اها ,,يعني عزيزتي قصدك , الحفاظ على المال , حماية للمستقبل
كونك تتصرفين بالمال و تحافظين , عليه أكثر من زوجك
ليس خوفا من غدره بك ,,
,,,,
أنا فقط يكسرون خاطري من يستغلون الراتب كاملا و يعتبرونه بدل تعويض
لذا شرط العمل بعقد الزواج,بات مطلب لمن تخاف
حتى يبان المرج

__________________

نعم غاليتي مثل ماقلت لك وكمان غدر الزمن اخاف منه
وليش لا هذا الوقت والزمان متقلب يمكن لا سمح الله الزوج يتغير فجأة وينقلب على زوجته واهل بيته ويمكن يكون بأسباب خارجة عن ارادته هو يعني غصب عنه فا الحذر واجب علشان ما اضيع انا واولادي وهو كمان .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي ردودك تجنن وضحكتني
واتمنى البنات الموظفات يأخذون برأيك في أشتراط الوظيفة بعقد الزواج وإن راتبها لها

لأن للأسف بعض الرجال إذا ما أشترطتي الوظيفة وما أعطيتيه الصرافة وراتبك
يمنعك من العمل

هذا الشي معروف وتستطيعين سؤال اي من المشايخ او البحث في الانترنت عن حق الزوج في منع زوجته من العمل سواء كان العمل حادث قبل الزواج او بعده الا في حالة اشتراط الزوجة العمل ويكون هذا الشرط مكتوبا في عقد الزواج وان رغب الزوج بمنعها من العمل بوجود شرط مكتوب تستطيع ان تطلب الطلاق للضرر .

الخلوقة
جمانة أشوف كلامك صحيح مرة..
بس كثير أقرأ
إن الرجل يستمتع لما ينفق على زوجته
يحس بقوامته عليها وأنه مسؤول عنها وإنها أقل منه الخلاصة يشعر بشعور حلو
هل الكلام صحيح؟

عندي احساس فيه رجال يقولون لا مو صحيح فكننا

طبعاً صح
يعني أنا ما أطلب منه ريال بس مخليته يقوم بالنفقة كاملة
لأن فيه موظفات تروح هي وتتقضى مقاضي المطبخ وتدفع عنه الإيجار
وتشتري له سيارة وتسدد فواتير الماء والكهرباء هذي إلي تخلي الرجال
مايحس بقوامته ببيته وتخليه يحس أنه محتاج زوجة ينفق عليها دام هذي
مستغنيه عنه
((هذا المقصود من أن الرجل لازم تحسسينه بقوامته وحاجتك له))

أما كل ماشافت وجهه ومدت يدها هات وأعطيني وهي عندها مرتب أحلف حلف
إن الرجال بيحتقرها وبيكرها وبيحس أنه متزوج وحدة قليلة ذوق

يعني عندك راتب وربي منعم عليكِ فليش تروحين تمدين يدك لزوجك
وهو قايم بما يجب عليه عشان تستغلينه وتنتفينه لآخر الشهر ..؟؟
الحياة بنظري تعاون
ولازم نمسك العصا من النص لانصير أغبياء ونسلمهم الخيط والمخيط
ولانصير نسرات ونطفشهم بحياتهم
نتعامل معهم بإنصاف حتى يتعاملوا معنا بإنصاف

والتعاون في الحياة الزوجية من الأمور إلي أهتم فيها
وإذا الزوج فيه خير ويستاهل فليش لا

وماجزاء الإحسان إلا الإحسان

أوكيه اللي يبغى زوجته تعمل و تساعده
يساعدها هو في الغسيل و التنظيف و الطبخ ...
و يساعدها في الحمل و الولادة و الرضاعة و مقابلة الاطفال
ههه فيه أمور عقليا ما تجئ ...
مهما اشتغلت الزوجة و تركت البيت تبقي أمور كثيرة في الحياة الزوجية
هي اللي تقوم فيها لا زوجها و لا الشغاله ممكن يدون دورها ...
ياما موظفات يداومون حوامل و تعب و جهد و ياما موظفات تجيب أطفالها معها
حتى لو رضيع عشان رضاعته ..

