يا جماعة اي واحد يرمي زوجته وطفله عند اهلها بهذي الطريقة ويسحب عليهم لا مصروف ولا ملابس ما عنده مرؤة وتوقعوا منه أكثر اعتبره لئيم ونذل وان أنت أكرمت اللئيم تمردا ولازم ينقرص قرصة محترمة لأن هذا اسمه تلاعب وتخلي عن مسؤولية في رقبته لين يموت واللي يقول لا تدخلوا الاهل في المشاكل كونه يتركها في بيتها اهلها فجأة وبالأيام بلا احساس بالمسؤولية هذا اقحام صريح لأهلها وطلب لتدخلهم لكن هالنوع من الرجال الفاشلين في ادارة حياتهم الزوجية يكونوا جبناء عند مواجهة الرجال وماراح يجوا الا لما يتصلوا عليهم رجال
بالنسبة لصاحبة الموضوع زوجك تعود منك الطاعة لحد الخنوع على حساب راحتك وصحتك ويوم شافك بديت تنبهي على حالك قال خليني اقمعها من البداية بدليل لما شاف رسايلك واستعطافك زاد لؤمه ولا سأل ولا رد وقال خليها تعمل حساب لأي رفض منك لأوامره زوجك مو فاهم ان الزواج اخذ وعطاء وماهي أوامر الزواج مودة ورحمة نصيحتي لك استخيري الله في كل تصرف او كلمة ولا تتصلي عليه وخلي اخوك يتفاهم معاه كيف يرميك في بيت اهلك كذا مهما كانت مشكلتكم هذا مو تصرف رجل عنده مرؤة

الله يعينك
نصيحه لوجه الله حبيبتي وحطيها قاااعده بحياتك كلها
ان صار خلاف لو بسيط بينك انتي وزوجك
لاتجين تقولين له ودني عند اهلي بزورهم
لاتزورين اهلك حتى لو طرح الفكره عليك بوقت زعل وسوى انه طيب
تحججي بشغل البيت او او
لان اغلب الرجال ع بالهم بيأدبون الحرمه يحطونها ويتركونها
عشان يقهرك ويخليك ماعاد تراددينه وطلباته أوامر ومجابه بالحال
نصيييحه عشان تحافظين على بيتك او عالاقل تكوني
سويتي اللي عليك
والله شي يقهر مافي فهم ولا تقدير من بعض الرجال
الله ييسر امورك ويفرج همك يارب

اخ بلودزر مادري كذا اسمك

المهم
انت قمت بتحوير الموضوع لشكل شخصي اقحمت نفسك وشخصيتك وصفاتك بالموضوع

اخي انظر للموضوع بكل حياديه وعدم تحيز لبني جنسك

فلتعلم انك محاسب
ليش تلغي احترامها وقيمتها وتذل نفسها عشان زوجها وهو انسان زيها

التذليل والتذلل لايحل مشكلتها

زوجها يحتاج تاديب مو شرط يفطر ناس ويكسب اجرهم وياثم في زوجته

اذا صادق يشارك بالمخيمات افطار صائم واجرها اكبر واوسع واشمل

وين حقوق زوجته لما رماها حتى بدون علمها وماكان فيه اتفاق

زوجها يتمتع بالسلاطه متسلط

ولا احد يدخل وفي يد طفله منديل يقلب البيت ويسب ويهاوش

انا زوجي يساعدني بطفلي وياكله بدالي لاني اتعب احنا نعاني

انت تقضي يومك كله في خدمة عائلتك ؟
ولا عندك وقت لنفسك وطلعاتك ووناستك

طيب والحرمه مالها حق زيك مو لها قدرات زيك وامكانات

ليش تشوفون الحرمه قوة خارقه والتقدير لها صفر

سددوا وقاربوا
تشتغل وتخدم زوجها بس بدون مغالاه بالموضوع بالحدود المعقوله
عزايم لا والف لا
مره بالشهر وكثر الله خيرها
راحه يعطيها وقتها اي وقت تبي ترتاح بكيفها

اخواتي و اخواني

الي اعترضو على تصرف اخوي
انا اخوي قلي كلام طووويل وراح اسرده لكم بالتفصيل والقصد من ورا عدم محاسبته لزوجي

اخوي سبق وصارت مشكله مع زوجته و جلست عند اهلها

وراح اخوي يرجعها وعمه ابو زوجته استقبله ودخل بنته الي هي زوجة اخوي عليه وقال لهم تفاهمو بينكم وقفل عليهم الباب

