صباح الخير ..
اشكر كل اللي مر من هنا ..
نصائحكم راح اخذها بعين الاعتبار وفعلا انا مقدمه ع اجازة رعاية مولود لانو شغالتي مسافره ..
مسزز داني .. راح احاول اضغط على نفسي وما ارفض العلاقه وبرضو احاول اتودد له .. بس اذا رجع على طاري الزواج راح اوقف كل شي ماراح اتهان اكثر من كذا ..
خواطر مكسوره لو راح اوقف صرف احنا اللي بنضيع لاني متأكده هو مامعاه وﻻ ريال يصرف حتى على نفسه وباللنسبه لسؤالك ايوه عياله عندي ..

حبيبتي نفقتك و أطفالك و أطفاله عليه ، و انتي راتبك و تعبك إلك و لا حرج تساعديه احيانا
بس يشيل ايده كده منكم فأكيد يتزوج مطمئن من ناحية الصرف على بيتين
و كذلك اذا ما معه فلس يصرف عليكم الان فكيف يصرف على بيت ثاني
و سؤال: هل زوجك ممن يحب التعدد و يدور على سبب ام انك ملاحظة انك مقصرة معاه خاصة انك ذكرتي هو أيضاً مقصر في حقوقك
يعني الحل يعطيك حقك بالاهتمام و الدلع و الصرف و العلاقة و بالمقابل يأخذ حقه ، انتي كمان فهميه انه مقصر معاكي كتير و لازم يبادر كمان و يصلح من نفسه

مدام كذا لا تصرفين الا على نفسك لكن البيت وعياله لا تصرفين عليهم مره هو رجال ويدبر نفسه ولو شافك رفعتي يدك بيعاندك في الصرف شهر شهرين بس لاتتراجعين بعدين راح يصرف غصبا عنه قولي له الفلوس الزايده الا تبغى تتزوج بها اصرفها على البيت وعيالك ..... يحمد ربه مكفياه ماديا في نفسك وعيالك و مربية عياله من زوجته الاولى ... بس انت لاتتهاونيين في نفسك دلعيها اخر دلع والعلاقه برمجي نفسك انه عشان انت تستمتعي ولو ما ارضاك في العلاقه ممكن تتمنعي وتطلبي منه يسوي لك الحركات الا تبغيها واخر شي سلميه نفسك اذا مافيه فايده لمحي له عشان يحس انه وحده ومو مكفيها كيف يتزوج ثانيه خليه يحسس بهذا الاحساس انه يالله وحده ومو قادر يشبعها ....

وقولي له الدنيا اخذ وعطاء اعطني الاهتمام والحب وحسسني بأنوثتي وانك رجال مسؤول عني بعدين طالبني اعطيك اهتمام واحسسك برجولتك .... قولي اذا انت تشوف من واجبات الزوجه تعمل لك ليالي حمراء وتهتم فيك وتحبك وتدلعك فمن واجبك انت كزوج تحبني وتهتم بي وتفاجأني بسفره او ليلة فندق وتطلعني اغير جو ........ لا تسكتي وتخليه يقلب الطاوله عليك قولي له حتى انت مهملني بس،انا كنت مقدره ظروفك ومدامك مو راضي على الوضع حتى انا مو راضيه ويالله نبدأ كلنا بالتغيير

عزيزتي ام غاليها ..

اعدت قراءة سطورك لاتاكد من موضع الخلل وقد لاحظت انك قد اعطيت موافقتك
لزوجك على زواجه لانك واقعة تحت تاثير ضغطين:

- علاقتك الزوجية
- التزين

تولي هو بناء البيت وحملت انت عنه مسؤولية الاسرة تعاونا منك
وكانت النتيجة ان كلاكما قد ارهق ، ارهقه بناء المنزل الى الحد الذي
جعله لا يهتم بحاجتك اثناء العلاقة ، وارهقتك مسؤولية الاسرة الى الحد
الذي جعلك غير قادرة على التزين من جهة وقبول العلاقة الزوجية بشكل مرضي من جهة اخرى ...
وزوجك هداه الله حاول تصحيح هذا التقصير غير المقصود من جهتك بالطريقة الخاطئة
التي يتبعها كثير من الرجال (ساتزوج عليك) والتي ماهي الا تعبيرا عن عدم الرضا عنك كانثى
وانت ايضا ارتكبتي خطئين بحق نفسك : لم تفهمي المغزى من وراء تهديده واخذتيه على محمل
الجد ، واتخذتي قرارا هاما وانت تحت تاثير ضغوط .. !

