صراحة انت زوج ينحط عاللراس بس للاسف انت ماقصرت بشي ودلعتها اخر دلع وبالمقابل مافي تقدير ولااحترام وانا اهنيك على صبرك وزوجتك للاسف تصرفاتها كلها غلط وانا لو اسوي زي زوجتك والله زوجي مايخليني دقيقة عنده وانا اتفق في الراي مع اخونا البليغ وزوجتك كانت مدلعة عند اهلهافكلنا اهلنا دلعونا ولما تزوجنا تدلعنا على الزوج بالمعقول مو بطريقة زوجتك الله يهديها لك وتحياتي

والله يابنت الحلال هي عارفة وكم مره قلت لها ترى لو اسوي الشي الي سويته فيك مع وحدة غيرك والله ان تعبدني بس انتي ماتحسسيني اني صدق اتعب عشانك وماقصر معك دايم تكابرين وانا ماحب الي ينكر المعروف

والحمد الله عارف اني لو بتزوج ثانيه ماراح اقصر معها لان هذا طبعي حتى لو احرم نفسي بس اهم شي ماحد يشوفني مقصر

والزواج هو الحل الاخير عندي بعد ماجرب الطريقة حقت اخونا البليغ

الله يعينك عليها بس على كل الي سوته احسهاااا مسكينه باقي بزر مدري وشلون امها خلتها تعرس بهالسن
البنت كانت راعيت سوالف وضحك ووناسه بالمدرسه وبالبيت متعوده اكله ومرعى وقلة صنعى
دخلت على الحيااه الزوجيه بالغلط مو فاهمه شي ماهي راعية مسؤليه
واامك ماشالله ماقصرت تاكلها وتشربها كل يووم وانت بعد على كل زعله سفره
وشلون ماتبونها تتدلع وتتمرد عليكم اصبر عليها ربها من جديد جيبها باسلووب
اخوناا البليغ ماقصر سو الي قالك عليه حاول معها مره مرتين ثلاث الف
يمكن ربي يهديهااا
وانا اشوووف فكرررة الطلااق تأجلها إليييين تسوي معها كل الطررررق حتى ماتحس انت بتأنيييب الضميير
وهي اكيييييد راح تندم قد شعر راسها لانها مابتلاقي واحد يدلعها ويسوي فيها نفس الي انت سويته
الله يصلحهااا ويلين قلبها على الصلاهـ يارب~

اول شئ بالنسبة للكلام اللي يصدر من زوجتك لا تصدقه ,,, يعني لا قالت لك خذ ولدتك فضلتك مابغاه اذا طلقتني ...تراه مو من قلبه .. مجرد استفزاز لك والا لاجاء الواقع والصدق ماراح تفرط به ..
او اذا تزوجت بتكون زوجتك فاسدة وراعيه خرابيط ,, وانا احسن البنات .... وغيره من هالكلام
صدقني هي مقتنعه باخطاء نفسها من جواته ,, لكن تكابر قدامك وبما انك تستفزه اكيد بتكون الردود من هالنوع ..

هذولي الحريم يجدعن هرج وقت الزعل ,, بس لا جاء الواقع غير خصوصا كلمة طلقني يقولنه وهن زعلانات ولا بالقلب ماتبي الطلاق

زوجتك من النوع المكابر وبقوه ,,, تجيها بالعناد تعاند زيادة
ترفع صوتك عليها بترفع صوتها عليك ... تستفزها بالكلام اكيد بستفزك بالكلام
وما فيه اشد من كلمة بتزوج عليك ,,والله بقوه بقووووه الكلمة تستفز وتقهر صراحه
ولا وتكمل عليها يتزوج واحرق قلبك وبعدين اطلقك ..... وش اقسى من الكلمات هذي ياخي ..

الغلطة الثانيه ///
وما ادراك مالغلطة الثانيه ,,
تعلم امك واهلك باخطاء زوجتك وتقصيرها .. عيييييييييييب عيييييب
والله العظيم حاجه ترفع الضغط ..
لو معلم اهلها امها وابوها يتصرفون اهون مليون مره من ان اهلك يدرون .... والله يا هي فشيله بقوه

تسوي حركات استفزاز ما بعده استفزاز,,, والله ما ستفدت من هالتصرف الا بلادة الاحساس والعناد

اام 18 بزر وعقلها صغير بالغالب ...