و فوق هذا تصرف على نفسها و أولادها لان ما فيه ام تبخل على أولادها
و فوق هذا اذا رجعت احيانا تطبخ لان سي السيد ما يأكل من برا و لا من الشغاله
و كل هذا يحط عينه على مرتبها ؟؟؟؟؟؟ قمة الدناءة بصراحة

فالزوج على باله ان زوجته تروح وظيفتها وهي مثله لا هم و لا الم و لا تعب جسدي
و لا مزاج متقلب من العوارض الشهرية الجسدية ..
و يبغى فلوسها ... عييييب

و اذا ما تبغاها تشتغل انت مكلف بان تعيشها بمستوى يحقق لها الحياة الكريمة المريحة
و ان كانت ممن تُخدم في بيت و الدها فانت مكلف بان تحضر لها خادمه ..
" نقلا عن ابن تيميه في الفتاوى "

بو عبدالله الله يبارك فيك ولكن الله يسامحك على الاقل وأنت تكتب ما تذكر أبنائك , لا تتذكر لها جميل طول العشر سنين هذه مستحيييل بصراحه ؟؟؟

أخي الكريم احترها على الاقل من باب العشره اللي من بينكم وأنها أم لابنائك

اسمحيلي أخي الكريم طريقتك في الكتابه عنها غير لائقه أبداً

__________________

أخي الكريم

أعرف أن الزوج من حقه ألا تخرج المرأة إلا بأذنه..
لكن هل نسمي استئذانه ,,تنازل عن حقه !!و عن الوقت الضائع في تواجدها بالمنزل!!
نعرف أن خدمة البيت ليس واجبة (شرعا) بحي تذنب المرأة لو لم تقم بها على الوجه المطلوب
نعم المسألة مسألة خلاف بين عرف المجتمع و من تعودت الخدمة وعكسها
,لكن هل نسمي
كل خروج للزوجة باستئذان زوجها ,,,تنازل عن حق؟
بغض النظر كانت موظفة أو عاملة
هي لو خرجت بغير اذنه ,هنا تجاوزت حقه..
لكن بأذنه لا شيء عليها ,,
,,,
أما أن نعامل الموظفة , كعامل في المنزل له ساعات عمل خدمة بالمنزل
و بخروجها تكون استقطعت من عملها الواجب في الخدمة و عليها التعويض
فهذا كلام جديد
لأنه حتى ربة المنزل , قد تهمل
فهل المسالة تعويض اهمال غير واجب شرعا أو تعويض تواجد؟



,,,,

,,

,

__________________

أنا من وجهة نظري الرجال مايستاهل قرش واحد انتوا ماتشوفون غدرهم وخيانتهم وزواجاتهم كلهم زي بعض يحبون الحريم والواحد وده ياخذ اربع مو بس ثنتين هو الرجال غبي اصلا يعني وين بيروح راتبها مو لها مو لعيالها مو لتزيين بيتها مو لبيت العمر يعني انت ماستفدت مو المفروض ذي كلها تدفعها انت الله لايهينك بصراحه انا احتقررررررررررررررررر جدا الرجال اللي ياخذ راتبها وين الرجوله بالله ياخي استح على دمك اخجل من شواربك تشحت من حرمه وعلى ايش القوامه ووش فرقت عن الحريم يوم يشحتون من رجالهم الله لايبتلينا وش ذي المرجله وععع
ياحريم ربوا عيالكم من الان على عزة النفس خليه عزيز شامخ راسه فوق دايما مو زيه زي الحريم مغير اعطني وجبلي *

