شكراً يا عاشقة القهوة ويا ميمي
بجد ارواحكم حلوه، وخلت روحي تبتسم ايضاً

ابحكي بصدق فلسفتي هنا، وان كانت عن تجربة وملاحظة لمن حولي ، فانها قد لا تقنع البعض!!
الرجل اكثر ثباتاً في مشاعره من المراة( بس لو الله يفكه من انانيته التي جبل عليها)
يعني الرجل اذا حب حب ، احياناً الزوجة تكون مجننه بزوجها وموريته الويل ومع ذلك ما يقدر يطلقها لسبب واحد انه يحبها، مع انه يقدر ولا فيه شي يمنعه لا اولاد ولا فقر ولا اي عامل سوى الحب
طيب اعطيك مثال من حياتي ( بس ترى ممكن تلقى رد يناقضه بعدين، بل متاكدة!!)
حياتي مع زوجي ما فيها اي استقرار ، وافكر داءماً من جهتي اني ساتركه يوماً، حينما اكون اقوى !!)
ومع ذلك متاكدة تماما من حقيقة ومشاعر زوجي لي ، وانه يحبني وبصدق ، مع انني قد اكون اسوء من روجته الاولى في بعض الخصال ، وحدث ان انفصلت عنه ، وانفصل اخوه عن زوجته بنفس الوقت
بعد كم شهر كلمني يخبرني ان اخوه طلق زوجته وتزوج، وانه لا يريد ان يفعل مثله( يلمح بان هناك ضغوطات خارجية عليه)
زوجته الاولى طلقها بالثلاث، مع انها اهدا واضعف مني وافضل بكثييييير مادياً فهي غنية جداً ، وحاول الجميع ان يثنيه عن ذلك لكن طلق وبسهولة
احياناً يكرر اسالي نفسك لماذا لم اطلقك الى الان؟!
على فكره اخبرته كم مرة بصراحة قد لا تعجبك انني لا احبه، وارغب ان يطلقني
واحيانا اقول له ادع الله ان يزرع حبك في قلبي!!
لا تستغرب فليس وقاحة مني، بقدر ماهو وجع فوق وجع منه!!

تدري وش المشكلة الحين ؟!
انه اذا جا يسولف انا اقوم واخليه!!
ما عاد صرت ابحث عنه ابداً، ابداً
ممكن يمر اسبوع اسبوعين ما سولفنا او جلسنا مع بعض الا على الغدا!!
عموماً :- وانت تكتب سءوالك كانك تعرف الاجابة ، خليني اسمع منك ربما اكون مخطءة في امر ما !

ملحوظة


انا لا اعيد قراءة ما اكتب
حتى لا اغير رايي

كل الخبايا تطلع وقت العصبية
ودي اقتنع بهالامر، صدقني كان رح ارتاااح لان اغلب مواقفي منه من كلامه وقت العصبية
لا يبقي ولا يذر

الاطفال
احترام المجتمع من حولي لي كوني على ذمة رجل!!
اصبحت اقوى
اكثر مواجهة للعالم والناس
جربت معنى ان يكون بحياتي سند" رجل" ، فاصبحت استطعم الحياة وفهمت اكثر كيف اني كنت بنص الحياة مو كلها، لاني كنت بلا اب!!
خلقت امراة جديدة.

مره اذكرها لما اذاني الى ان وقعت ، وداني المستشفى، واعطوني مغذي فكانوا مدخلين الابرة خطا
وكل لحظات خوفه علي تكون بعد مصيبة هو مسويها معاي
يعني ما ادري هو خايف علي او على نفسه


ملحوظة: تدري اني لما اكتب عنه احس قلبي بينفجر من الغيظ !!
واني ما احب اكتب عنه ، ولا نفسي اجاوب عن الاسءلة المتعلقة به

ولا شي
كانت طريقتي معاه رسايل الجوال افضفض بكل اللي مضايقني
هاوشني وقال لا عاد ترسلين
وبعدها ما عاد ارسلت
هو يكره الحوار والنقاش
من اخذته وهو يتهرب وما يعطيني فرصة
لكن اذا تبينا نطبعها ونرسلها ما عندي اي مشكلة
بس موب الحين
الحين متهاوشين ، خخخخخخخ.

ربما اكون من الشخصيات القلقة
لكن عندي شعور داخلي داءم بعدم رضاي عن حياتي معه!
وتصرفاته اللي نحكي فيها يعدلها من7 سنين هي هي ما تتغير
فكيف اكون ريلاكس؟!
ولو تصرفاته مثل بقية الخلق تحملت، لكن تصرفاته غررررريبة وتجيب المرض
مثلاً :- ابسطها يرفض يعطيني مفتاح للبيت ، ويقفل علي الابواب وهو طالع
اخر مرة سقطت حملي وبغيت امووووت وهو طالع ورامي جواله بالسيارة
اتصلت على امه تكلمه( اول مره اسويها) اتصلت على اختي ، على صديقتي ماحد بيده حل
في النهاية قلت لامه اتصل على الشرطة يرضيك هالشي ؟!!
انطباعي الاول:- بعد ما جلست معه ليلة الملكة حسيت انه ما يعرف يحكي، وطلعت متضااايقة وقلت لصديقتي قالت :- لا تخافين ما فيه رجال ما يعرف يتكلم ، هذا اللي بيعزك ويرفع قدرك!!
انطباعه هو:- ما ادري لكن زوج اختي قال لي انه في المجلس قال بعد الملكة " ودي الليلة انام هنا!!" يقصد بيتنا
يبي يبين لي زوج اختي انه كان مبسوط
وفي الشوفه يقول ما شفتك كان شعرك مغطي ، لكن قلت عيونها حلوة وهذا يكفي!!

احاول
لكن شخصية زوجي مرررررهقة
فيه اشياء من طبيعة الرجل، زوجي لا تعني له اي شيء!!