طبعا اخوي اول مره يحكيني وقال لي

لو راح يحاسبني ويجمع اخوانها وكم رجال عليه

راح اطلقها لانه بكذا بيحرجني بس يقول كبر بعيني و بنته كبرت بعيني على هالاسلوب لان الي بينهم ماوصل لمرحلة الضرب او خلاف قوي كان خلاف بسيط وحب عمه ينهيه ببساطه وبدون تضخيم للامر

هو لمن قالي هالكلام فكرت فيها

زوجي طيب وغير كذا احبه ومايقصر بشي بس عيبه لوصلني لاهلي وقت زعل يتركني عندهم

واخوي قال لي مشكلتكم بسيطه بالتفاهم تنحل واذا فيها تدخلات كل شخص راح يدلو بدلوه وتكبررررررر

واذا كبرت خلاص الرجال بيعافك بيقول ذي على اي شي بيصير بتعلم اهلها مراح تسكت
مع ان قلت لاخوي انه سبق عمل الحركه لمن سقط قالي رجع وتفاهم معاك ومشيت حياتكم صح
قلت صح
قال اذا لاتربطي شي راح بشي صار اللحين تفاهمك معاه خليه يكون على حركته ذي

وقلت له طيب عالاقل بعطيه قرصه

قال لي هالقرصه اعطيه لمن يرجعك عنده تكون بينك و بينه بدون اي تدخلات وبدون اي اهانات

هذا رده لي

مسز داني اشكرررررك من اعماق قلبي واسال الله ان يسترك و يرزقك بواسع فضله انتي و كل وحده ردت تدافع عني

رسائلي له والله ثم والله كانت كلها اني مشتاقه له وانه وحشنا واني اسفه على اي خطاء بدر مني في ساعة زعل وقلت له ماشتقت لولدك وقلت له اني احبه ومستحيل ازعله واننا مانقدر نعيش بدونه بس للاسف مارد علي

بس فيه بعض التطورات صار يرسل لاخوي الكبير رسائل دينيه من باب يجس نبضه واخوي قلي انا رديت بمثل هالرسائل عشان ابين له اني ماعرف شي


اخ بلدوزر انت كلامك صحيح ولاكن اسلوبك في الكلام هو الغلط ان تحملني كامل الغلط مع انه كذالك غلط
و والله لو كنا بين ايدي الرحمان لانصفني بدلن من حكم البشر

الحمدلله ماقصرت معاه ولا راح اقصر ليس لشي لا

لان والدي رحمه الله دايما يقلي ادفعي بالتي هي احسن مو مهم تحصليه بالدنيا لانها فانيه المهم تحصليها بالاخره

واي جديد راح اخبركم ان شالله

يعني ما هي الخطوة العملية التي ستتخذينها هذه الأيام ؟

__________________

بس احد يفهمني كيف يتركها في بيت اهلها كذا وما يتدخل اخوها او ابوها يعني هو اللي خرجها من بيتها وخرج مشكلتها وخلا الاهل يدرون استغرب وعجزت افهم كيف تقعد بذي الطريقة في بيت اهلها وما يجيبه اخوها ويحاسبه يعني مثلا يسكت اخوها ويسوي نفسه مو شايف اخته في البيت ولا تكون له ردة فعل عيب يا ناس اخذها من بيت اهلها عزيزة مكرمة ليش يرجع يرميها الا اذا ما يبيها واذا يبيها ليش ما يحل مشكلتهم في بيتهم وبينهم حتى لا يدخل احد من اهلها او اهله ويطلع فاشل ما عرف يدير امور حياته ارسل لخوك يجس نبضه لأنه عارف انه غلطان وماهي سوات رجال انه يتركك وولدك كذا ويثاقل عليك لان شاف منك رسايل وحب واشتياق قال خليها تخاف بعدين
شوفي انت لازم تحافظين على بيتك وزوجك وهذا الموقف فكري بذكاء كيف تخلينه درس له ولك كيف يقدرك ويحترم اهلك وكيف ما يكلفك فوق طاقتك وكيف انت تتصرفين وتتعاملين معاه ولا ترى بينقلب عليك وانت مكروفة ومذمومة استخيري وفكري مزبوط وعزي نفسك وفي نفس الوقت حافظي على بيتك

مسز داني

انا اعرف زوجي اكره شي عنده اذا رجعت له اخليه مثل الجدار يعني كلمه ورد غطاها هو مايحب هالاسلوب وتوصل فيه انه يترجاني اغيره
وانا فكرت اذا ارسل مراح ارد كم يوم وبعدها ارد ولرجعت عنده البيت راح يتغير اسلوبي معاه اشياء كثيره راح تتغير هذا الشي الي حاطته براسي وبعاقبه فيه لان سبق جربت وجاب نتيجه بس ذي المره راح احسسه انه انسان عادي واقوم بواجباتي اتجاهه فقط لاغير لين يعتذر ويحلف مايعيدها