والله شوفوا

انا زوجتي اول ما تزوجتها كانت في الجامعة وكنت اوديها وارجعها للبيت بنفسي سنة كامله الصبح 6 ونص اوديها وارجعها الظهر وارجع للدوام وارجع البيت العصر الى ما تخرجت وقفت معاها مع انها كانت طفشانه وتبي تبطل

توظفت على بند مقر عملها في شمال الرياض وانا اداوم في شركة عند ارامكوا طريق الخرج وساكنين في غرب الرياض

اول اصحى 9 الصبح واروح الدوام واطلع 5 العصر

لما داومت على بند بعقد 6 شهور صرت اصحى علشان خاطرها من 6 ونص علشان اوديها لعملها ثم ارجع لدوامي بآخر الدنيا

ثم ترجع مع سواق اهلها للبيت لأني ما اقدر اطلع ارجعها ولو اقدر ماقالت بريح زوجي ما يصير اطلعه من دوامه بآخر الدنيا يرجعني يكفي وداني لا لا على قولة بعض الحريم نتفيه نتفي ريشه تنتييييييييييييف بس لأن الادارة تغيرت وماعاد يسمحون بالطلعات الظهر بلا زوجتي بلا عيالي جب لهم سواق

وتطلب سواق

بالعقل 6 شهور تداومين ماخذت منك ريال واحد + مصروفك ماشي + ماتدفعين ريال في مسؤولية الأولاد + ماتدفعين ريال في مصاريف البيت + الطبخ يومين بالأسبوع و5 أيام اكل من برا + صابر ومحتسب علشان هالأطفال مابي أشتتهم .

طيب الآن زوجتي الكريمة ترسمت وبتداوم بعد شهر اتوقع مع الترسيم الأأخير

اللي يقولون هي مو ملزومه تأدي خدمات متعارف عليها بالمجتمع والطبخ والتنظيف مو واجبه ومحل خلاف ( انا معاكم ) وموافق

لكن انا ايضاً لست بملزوم أني اوديها تدبر لها سواق او خلها تغيب الى ما تنفصل

المشكلة النساء ناقصات عقل اقول لزوجتي تعبت من هالمشاوير والله مافيني حيل وندور لها على سواق

جابت لي رقم تلفون تقول هذا سواق يودي بنات كلمته الا وطلع من الجنسية الشادية

قابلته الا ماعجبني شكله كأنه حق مخدرات وصرفته قلت لا خلاص بنجيب سائق خاص

زعلت المدام وتهاوش وترفع صوتها ما ادري شلون لحقني وعرف بيتنا يومين الا وهو طاب علينا بالبيت لقيناه بالحوش وانحاش

بالله هل من المعقول ارسل زوجتي مع سائق غريب منزل اعلان بصفحة معلقها في كل شارع ؟؟؟؟

لو اطعت زوجتي يومها وطلع بها على شمال الرياض وصد فيها واغتصبها من الملام ؟؟؟ اكيد انا ليه تخليها تروح معاه

خلاص نصبر ونتحمل ونحتسب الأجر من رب العالمين

مانبي غدا ولا نبي تنظيف بيت << اصلا العزوبي هذا حاله وعادي ينام لو على الارض ماتفرق معانا

مانبي غسيل ملابس الله يخلي المغاسل <<<< نفس الشئ عزوبي

مانبي من رواتبكم شئ <<< الله يخليها لكم ويزيدها وتصيرين مليونيره ماتفرق مانبي منكم ريال

مانبي الا شئ واحد فلذات اكبادنا اللي اذا رجعنا من العمل يستقبلونك عند باب الدرج يناقزون بابا جا بابا جا

هذي تسوى الدنيا كلها طبعاً بس الأطفال يستقبلون ابوهم الأم جالسة عند التلفزيون تتفرج على فاطمة او الأوراق المتساقطة

ولازم انت تمر عليها تسلم ولو ما جيت تسلم ورحت الغرفة تبدل على طول ياويلك انت ما تحبني انت تغيرت وانت مدري وش فيك

الله يصبرنا على ما ابتلانا لأجل عين تكرم مدينة