الله يقويك اختي الكريمة،،،الله يقويك،،،الله يقويك،،،

اقترح ان تفتحي موضوعا في قسم ساعدني باسم الأخ البليغ،،،

فسبحان الله ،،،الله منعم عليه بحكمة و أسلوب في حل مثل هذه المشاكل،،،

و اوافق الاخوة المتفائل و سر الحياة،،،والدك رجل فاضل ما شاء الله،،،

و والدتك نعم السيدة العاقلة،،،

ربي يديمهم تاج فوق راسك،،،

خلي أملك بالله كبير ،،و الله الله بالثقة بالنفس،،،

احنا معاكي باذن الله حتى نشوفك مرتاحة،،

__________________
يا ربي هدي سري و حققلي حلمي..

أختكم السفيرة لمو

اشكركن خووواتي سر الحياة والسفيرة لمو...شكر من أعماااق قلبي

أحس ببياض ونقاء قلوبكن..وحبكن للغيير..

واشكركم ع دعائكم لوالدي حفظهم ربي..وحفظ من كان حي من والديكم ورحم من كان
ميتا منهم..

واشكركن لدعمكن لي....فياااارب أسعد ووفق من أراد لي السعادة والتوفيق..
اللهم اجمعنا في جناتك جنات النعيم...

بارك الله فيك أخي..وكثر من أمثالك.. ووفقك لما تحبه وترضاه..
وأشكرك لتفاعلك معي.. أخي المتفائل..


تأكد تماما ياأخي انني جربت كل الطرق..هو لايريد اصلن ان يتغير
حتى أذكر مره من المرات..من كثر ماأحاول أوصل إليه..كان ع الابتوب








ليلآ..حاورته..تكلمت معه..قلت لو سمحت ابتكلم معك بس شوي..
قال وجهه معبس ..اخلصي وش تبين بنبره حاده..قلت بس ابي اعرف
انا مقصره معك بشيء..قال لا..قلت احلف..قال والله والله والله ثلاث
مرات انك منتي مقصره..قلت طيب تمااام..
أجل وش سالفتك ..ليه تعاملني كذا ..شاطفني.وماتحمل كلمه مني.
و..و....
قااااال قومي عني..أنا كذا بكيفي..عاجبك موعاجبك طسي بيت أهلك.
وقمت وخليته..


يعني باختصار ياخوي هو عاجبه وضعه..ياكل يشرب ينام يخون..
وانا فقط اربي له عياله...

يعني مستحييييييييييل ياخوي يد وحده تصفق...
هو مايبي يكووون معاااي شررريك...


ماذكر ولا مره قااالي انا احب كذا وأكره كذا والموقف الفلاني كذا
تدري ليييييه...لانه خلاااص مشبع سواالف وضحك مع الخائنات..
ماراح يأنبه ضميره فيني..خلاص وش تبي اصرف عليها وع العيال وبس
ووناااااستي مع عشيقاااتي..فالوضع هذا معجبه هو..
ﻷن العشيقاااات مااراح تقوله حبيبي قم صل...حبيبي جب اغراض للبيت
جب أغراض للعياال...
فمعتبرهن هو من نفسه انهن مصدر وناسه وضحك
وانا مصدر طلبات ونكد...
ببالك تبي تقوول ..مالومه لانك بس طلبات واغراض للبيت..
اخووووي تاكد اني ماقصرت معه بالكلام الطيب والزين واللين
هو بزعمه اذا قلت له كلام حلو اني ابجيب رااسه..مايخليني
حتى أكمل معاه يقطع السااالفه ع طول..
مايبي أنا أثر فيه....طيب وشلون اجيب راسه اذا ماسمعته كلام حلو
ولا نفذة اوامره او تزينة له....غريب امره..
حتى مايبني افهمه....

وانا ياأخوي علشان اعيش لنفسي وعيالي ونسوي اللي يبسطنا..
كل شي سوويته طلعات زيارات للاقارب..حتى دخلت تحفيظ قراان
انا وابنائي..طبعا الطلعات والزيارات مع اهلي لانهم هم مصدر سعادتي
لكن بمجرد ان نرجع للبيت نرجع للواااقع الاليييم...

يعني أساااااس السعاااده الحقيقه تكووون من البيت..


أما بالنسبه لأوضااعي الحااليه..كما هي..لم يتغير شي..واهله..ماتغير شي
كما هم...بالنسبه لاهلي لايعلمون شي..

بالنسبه لاعمار ابنائي..
الكبيره عمرها 13
الاصغر عمره 11
والاصغر سنه

ودمتم برعااااية الله...وشكرن لكم

مساء الخير أخواني أخواتي...

عدت اليكم من جديد..وكلي ألم وحزن ع حياتي..أحس نفسي مكبله بالحديد

ومحتاره جدن..وايضا متردده..لااعلم لمااااذا..كل هذا التردد..

هل خوف من الطلاق...او من المجهول..او حرماني من اطفالي..حقآ لااعلم

لم استطع ان افتح الموضوع مع والدي..شي يمنعني..هل هو..ردة فعله المعتاده

ان يوصيني بالصبر..لاأعلم..

المهم انا تعبت وبودي ان أجمع شتات نفسي..واقوي نفسي واعيد الثقه بنفسب

وابنائي..

..كيف اعزز الثقه بابنائي وانسيهم عنف أسرتهم.. ربي اني مغلوب فانتصر..

http://www.66n.com/forums/showthread.php?t=247769

اعانك الله و يسر امورك بما فيه خير لك

تم دمج الموضوعين لترابط المحتوى
h

__________________

كم اعمار ابنائك ؟
اولاد ولا بنات ؟