ماشاء الله تبارك الله طلعوا عندنا خبراء في العود والبخور

سيدة الموقف وشقردية مشكورين على المعلومات القيمة

صراحة انا اشوف شكله عود اخليه يجربه لي البائع واشتري وامشي من العربية للعود وريحته ماعليها زينه بس توني ادري ان العود درجات كنت احسبه كله نوع واحد اللي هو الكمبودي

وشكل العود اللي في محلات العربية قريب جدا من اللي في الصورة اللي منزلها اخونا الفاضل متفائل
اللي اشتريه انا من العربية يشبه اللي في الصورة بالشكل لاكن الرائحة الله العالم


المهم مشكورين على المعلومات المفيدة بس انا مستغربة ليش الهنود مايبيعوا ويشتروا في العود البخور الأصلي وهم عارفين انه مرغوب ومطلوب عندنا وياكثرهم الهنود في الخليج وكمان لما يجيبوه من الهند بيكون رخيص عليهم لأنه مصدره من بلدهم
واحنا جيرانهم واصدقائهم اولى من الغرب اللي يصدروه لهم


الأخ الفاضل المتفائل لك جزيل الشكر على تعبك ومجهودك اللي بذلته بهذا الخصوص والله يجزاك خير

بالنسبة للعطور اللي انت منزل صورها انا ماجربت منها الا شانيل

وصراحة ريحته حلوه وطيبه وانا انصح فيه انا من يوم عرفته ماعاد تركته وهو عطري المفضل بالنسبة للعطور الثانية ان شاء الله بجربها هي وعطور شقرديه

ومشكورين والله يجزاكم خير انتم وصاحب الموضوع بصراحة استفدنا منه كثير الله يبارك فيكم جميع .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

طيب أخوي المتفائل وين نلقى العود الأزرق ؟
وشو نقول للبايع لما بنشتريه ..

__________________
الحمدلله الذي بنعمته تتم الصالحات

عطر اجنر روووعه نسائي ورجالي بنفس الوقت جربوه
http://www.bfg-global.com/portal/mag...Imagesdfds.jpg


فيه عطر شريته زمااااان يمكن قبل ثلاث سنوات
لكن عجزت احفظ اسمه وخاطري اشتريه مره ثانيه
لونه احمر وعليه زخرفه باللون الذهبي وشكله شبه قلب
اللي عنده خبر فيه يدلني وجزاكم الله خير

بنت الحكمي
مشكورة على الدعاء الطيب ، جربي باقي العطور لما تروحين السوق وبتدعيلي إن شاء الله.

فاكهة الشتاء
إذا انتي من الكويت ممكن أدلج على محل بسوق المباركية
لكن إذا انتي بالسعودية ما اقدر افيدج ، بس ممكن تروحين عبدالصمد القرشي أعتقد تلقين.

قوليلة أبي عود أزرق أصلي "طبيعي" غير صناعي (هندي وإلا كمبودي أو ماليزي)
الأفضل الهندي .

وللمعلومية المحل اللي أشتري منة البخور خبير في العود وضليع جداً لدرجة أن فيه ناس يجونة ويجيبون له العود ويفحصة لهم إذا أصلي وإلا لا ، وبعدين إذا بتشترين منة بخور يجيبلج جزء من الشجرة ( ك جزء من ساق الشجرة مثلاً ) ويكسرها قدامك ويبردها ، وهذا أكبر دليل أنها أصلية مو مصنعة.

__________________
استغفر الله واتوب إليه

__________________
الحمدلله الذي بنعمته تتم الصالحات

هلا بأختي فاكهة الشتاء

بالنسبة لأسم المحل :الخزامي
المكان : سوق المباركية ، مقابل عبدالصمد القرشي (على اليمين)

وفيه محل : العفاسي
المكان : المباركية

لاتنسين تسئلين عن العود الهندي (السيوفي) المعتق.

ومادري إذا لهم فروع بالسعودية والا لا وبالنسبة حق الإمارات والله ماعرف فيها ، يمكن أخوانا اللي من الأمارات هنا يفيدونج.

وموفقة خير يارب.

__________________
استغفر الله واتوب إليه

اخوي المتفائل بالله
الله يوفقك ويسعدك ويسهل امرك ويعطيك فوق ماتتمنا ويرزقك من واسع فضله
ويصلح لك عيالك ويرزقك الفردوس الاعلى ووالديك
والله استفدنا كثير من توجيهاتك بالعود وغيره بس عندي سوالين
اولا ممكن صوره مرش العقل والشماغ اذا مافيه كلافه عليك

ثانيا وش رايك بعطورات بسام القاسم

__________________
سبحان الله وبحمده

ريفان
مشكورة الله يجزاج خير على هالدعاء الطيب ، والله فرحت من كل قلبي بدعائج
اسئل الله ان يعطيج بالمثل واحسن بعد
أدعيلي أن ربي يرزقني بأولاد

شوفي يا اختي
انا الحين مداوم ، بس ارد البيت ، اصورلج المرشات الخاصة بالغتر والشمغ وأنزلهم اهنيه ، إذا مو الصباح لما أقعد العصر إن شاء الله .

مشكورة على الدعاء وجزاج الله خير

__________________
استغفر الله واتوب إليه

انا مهوووسة بالعطور اعشقها بجنون وعطرblack xs عطري المفضل واموت في ريحته
وانصحكم بعطرفلورا من قوتشي شئ خيااااال والكل بيسااالك عنه
وبالنسبة لعطورات شانيل حبيت شانز لكن كوكوشانيل مادخل مزاجي
وفيه عطرchالاحمريجنن وريحته مرة رايقة حتى الرجالي منه جدا رائع
وفيه عطر مس ديورخطيييرهالعطروريحته مميزة وجذابة
وسلامتكم
واذاتذكرت عطورات ثانية لي رجعة>>>>اوووخص يالخبرة

السلام عليكم ورحمة الله تعالى وبركاته
أسف على التأخير ، توني صاحي من النوم

هو المرش الكبير اللي بالأخير، وفيه منة أحجام إبتداءً من 100 مل
انا اخذ 500 عشان يطول معاي ، وجمبة (ع اليسار) كذلك شوية خلطات عادية أستخدمهم بعد للغتر والشمغ ، اما العقال ف عطرة هو دهن العود الخالص ويفضل أستخدام فرشة لتوزيع العود علية بشكل افضل .



وهاذي صورة تقريبية له ، ورسمة الشماغ واضحة علية
وهو يصلح لإستخدامات كثيرة ، لاي نوع من القماش
وفيه انواع كثيرة من الروايح ، هالمرش هذا بريحة العود.





بالنسبة لسؤالج عن عطورات بسام القسام
والله ماعرفة بس اذا عطوراتة عربية لاتاخذين منة الأفضل تاخذين فرنسي معتمد.

كل الإحترام.

__________________
استغفر الله واتوب إليه