوية واعلمي ان الله لن يرضيه ذلك وهوانك
ومن تعدى حدود الله فقد ظلم نفسه

من كل قلبي وفي هذا اليوم الفضيل اتمنى لك حياة سعيدة والله يفرج همك ويرفع عنك الظلم ويهدي زوجك
ويعزك ويعز بنات المسلمين

من قلبي راح ادعي لك فلا نعلم دعوة ممنا بظهر الغيب قد تغير كل شي ربك كريم ترين

لا حول ولا قوة الا بالله..

قذفتي الرجل بالزنا من غير شهود..

ترتستي مخها وعبيتيه واخر شي تقولين ما احرضك عالطلاق..

انشهد ان مزاجك عالي مره

انا صرفت نظر عن الطلاق
لاني بكون ام واب لاطفالي وهو بيروح بنبسط ويعيش حياته

وصعبة كمان لمن يرجع استقبله بالاحضان

وهو سافر واحنا بينا فتور

والله عاد ياصاحب المزاج السنع مب انت لي تحدد مزاجي
وبعدين انا ماقذفته بالزنا ولو بس تبي تشب فيني ويعجبك الهجوم
صاحبة المووضوع تقول له علاقات وهي بنفسها اكتشفت هالشى ..يعني ماجبت شى من عندي
وشدراك ان بس الزنا هي لي تغضب الله؟؟ عاد مكالمات وعلاقات غير شرعية نصير كول ولا شسالفة
يعني اذا صار في زنا وقتها نقلب الدنيا
ياعزيزي الي متزوج وله علاقات مع غير زوجاته هذا مايرضي الله
وش تفسيرك يوم دقت عليه بالشقة وردت عليها وحدة؟
ولا الي لقته بشنطة سفره وكثر سفرياته
غير كل هذا تهديده لها بالطلاق كل شوي
وطبعا انا قلت لها خليك متمسكة بالطلاق تهديد له فقط ماقلت لها سويها
وانا مقدرة ان عندها عيال وتبي تحمي بيتها الله يجزاها خير
بس لكل شى حدود بهالدنيا وهي زوجة والله كرمها ليش تذل نفسها
نبيها بس تسوي ردة فعل حتى يتوقف عن تصرفاته الغبية

وثاني مرة لاعاد تدخل بمزاجي عشان لا تعكره خلينا بصدد الموضوع

I think my words clear

لا حول ولا قوة الا بالله..

ماجبتي شي جديد.. ينطبق عليتس القول " تمخض الجبل فولد فأرا"

وكذلك المثل الصيني القديم "بعد جهد جهيد كمن فسر الماء بالماء"...

لافائده من ردك سوى انه مزيدا من التطبيل.. وتخبيب الزوجه على زوجها


الله يهديتسسس

الله يهديك انت يا خوي كلامها منطقي وانا اتفق معاها واذا شايف انو احنا الي اتهمنا الرجال ممكن سؤال وتجاوب جواب مقنع مو كتفسير الماء بالماء السؤال هو


ايش تفسررد وحده في شقه زوجها وقولها انها صاحبه زوجها

واخذ زوجها السماعه وشرشح زوجته عشانها غلطت على ست الحسن

وحده معاه في الشقه وش يسوون يصلون قيام الليل مثلا؟؟؟؟

امثلتك ترى مالها اي قيمة عندي
ولا اخيب املها الامل بالله سبحانه
والزوج الي يهين كرامة زوجته ويهينها لدرجة انها تسامح وتغفر بكل شى لمجرد انها تخاف من الطلاق هذا صعب ينقال عنه نص رجل
ولا بارك الله في اشباه رجال زي كذا
هي تبقى زوجة مكرمة ولها قدرها ومن حقها تحمي بيتها بشتى الطرق واذا بتم عمرها ساكتة وتشوف وهي تعلم انه بيطلق بيطلق الارزاق بيد الله ترى ماحدن بيجيه الا الي مقدره ربي له
وتراني لازلت اقول اني ماحرضها انا اتمنى له الهداية لاجل هالاطفال الي هي لاطالما خافت من الطلاق لاجلهم
والله يسخره لها اذا فيه خير واذا مافيه خير يعوضها خير منه

بعدين تراك تعكر مزاجي بامثلتك شى لاني ماشوف لها اي معنى لمجرد فقط الهجوم


الله يهين من يهين بنات الناس لان الدنيا دوارة

عندي سؤال
لما يرجع زوجك من السفر مباشره هل تلاحظين عليه انه مشتاق لك عاطفيا وجنسيا وبالنسبه للجنس هل لاحظتي عليه اي تغيير طبعا انتي ادرى بزوجك هل لديه رصيد وافر ام لا