ضيعتني العاطفه
الحمدلله جصلت وظيفه ثانيه يعني يصل راتبي 8400
البيت مستحيل اهلي واخوي يخليني اسكن لوحدي عارفتهم زين ويمكن لويدري اني بتوظف في وظيفه ثانيه موب بعيده عليه يمنعني حسيت من امي مو فرحانه لي مو كفايه جحدوني من ورث ابوي
انا ابي اشتغل من تعبي وشقاي مابي اكون عاله عليهم ان شاء الله ربي يبارك لي في رزقي يارب
ضيعتني نفسي احب زوجي بس فلي صاد عنه لو برجع هروب من بيت اهلي ابي اعيش حياتي
وعيالي معي ولدي الكبير نفر منهم كاره العيشه مع امي والله بدون مبالغه هو يشتكي منها اليوم يقول ماخلت احد الا اشتكتني عنده واحاول ابرر لاامي عنده قلتله محروق قلبها علي

ألم ياعمري مشوار الألف ميل يبدأ بخطوه

أكسري حاجز الخوف دافعي عن حقوقك شلون وحده مرت بكل إللي مريتي فيه وللحين ماصارت شرسه

أهلك بتكونين بحاجتهم دايم لاتقطعين كل العلاقات معهم أسكني جنبهم وإذا ولدك صار رجال خلاص هو محرمك

لو تقدرين تبنين لك شقه في بيتكم أو شقه جنب أهلك أو بنفس الشارع تكونين قدام عينهم

حبيبتي شعوب كامله أطاحت برؤساء وأنتفضت وغيرت قوانين إنتي حياتك ليه مو قادره تغيرينها

تدرين أوقات أحسك زي الطفله إللي واقفه بين حشد كبير ماتدري وين تروح ولا كيف تتصرف تستنى أحد يجي يمسك يدها ويدلها ع الطريق

إنتي ملك نفسك وحياتك ملكك إنتي .. أهلك بيزعلون كيفهم إنتي مو صغيره ولا مراهقه موظفه ومتزوجه وأم عيال يعني عارفه مصلحة نفسك

أجلسي مع أمك بالحالكم وأحكي لها كل شي وخليك واثقه من نفسك وعلميها بقرارك

ثقتك بنفسك بتنعكس على تصرفاتك وبالتالي تتغير معاملة الناس لك

إبدأي بأول خطوه وربك بيسهل الباقي

حبيبتي ضيعتني
انتي ماتدرين عن ردة الغعل وش بيكون اخاف اتعرض للضرب والعنف انا مااتحمل ابدا
امي ترى ماترحم اذا طالبت بحقوقي اليوم اختي طالبتهم بنصيبها وقالت حطيت شهود مالكم شي ابدا انا ساكته واتفرج
تهدد اختي بااخواني بصراحه مااحس بالامان صدقيني ماعندي جرأه ادافع عن نفسي والله
طليقي هو الوحيد اللي احتواني بعد زواجي منه وعزز ثقتي بنفسي تغير كثيررر بعدةالانتكاسه
تدرين ضيعتني امي عادي عندها ارجع لزوجي تقول لي ارجعي له افضل لك

لاحظت عليك دايماً تستبقين ردود الأفعال

ورثك لاتطالبين فيه الله يغنيك عنه إن كان مطالبتك فيه بتجيب لك مشاكل

ماراح تنضربين ولا راح يصير فيك شي ولاقدر الله ولنفترض بأسوأ الأحوال أنضربتي هاذي فرصتك عشان تطلعين من البيت

وأمك أدعي ربك يسخرها لك إذا تكلمتي معها خليك واثقه ونبرة صوتك هاديه وخليك عارفه وش بتقولين لها

جيبي لها هديه وقولي أبي أستقل في بيت عشان عيالي أبيهم حولي ألعبي على هالوتر لأنها بالنهايه أم وراح تتفهم

