اسات
فهمت قصد زوجك
انتي الي تبيه بالللسان تجيبيه
عندك قناعه انه الراي والكلام اهم من الافعال
وهو العكس
يرى الافعال ابلغ
وان جيينا للحق
ترى الفعل اهم من الكلام
لاحظت فيك من البدايه اقول لك
وقلته لك بموضوعك الاول
لاتتكلمين كثير مو يعني تكوني جماد ومااتمزحين لا
لاتهاوشين وتناقشين حتى بالصغائر
انتي عودتيه على كثر النقاش
لذلك ماعاد استفدتي شي
ياعزيزتي احنا المتزوجات الي قال اساليهم
ماانناقش اول شي
اختي بالفعل
زوجك شخصيته عاطفي وبقووه وواضح يحب الزوجه الدلوعه الي تبين انوثتها
مو الي تشاركه القياده
والدليل لما لمح لك عن جسمك
هو يشوف انه انتي مو معطيه حياتكم الزوجيه حقها
انتي بس تتكلمين ووش رايك
خلنا نصبر اسكت مااتكلم غلط
والله حياتكم كئيبه وطبيعي يتملل منها
اختي ادخلي الفرح ووالوناسه حياتكم
لما يزعلك تدلعي عليه
البسي الي يحبه تغنجي تعطري ابتسمي
جهزي قهوته وحلا وقدميه بطريقه جديده
لما يزعلك تدلعي بزياده وعاتبيه بالحركات
مثلا تجلسين جنبه وتتابعون فيلم
وذا مر مقطع تقولين اممم زعلانه لانه حبيبي زعلني وماراضاني بس مو بشكل نقاش
لا
زوجك صار عنده ملل من النقاش والروتين
لما يجي ابتسمي بوجهه وقولي جيت حبيبي
لما تكونين معاه
قولي تصدق اليوم كنت افكر فيك
وامتدحيه
زوجك يبي له لعب ودلع
مايبي له امراءه قويه
افهمي لعب ودلع
لاتقولين مااقدر مستحييل لان الله خلقك انثى
ابحثي عن مواطن الانوثه فيك وغذيها
اعتمدي الاغراءات
والغنج
والله الزوج ينجذب حتى للصوت
اوقات وانتي داخله عليه لاتدخلين كانك صديقه يجلس جنبه
ويسولف
لا
ادخلي واجلسي بحضنه
دلعيه
كل يوم اعملي حركه غريبه
ومرات اجلسي وقولي حبيبي جيب رجولك بحضنك
وانتي سوي له مساج وسولفي بكل فرفشه
ونكتي وامزحي
ترى الدنيا حلوه واحلى من التخطيط الاازم
زوجك يحب يعيش وانتي تحبين التقشف بالضحك
احس من كلامك انك جديه لاابعد حد
وطبيعي هذي الشخصيه غير مرغوبه عند كل الازواج مو بس زوجك
حبيبتي لاتطلقين نصيحه
ارجعي
واشتري كتب عن الزواج وتعامل المتزوجات
وكيف تكسبين زوجك
راح تحصلين بجرير كتب كثيرره عن الاسره والزواج
حاولي ببيت اهلك تقراين كثير
وتغيرين من شخصيتك
عشان نفسك انتي اولا وعشان زوجك

ملكة الاحساس
كلامك مو غلط في اشياء كثيرة صح
يمكن انا يكون غالب علي طابع الجد اكثر بس مو مخليه حياتنا نكد ابدا
انا مشكلتي هااادئة واغلب وقتي اسكت
ونوع مزحي زوجي مو كثير يعجبه بالعكس دايم لما يصير مواقف تضحك خصوصا ف الدوام اول واحد احكيله هو
النقاش كان بداية حياتنا بس بعدين عرفت زوجي ماينفع معاه الحوار وصرت اسكت بس امورنا المصيريه لازم نحكي فيها
ماقدر ابني حياتنا ع فرضيات واتوقع انه هو راضي لازم قول اول ويتبعه عمل مني ومنه
اما اذا تتدلعت هو يعصب علي وحتى ف العلاقة لو تمنعت يدلع يتركني ويقوم او يسالني تبغي او لا
حتى اوقات لما يزعلني زعل بسيط اسوي مبوزة واذا قالي احبك اقول بس انا ما احبك والله بدلع يصدق وقتها اقوله امزح ويصير وقت الغضب يعيد كلامي يقولي عمري ماشفت بنت احد يقولها احبك وهي تقول ما احبك!!
فهذه الاشياء كلها بطلتها
وبالعكس احنا خلال سنة سافرنا تقريبا اربع مرات وكل مرة بنغير جو ونكسر الروتين اصلا اذا امداه وصار بينا روتين
وبالنسبه لجسمي والله انه قاصد يجرح فيني متاكدة لان وقت الرضى هو اول واحد يمدح او بالاخص يبين الاعجاب فيه لانه اساسا ماعمره مدحني بس عشان يقنعني ان الدوام شاغلني عن نفسي
كل يوم لبس جديد وكل يوم البس شي مختلف ومع ذلك يقولي لبسك لبس عجايز مع اني ما البس غير قصير ومقطع وبناطيل وفساتين حتى وانا داخله المطبخ بالعكس هو بنفسه مرة طلعنا السوق وقالي ليش ماتلبسين جلبيات زي كل الحريم قلت اذا يعجبك عادي البسه وشرينا وبين فترة وفترة البسهم عشانه
ادوات حق المشغل كلها عندي ف البيت من حمام مغربي وصنفرات وغيره ويجي زوجي يقولي ماتروحين مشاغل زي الحريم مرة قلتله بروح مشغل اسوي اظافري قالي وش معنى تروحي الحين قلت عادي ليش وين الغلط قال يوم اقولك ماتروحين وزعل يومها لاني رحت مشغل وهو اصلا ماقالي هو هاوشني وكان طاري المشغل من ضمن الاشياء وكنت راده عليه وقتها
انا يمكن مو رومانسية مرة بس والله حاولت معاه كثير ودايم افاجئه بهديا بسيطة اروح السوق اجيب له تي شيرت او اجيب اي شي واسوي له مفاجئة يوم ميلاده ويوم زواجنا ومرات من غير شي اخلي جو البيت رومنسي وشموع ووهو ماغير يمشي ويطفي الشموع ويقولي انتي بتحرقينا !
اسوي له مساج وادلعه وافرك رجله بس اايام هواشنا اكثر من رضانا

