زوجك حبيب وذوق ومحترم جدًا ماشاء الله تبارك الله

شوفي موضوعك بزاويته ونظرته كرجل لاتشوفينها بنظرة نسائية بحتة

لأنك لو شفتيها كذا بصير معك نفس تفكيرك لكن بنظرة زوجك هو مبسوط ومفتخر

وبنفس الوقت خايف منك ومن زعلك وجالس يحاول يوازن بين رغباته وبينك

يعني هو مسكين تخيلي لو كنتي مكانه لأبسط الأشياء العفوية بحياتك تشيلين همها وكيف تقدرين عليها

وشوفي بعد علاقتك مع أخوانك كيف تمونين عليهم هو كذا يمون عليهم ويبي يسوي اللي يرتاح له بطريقته

خذيها مني نصيحة أي شي لجهة أهله خليه يسويه مثل مايبي ترى هم يعرفونه أكثر منك

وبصمتك في بيتك وأكلك راح يعرفونها وبتتميزين فيها عندهم لا تشيلين هم

إذا اعطيتيه راحته راح يرتاح ويقولك عن كل شي من غير مايخطط ويخبي ويتأزم منك

وشوي شوي راح تشوفين كيف إنه يجي يطلبك ويستشيرك

ولو استمريتي على زعلك ترى حتى لو ماتكلمتي معه يبان على وجهك ويدري بس ساكت

راح يبتعد عنك ويتثيقل إنه يعلمك عن أي شي يحبه ويتمناه

إنتي الحين تضعين بصمتك في حياتك معه تبينها واضحة صريحة حتى بأبسط الأشياء ؟

أو تبينها غامضة طول وقت تفكرين ومقهورة وهو شي مايسوى

اكسبي زوجك مادمتي بالبداية ومشششي الحياة ماتجي على الكيف دائمًا

وحاولي تصغيرين الأمور بتفكيرك ولاتستسلمين للشيطان لأنها هذي فرصته .

ماقدرت أسيطر على نفسي وضحكت
الله يسعدكم ويهنيكم

والله يسعدك بالدنيا والاخره

__________________

آمين يارب العالمين

جاني اليوم قال ابي منك عشاء فلافل
انا استغربت فلافل وانا كنت مسويه له فلافل غداء
غريبه والله مرتين باليوم فلافل
قلت معلينا نسوي الي هو حابه
وانا اعمل في المطلخ كل دقيقه يجي خلص العشاء اقول لا تو الناس << استغربت ايش عنده مستعجل موب بالعاده
ويوم خلص كم حبه فلافل جاء قال اوك انا تكفيني سندويتشه وحده واخذ الباقي قال بعطيه اهلي
قلت وين اهلك متعشين من زمان قال معليش بعطيهم شوي
قلت مايصلح ....
قام مد يده واخذ كل الي في الصحن وقال الباقي الي على الزيت خليه لنا، في نفس الوقت قلت له اجل وشوله تتعبني علشان كم حبه <<
زوجي على نياته ماحس

وانا في المطبخ جاء في بالي ان اهله امه وابوه مايكلون زياده، يكفيهم عشاهم
واخته الصغيره ماتتعشى بدري معهم معناه يبيه لأخته
وجن جنوني ليه يعمل كذا ولاخبرني من البدايه
وقال ابي تسوين عشاء لأختي
ليه ينسب العشاء له من البدايه وفي النهايه اكتشف ان العشاء لأخته
وافكار تجي وافكار تروح
وبعد دقايق ترسل اخته لي رساله صوتيه وتقول يجنن وكيف سويتيه << هنا بغيت اكسر الجوال والله
خير يتعبني علشانها
ليه طيب مقالي من البدايه ليه ماعزمها عندنا على الاقل
ترى مو زينه بحقي تخيلت نفسي الخدامه تبع الاخت
زوجي جنني مع اخته احس كرامتي انمسحت
كرهني في البنت وهي مالها ذنب
وزوجي مدري ايش يحس فيه
على فكره انا ماقلت لزوجي شي وغيضي لسى موجود
ولازم زوجي يدري اني زعلت من حركته بس كيف
اقول له ؟!
كيف ابين له
انا ترى شخصياً اذا زعلت اسكت ( اكضم غيضي ) > وبنفس الوقت انقهر

__________________

على فكره ترى انا خجلانه منكم
اخاف تقولون ياكثر ماتشتكين
لكن انا اشوف هذا المكان متسع لفش خلقي

__________________

السلام عليكم
انا من وجهة نظري انه التغاضي ضروري بالحياة الزوجية
بس مو الكبت او بسبب تغاضي يصير عندك تراكمات
ممكن هالمشكلة سخيفة عند غيرك بس تركت اثر مو حلو عندك
انتي في شي بخاطرك احكيه له بجوز يكون عنده مبرر لتصرفاته او اذا كان لاء ممكن بنتهبه انه هذا الشئ بيزعجك
انا من الاشخاص ما بحب حدا يتصرف باشيائي بس اذا لقيت مبرر بسامح و ما بضل غصة بحلقي
لا تخليها غصبة بقلبك هلق انتي مو مزعوجه منها بدرجة كبيرة بس لما يتكدرر هذا التصرف او انك ما تربطي اي تصرف تاني مع هذا الموقف وتنفجري مره وحدة وتعبري باسلوب مو منيح او مو بصورة مناسبة يوصل سبب حساسيتك ومتل ما قال الاخ بتقوليه بيوم 20-4-2014 اخذت هديتي وكسرت بخاطري
وانتي كمان بتعرفي زوجك و اذا كان بهمه خاطرك
وفترة زواجك قصيرة لسى عم تتعرفو على اطباع او خفايا بعض
الله يسخرلك زوجك ويهدي باللك

قد يكون تصرفه عفويا وخاصة انك فتحتيها وقدمتيها

ولو احتفظتي بها في أي مكان ولم تقديمها او قدمتي شيئا منها في طبق وتركتي الباقي يكون الموقف مثل ما صار معك من الانزعاج

وفي النهاية ترى الدنيا صعبة مشي مشي حتى تعيشي

اي امشيها لكن شي استفزني السراحه

__________________