ياضيعتني اهلي خبزة يدي وامي خصوصا
امي تحاول تحرض اخواني علينا دايم كذا
ماطالبتها بالورث اختي بس هي اللي تطالبها
انا ساكته واسمع بس ابي السلامه وراح ة البال
كل همي عيالي نكون مع بعض واذا كبروا بكيفهم اهم شي يكونون قدام عيوني والولد الكبير وحشني كثير
والله امي مو حاسه فيني ابدا دايم تذم ولدي عندي حتى اخوي مثلها
احوالي ساءت في الاخير اكثر من اول خصوصا بعد ماكبروا عيالي

الم لازم تجربي مانك خسرانة شيء ، شو تخصري اكثر من عيالك
توكلي على الله و استقلي ببيت
يا حبيبتي انتي ما ظلمني و لا شيء بدك عيالك انتي خسرتي كتير ، هلا لازم تكوني حازمة

مبين قوة شخصية أمك مأثره فيك

إنتي باقي تحبين طليقك وهاذا الشي إللي مخليك مو متقبله زوجك

?انك مالقيتي معه الإحتواء إللي تحتاجينه ولقيتيه عند طليقك

طالبي بحقوقك لكل شي مره أولى وإنتي مو خسرانه شي إنتي رافضه حتى المحاوله تشجعي وماراح يصير إلأ كل خير بس خليك قويه

ايه امي شخصيتها قويه ماشاء الله عليها
حتى ماتخلي احد يتجرا عليها من اخوانها صح ازعل واتضايق منها بس اتذكر الماضي كانت محافظه علينا وتعبت في تربيتنا
فعلا مالقيت الاحتواء من زوجي كنت اذا تقربت منه بالاحضان يستغرب ويبتسم يقول ليه انتي كذا شكلك كنت محرومه
طليقي كان طيب وحنون الى بعد احد وانا احتويته اكثر بعد مرضه حتى بداية زواجي منه كنت حنونه معه

بصراحه ودي اطلع بيت لوحدي
واجيب ولدي الكبير معي ثلاثتنا نسكن بروحنا مامعانا احد
اهلي مو متقبلين وجود ولدي معي
دعواتكم ربي يسر وظيفتي الثانيه لان راتبها حلو واعلى من وظيفتي اللي انا فيها
حتى متعاونين ادخلها بدون تأمينات اجتماعيه ادعولي
سبحان الله ربي سخر لي الطيبين من عباده في أي مكان هذا الشخص يحاول يساعدني لاني قلتله عن ظروفي
واني محتاجه للو ظيفه ثانيه واكدت له اني مستعده اتحممل وظيفتين في وقت واحد
لكن ماعندي خبره في الموارد البشريه ابدا
يارب يسر اموري كلها يارب ويبعد عني التدخلات والله ماحد نفعني ابدا حتى اختي المفروض نكون يد وحده
تقول وخري عني دبري نفسك لو احتجتها في حاجه تافه تعلمني على برامج الجهاز تنفخ علي واسلوبها جارح
دايم كذا معي ماسمع منها الا الكلام اللي يجرح
ولدي الكبير مايحبهم ابدا انا اخاف يعاني من العقد النفسيه وبنتي كمان الولد الصغير برضو حساس بزياده

الله يوفقك ، زي ما أمك مثل ما ذكرتي حافضت عليكم انتي كمان حافضي على أطفالك
طيب شو مخططك
و ليش قاتلة نفسك وظيفتين اذا ما لك هدف انك تستقلي ببيت و تلمي عيالك
سيبك من اهلك و أختك و أمك المهم أنك ما غلطتي في حق هذا و خلي علاقتك الاحترام و أمك ما دامك ماراح تعيقيها ولا يهمك ممكن تراضيها بعدين و ممكن لما تستقلي ببيت يقل الاحتكاك معها و مع أطفالك و تخف عليكم شوي
والله حبيبتي لا تقولي انك وحدك أنا كمان دعم نفسي من عيلتي موجود و ما يعترضو على في قراراتي لكن لو أنا موجودة معهم بنفس البلد أكيد ما راح يتحملوني و مشاكلي و كل في عالمه و خاصة وضع أمي أصلا صعب و ابي تاركها ........
الله يكون معنا