اختي باهيه انا فكرت في كل شي اذا سويتها مشكله صدقيني الرجال راح يطلق و يمشي ولاتنسين نقطه
انا اختي مطلقه ولو الله لايقدر تطلقت انا راح نكون بعين الناس البلاء فينا حنا يالبنات ؟؟؟

اما تنحل بود او لا
واذا تدخل اخوي خلاص زوجي بيعافني

امي حكتني عن صبرها لابوي الله يرحمه وبصراحه لو انا مكانها ماصبرت لابد من المشاكل واخوي قال مو معقوله اسحب الرجال واقله ليش ترميها عندنا كذا ابين له انك حمل ثقيل علينا الافضل ابين له ان وجوده وعدم وجوده واحد اننا راح نقوم فيك ومراح نقصر معاك اما اذا سحبته وحاسبته ليش ترميها وكانك حمل ثقيل واحاسبه على عماله وهو بيته يعزم الي يبيه بامكانك تتفاهمي معاه بذا الشي بينك وبينه وتوصليها لامه تشتكي لها اما انا اتفاهم معاه على اشياء زي كذا يقول صعبه وكمان لو تفاهمت معاه خلاص ودعي حياتك الزوجيه لانه راح يطلع مكسور ولاعاد بيرجعك

قالي اخوي احنا معاك باي شي انتي تبغيه بس انا بسعى لصلاح بيتك اذا انتي مازلتي تبغي بيتك واذا حابه تطلقي وترجعي مثل اختك وتخربي بيتك مراح تستفيدي شي

لو بجلسه مجلس رجال لازم يكون بيدي حجه قويه كالضرب او انه يرميك هو بنفسه عندنا مو انتي الي طالبه الزياره

وهذا انا مطنشته واحس انه بيرجع من صور العرض الي حاطها حاسه انه راح يرجع والحساب حيكون بيني وبينه

يا اختي انا قصدي كيف سترجعين البيت
بتنتظريه يرسلك
او يتصل يقول انا بره اطلعي

وإذا طول و لا اتصل

وإذا قال لك وش قالوا اهلك
يعني جالسة بدون اغراضك

__________________

ومنطق اخوك غريب صراحة
هو ما يحتاج يُبين له انك حمل ثقيل
إنما يعاتبه ان طلع مشاكلكم برى
ممكن انه ما يدخل بتفاصيل المشكلة
لكن يتكلم بشكل عام
يقوله أختنا احنا مو عجزانين عنها. لكن كنت أفضل يا فلان
تحلوا مشاكلكم لوحدكم بدون تدخل منا
(ليحسسه انه هو من اقحم اهلك)
أليس هو من تركك و انت ترجيتيه بالرسائل
الحين بيصير فشيلة أنكم تناقشوه؟؟؟!عجيب
اصلا هو الحين منحرج
لكن بصمتكم التام
بيفرح و يقول. حسوا انهم غلطانين
وغلط فصل الموضوعين عن بعض. اي خروجك السابق
لأنه أعاد الكرة و ليس ان ذاك موقف و ذَا موقف


مو المقصد أنكم تتهاوشون معه
المقصد انه يحس على دمه.

__________________

و ما بعد الزيارة
لماذا لم يرجعك؟
انت طالبة زيارة و ليس زعل

بكل بساطة اختي. لا يعاتبه و لا يبدأ هو بالنقاش
يسأله سؤال بسيط
اختي طلبت الزيارة و اتصلت و لم ترجعها. عسى ما شر يا يو فلان
هنا هو اللي بينحرج و يستسخف سبب تركه لك. مش انتو!!!!!

وإذا قال. قالت كذا و كيت و كيت
هنا قولوا انت يا فلان طلعت المشكلة برى البيت و مشكلة تافهة مثل هذه تحل بينكم
والزواج رحمة و مودة (كلام عام) مَش لازم يقوله ان الطبخ صعب مع رضيع مع هالعزايم
للاسف حتى اخوك اللي مايحب تهان المرأة. يتفشل انه يطرح هالسبب!!
وكأنها آلة. عادي يعزم ببيته اللي يعزم

الله يفرج عنك. و مو لانك خايفة من الطلاق و أمك صبرت
خلاص تقبلي على نفسك
احد الحلين. اما صبر او طلاق !

__________________