الله يكتب لك الي فيه خير اختي اسات
استخيري اختي
واسالي انتي استشاري
نصيحه مني
اتركي الطلاق اخر حل
روحي لحالك لاستشاري
عشان بعدين ماتلومين نفسك
شخصيتك وشخصيته صعب تنصهر
كنت زيك ببداية زواجي
عاانيت بقووه
بس بعدها انصهرت شخصياتنا ببعض
صرنا نحب نفس الاشياء
نفس الافكار
يمكن مع الوقت تندمجون ببعض
عسى ربي يسهل امرك

-أنا مهتم جداً بموضوعك.
-أقترح عليك ما يلي:
أ) أن تذهبي بالفعل ولو بمفردك اليوم أو يوم غد لإستشارية أسرية من أجل فهمك لنفسك بشكل جيد ومراجعة أخطائك.
ب) فكري أن تتواصلي هاتفياً أو عبر الرسائل مع الرجل بسؤالين هما:
-ماذا يرضيك يا فلان؟
-ماذا تود أن أفعل لك حتى تسير مركب حياتنا بسلام؟
ثم أتبعي السؤالين بهذه الجملة: "سوف أكون لك كما تريد".
ج) هذا الرجل لو قمتِ بإجبار نفسك، وإعطائه نوعاً من المدح، ونفخ رجولته، وإبداء الخضوع له، وطاعته سوف يكون خاتماً بإصبعك.
د) شخصيتك ممتازة في حالة تمَّ توجيهها للمسار الصحيح في علم أو وظيفة لكن في الحياة الزوجية ومع هذا الزوج بالذات لا ينفع أن تكون شخصيتك بارزة هكذا أمامه، وإنما تحتاجين أن توضحي له أنك خلفه.
هـ) وضوحك بدرجة عالية ينفر بعض الشيء بسبب شخصيتك؛ لذا تحتاجين لاستخدام أسلوب أنثوي أكثر رقة.
و) كثرة النقاش مع الرجل تبعث على الملل والسأم؛ لذا اجبري نفسك على أن لا تناقشي إلا في المسائل المهمة جداً أما غير ذلك فلا.
ز) دعي الطلاق آخر حل؛ لأن الموضوع لا يستلزم ذلك الآن.
ح) ضرورة الدعاء بأن يصلح الله حالكما.

انا مع هذا الرأي اختي .. الرجل مايحب زوجته تكون قوية بالعكس يحبها تكون محتاجته علطول عشان يحس برجولته... الله يفرج همك وينفس كربك ويكتب لك الخير وين ماكان .. والخيرة فيما يختاره الله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ملكة و البليغ جزاكم الله خير نصايح مهمه
و الله يصلح الحال ان شالله

البليغ

بارك الله فيك واشكر لك اهتمامك لموضوعي
بس في نقطة ابي الفت نظرك فيها وهي مهمة جدا بالنسبة لزوجي
ع فرض وافقت وقلتله بصير مثل ماتبي مع تجاهلي انو هو الي طلب الانفصال واخذ هذا القرار بكل قناعه منه وانه كان يبي يطفشني عشان يطلع مني وماقدر لين ضيق علي

الاهم كيف اقنعه استمراري ف دوامي زوجي رابط كل مشاكلنا بدوامي مابقى عيب ماطلعه فيني والسبب اني مداومة هو ف البداية كان موافق وبالعكس كان مبسوط من اوقاته بس عدت الفترة الاولى من زواجنا وبدت المشاكل في الروحة والرجعه للدوام وكل يوم يتذمر ويسبب في الطريق وفيني اذا تاخرت دقيقه واانا ماكنت افهم انه متضايق من شغلي لانه ماكان يصرح لين جبت سواق وانا ادفع له لان اوقات دوامه تغيرت فصار مايمديه يرجعني وبناءا عليه السواق صار منقذ