جرب اسلوب الاحراج /
بمعنى وانت مثلا جالس عند اهلك انت واياه , وجه الخطاب لامك او ابوك امدحها قدامهم ... والله يايمه ما فيه احسن من ام فلان البيت مرتبته ونظيف ويلمع ويفتح النفس واهتمام بالبيت ماشاء الله تبارك الله ..وطربق من هالكلام
حتى لو كان البيت ياربي لك الحمد
هي بتفشل وبتنحرج وبتدى تنظف ...
ادخل البيت وجب معك ورده وعطه اياه وقل لها يا سلااااام على البيت الروعه وعلى النظافه والروائح الزكيه حتى لو البيت كان قذر ..
احرجها باسلوبك الطيب ..
واستمر على موال المدح ..
سؤال / تقول انها تنام ولا تصحى الا الساعة 12 بالليل .... طيب وش تسوي بهالوقت ؟؟؟
مو يمديها ترتب وتنظف ...

طبعا انت مشيت باسلوب الحزم والشده مع البليغ ...كمل معه الله لايهينك

مع اني احسك كارهها ومتحامل عليها لدرجة تندمت على سفراتك معها ... لا ياخي مو لهدرجه ..
سفرة اوروبا اكيد هدفك تسعد نفسك وتونسها معها ... يعني سفره وناسه لكم يالاثنين
مو سفره وناسه لحالها علشان تندم كثر شعر راسك ..بالعربي مانن عليها ومتندم على معروفك معها

طالما تزوجت بزر خل عندك سعة صدر وطولة باااااال لين خط الاستواء ..

يااختي العزيزة اصيلة
بالنسبة للاخطاء انا ماعلمت اهلي قبل مااعلم اهلها وامها عندها خبر بكل مشاكلنا في البيت وكل مره لما اوديها لها يكون رد امها خلها لين تعلمها الليالي يعني كلام فاضي حتى قلت لها عن الصلاة وتقول انا اشوفها تصلي عندي مادري تغطي عليها مادري وش قصتها!!

وبصراحه تعبت من اهلها ماعندهم حل ابد لاني بصراحه انا اشوف بيوتهم مافيها ترتيب اصلا حتى دورات المياة وانتم كرامة لي سنتين اجيب مناديلي معي ماعمرهم حطو فيها مناديل ولا مناشب مادري وش قصتهم

بالنسبة للدلع هي انسانة تبي الدلع وكم مره قالت لي الموضوع هذا انت ليه ماتدلعني طبعاً غير السفريات والتمشيات تقصد دلع من نوع ثاني،،،
بكل بساطة كان ردي كالاتي:

انا يوم قررت اني ادخل قفص الزوجية كنت اتوقع اني لما ادلع زوجتي اكيد بتدلعني بس للاسف انصدمت من الواقع وقلت انا يابنت الحلال ماعمري تدلعت من يوم اني كبر اصبع رجلي الصغير ولا عرفت الدلع وتزوجت ابي انسانة تدلعني وترعاني وتحسسني بالدلع وللاسف اشوفك انتي الي تبين الدلع عقب الي اسويه لك كله!!

طبعاً انا صرت اعطي كاش عقب ماكان ماينفع معها الرسايل والايميلات الي توضح عيوبها
وقلت لها يابنت الحلال ترى انتي فيك اشياء في جسمك ماتنتبهي ولا مادري وش قصتك انا من النوع الي اتقزز خاصة لما تشوف اشياء في الرجل موجودة في المرأة ولا ابي اشوفها مره ثانيه وللاسف كل فترة احصل شي مقزز في جسمها لما اخر مره قلت انا صراحه احس اني عايش مع صديقي ماكني متزوج وش هذا استحي على وجهك متزوجه وماتشوفين جسمك !!!!

ولا احد يقولي ناقصها شي لان الموضوع هذا خاصة تعبت معها فيه وكم مره اعطيها فلوس عشان تشتري الكريمات وخرابيط الحريم الي تضبط فيها عمرها والى الان ولدي عمره سنة و6 شهور وهي لاشرت ولا شي والعذر معروف انت اذا عطيتني فلوس اكون محتاجة اشياء واشتري فيها قلت يعني يهمك المظهر الخارجي للناس وانا المظهر الداخلي لي بالطقاق !!!