تحتاجين الى جلسة هدوء ومصارحة لكي لا يظل سوء الفهم للاخر موجودا
في ذهنيكما ، ارسلي فورا الى زوجك رسالة نصية عبر الهاتف مفادها انك
تشعرين ان المسؤوليات الماضية قد اخذته منك وانك تفتقدينه كثيرا ..
هذه الرسالة هي تاكيد له على انك لا زلت تحبينه كرجل وتسعدين بقربه وهي بنفس
الوقت وسيلة امتصاص للمشاعر السلبية التي يحملها تجاهك ، الى ان تبدا اجازتك
لا ترفضي طلبه للعلاقة ولا تناقشي مطلقا ما تشعرين به ، حين تبدا الاجازة وتبدئين
بالاسترخاء وتدليل نفسك ، استغلي الوقت الذي يجمعكما سويا واوضحي له ما اوردته
ما قلته لك في المشاركة السابقة ..

عزيزتي ، نصيحة من اخت تحب لك كل الخير :
(لا تتخذي اي قرار وانت في حالة انفعال او تحت تاثير ضغوط )

__________________



احيانا يجب ان نفقد ذواتنا كاملة لكي نستعيدها كاملة ...

ما جا في بالك انه طلب زوجته للطلاق هو بسبب تقصريه في العلاقة ؟

بلا وساوس وتعوذي من ابليس وتزيني لزوجك وعيشي وعيشيه معك ..

هو ما قال هالكلام علشان يتزوج ، قال هالكلام علشان تتعدلين ، بس انتي الله يهديك قصفتي جبهته يوم قلتي رجع فلوسي وبراحتك ..

انا مدري ليه رافضه فكرة تصيرين انثى مثل ما يبي ، بكره بتنفقع مرارته ويتزوج وتجين هنا تشكين وتبكين ..

حركي مخك واتركي عنك الوسواس والكلام الفاضي ، وبالنسبه للظروف فاعلمي انه فيه زوجات ما وصلتي لربع معاناتهم ..

زبدة الكلام ، البلا فيك انتي ، شيطانك شغال صح وانتي مستلمه ، والا الموضوع كله ما فيه مشكله اساسا بس انتي ما تبغين تتعدلين

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

ام غاليها .....


تطمني زووووجك مو متزوج ابداً تبغيني احلفلك حلفلت لك هههههههههه


زوجك يختصر الطريق باسلوبه عشان يحركك تهتمي وانتي ترفضي من باب الكرامه ويمكن يزود العيار عليك لكن تاكدي انه بياع كلام 😁

عزيزتي أم غالية

إيش المشكلة لو تتزيني و تتوددي لزوجك يوميا ؟؟؟
ما أحس إنها أسباب مقنعة ليكون التقصير بالشكل هذا ..

هل فعلت تحبين زوجك حب حقيقي أم مجرد زوج ؟

بالنسية لي لا أعتقد ان أنك تحبيه , لأن الزوجة المحبة لزوجها تستمتع مع زوجها

وتتمنى لقائه وتنتظر ذلك على احر من الجمر مهما كان وضعها لأن متعة اللقاء

أعظم من تعب الحال والواقع , ولو كنت بالفعل تحبين زوجك لكنت أكثر صراحة

معه على واقعك لتجدين حل ليرضيكما جميعا , فحل مشكلتك أن تحبيه حقيقة وليس كأداء واجب