لاحظت عليه دايما كلمة مافي فايده من زواجي تروحي الدوام وترجعي وتتطبخي وتنظفي البيت وتقعدي شوي وتنامي برضو ماكنت افهم ان السبب ضيقه من الدوام وصرت اقوله خلاص عادي نطلع وسط الاسبوع وصرنا نسوي زيارات ويجونا ناس

اخر شي والمشكلة الكبيرة الي صارت قبل شهرين ياتتركي الدوام يا مابيك انقلعي انتي ودوامك

كلمت ابوي وقلتله ع الي صار كلمه بابا الرجال لسى مو مقتنع وقال هذا اخر كلامي بعده تتدخلو اهله واهلي وقالو له خلاص انتي من الاساس كنت راضي وش صار طبعا عيب فيني قال البيت وصخ وهي ماتهتم ف نفسها و حكى كثير قالو له هذه مشاكل صغيرة واذا ع الدوام حسنو علاقتكم واستقرو بعدين اقنعها انت وهي بعد اذا لقت الي يشغلها اكيد بتقعد بنفسها

بعدها صار يصر ع موضوع الانجاب عشان انشغل واقعد ف البيت وبعد اخر مشكلة بفترة ثلاث اسابيع قالي يلا ها عدت مدة متى بتوقفين شغلك ونفس الموال كل ماصارت مشكلة انشاءلله ف المريخ قال شغلك السبب

مع اني ابذل جهد مضاعف عشان ما احسسه بالتقصير

عرضت عليه ان ندخر مال انا وهو بحيث نقتطع مبلغ كل شهر من رواتبنا عشان يحس ان قاعد يستفيد من دوامي لكن يرضى وبعدين تجي مشكلة جديدة وحنا ما امدانا ننفذ خططتنا

دايم يكرر مو مقصر عليك وف نفس الوقت اذا احتجت شي يطلع عيني لين يجيب يقول ماعندي فلوس ع الرغم ما اخذ منه ولا ريال اصرف لنفسي بنفسي الا الاشياء الي نشتريها وحنا مع بعض وانا اتعمد اخذ اشياء رخيصة عشان ما ادفعه كثير

وانا لما اناقشه ف الزوج الي مفروض يعطي زوجته مصروف يرفض وبشده يقول مو شرط لو بغت شي المفروض تتكلم فهذه وجهة نظره ف حال قعدت ف البيت

لو انا حاسه بشويه امان واستقرار معاه كان تركت الوظيفة لكن اليوم يبيني وعشر ايام مايبيني هذا غير كلامه اني بعد ما اترك دوامي لو ماتعدلت ولسى عندي قصور راح يكون العيب مني ومو من الوظيفة وقتها يقول مايعرف وش حيسوي معاي

كيف اتصررف؟؟!!!

عزيزتي عداك العيب ماشاءالله تبارك الله فتاه عاقله وجميلة الأخلاق
وحسنة التدبير وصبوره وعمرك منتصف العشرينات انتي نعمه من الله لأهلك ومن يعرفك
والله ظنتتك في الثلاثين لتعقلك وجميل صبرك زوجك باختصار لايطاق شخصية متعبه ومحدودة التفكير جداً والحياة معه ستكلفك الكثير من صحتك واعصابك والحمدلله الذي لم يجعل بينكم أطفال فهذي الشخصيات تحب ان تُمارس الضغوطات اعرف زوج يشبه زوجك كثيرا تزوج ثلاث مرات ويطلق ويتزوج وزوجاته كلهم عاقلات ويردن المحافظة على بيوتهن لكن
حماقته وتسرعه وتشتت تفكيره وحيرته الدائمه دمرت إحساسهن بالامان الزوجي اتكلي على الله وسيعوضك خيراً ثقي بذلك ولا ترهني حياتك مع من لايستحق


من كل قلبي ادعو الله ان يختار لك ويهون عليك اقدارك ويرزقك من حيث لا تحتسبي
وطمنيني عليك ياقمر

Hey u
اسعدني ردك بث فيني روح الثقة ف النفس الي صار لي مدة فاقدتها اشكرك ع كلماتك وحسن ظنك بي
هو كما قلتي حماقة وتسرع يعاني منه واوصلنا الى هذا الحال الله يصلحه

الله يسمع منك ويفرجها من عنده ياعزيز ياكريم...

السلام عايكم ورحمة الله وبركاته
لا احد يشجع على الطلاق لعل الله يحدث أمراً
ولكن في المقابل المبادرة لإستمرار هذا الزواج وإنجاحه يجب ان تأتي منه
قدمتِ ما يكفي من المحاولات والمبادرات
اي مبادرة من طرفك مبنية على وعد تغيير شخصيتك ستنتهي بالفشل
بصراحة انت الصح وهو الخطأ
إنتظري ما سيطرأ وتوكلي على الله
دعواتي