بس للاسف فصرت من النوع الي عااااااااااااااااااااادي حتى لو صارت تلبس ماتلبس جاني تبلد احساس من الي قززني في جسمها

وبالنسبة لرفعة الصوت مني طبعاً انا اتكلم بالهدواة في البداية بس تستفزني بكلمة او بمقارنة احد اضطر ارفع صوتي لان الناس الي تقارني فيهم والله ياجماعة ماسوو الي سويته فمن الطبيعي ارفع صوتي عليها لانها قليلة ادب ولنفرض جدلاً اني ارفع الصوت المفروض انها ماترفع صوتها على رجلها لان الشي هذا عيييييييييييييييييييييييييييييييييييييييب والي تسويه تعتبر عوبا ولسانها متبري منها

انا فعلاً متحامل عليها وصرت ماأطيق شي فيها وبالفعل صارت في البيت عندي مثل صديقي ولا اميل لها اي ميول جنسي حتى ولا طرى في بالي عقب الي شفته منها ونصحتها وكلمتها بس الى الان كنك يابو زيد ماغزيت

انا بمشي على طريقة اخوي البليغ وبطبق الي قاله مع بعض الاضافات من عندي وعسى قلبي يلين لها بعد هي ماخلاص كرهتني حتى اني انام مع اي أمراءة كله خوف اني اشوف شي اتقزز منه مثل ماشوف منها

ما هو جديدك؟

ارسلت لي ايميل تقول ليتني متزوجة واحد من عيال عمي على بالي ان ولد الخالة بيطلع ديمقراطي تقصدني انا وللاسف طلع غير وماله كلمة مره اروح الجامعة ومره مااروح تبي تحرمني من طموحاتي وامالي بس ماراح تقدر تحرمني لانها بكملها عند اهلي ولا تحسب اني ساكتة خوف وسويت لك فطورك اليوم ضعف بس مابي مشاكل ( هذا الي طلع منها اليوم بأيميل )

انا رديت عليها وقلت اسمعي الكلام لاني ماراح اعيده صلاة ، تنظيف، ترتيب ، طبخ ، ولدي ، رفع صوت مابي وكلام وصخ مابي واسوي لك الي تبين وانهيت المحادثة ولا صار شي لاني في الدوام الحين.

طبعاً فيه خطة ان عرضت علي الي يجيها مكالمة من احد يقول لها اني اخطب واحس راح يكون لها دور فعال بس مابعد فكرت فيها صح

الشي الثاني والي قاعد اسوي طبعت اوراق مجدولة فيها الايام وبعلق على كل غرفة والمطبخ ورقة وكل يوم بمر عليها الشي الزين صح والشي الغلط بحط عليه غلط عشان بعد شهر من الحين ابي احصر وش سوت هي ولا اكون ظالمها

*اسمع يا عزيزي: لا ترد على رسائلها التي تحمل طابع العصبية والتوتر، وتجاهلها، وإن كان بها كلاماً حارقاً..فقط احتفظ بها.
*لا تدخل في مواضيع الخطبة الآن، وانتظر؛ لأننا نريد الأمور خطوة خطوة، ولا نريد ظلم أحد.
*الأوراق المجدولة فكرة جيدة، لكن لا تجعلها في المطبخ، ولا تجعلها تراها، حتى لا تحطمها أو تحطم تقدمها، وإنما اجعلها معك، وقيم الأمور بينك وبين نفسك بعد شهر من الآن.

بالنسبة للاوراق اذا ماشفتها قدام عيني انسى عشان كذا مفكر في كل غرفة اعلق وحدة عشان نهاية اليوم اشوف وش سوت واذا اخفيتها عندها اتوقع اني بسويها يومين وبعدها بنسى مالحل؟

ضع الأوراق في سيارتك، وبعض الأحيان خذها معك للبيت، وقيّم أمورك ومقدار التقدم الحاصل.
المهم أن تستمر على الأسلوب الجديد حتى نرى.