انا اقول اسكتي لوقت الابتعاث..بعد الابتعاث ومع الغربه بتقربووون لبعض..ويمكن يتركها للابد..اضغطي على نفسك قليلاً وتغافلي هالفتره،،،،بس انا مستغربه انتي ليش مصره انه يروح لامرأه؟؟؟ مع انه مافيه ولادليل!!!

مايجرحنا الا خيانة من عيشونا في بحر وفائهم

يتعبنا من وهبناهم اخلاصنا واوهمونا بالوفاء

اسدلوا غمامة على اعيننا غشاوة حبهم فتمكنوا

ارتوينا قوة من حبهم وقوة وفائهم واخلاصهم

وحين زال الغمامه والغشاوة

انكسرت القوه التي عاشت بهم

يحدث لنا تضاد

ندافع عن انفسنا وارواحنا التي كانت اسيره فتحررت

مااسوء هذا الشعور

محاولة ارجاع كل حق لنا من هنا

تعلقي بالله

علمت ياخواتي انها امراة ،،،،ام مطلقة او ارملة او ربما لم تتزوج إلا على كبر
استطاعت بطريقتي جرجرته بالكلام من خلال حديثي معه عن زواج المسيار
وعلمت كذلك انه اختار كبيرة في سنها لانها يريد عاقلة حتى لاتسبب له مشاكل مستقبلا
ولكنني ما ذاهلني علاقتهما الفراشية السريعة وهنا علمت ان لا يوجد ارتباط عاطفي بينهما او ربما لم يقتنع فيها شكليا ،،،،،،وربما هي أرادت منه هذا الشيء بحكم انه لا يصرف عليها ريال واحد
جاء ودخل علي وجدني جداً حزينة لم استطيع البوح لان البوح سيكون باب للطلاق
ولكن هو حاس انني مشغولة فكريا حاس في شيء
تخيلي ما سال عن المفتاح
تدرون الخطوة ودي اجربه عالشقة واذا فتح لكن أخاف تكون موجودة تحس عادى ويش أقول
حلف على المصحف اذا جبت دليل انه له علاقة باي حرمة أيا كانت العلاقة قال أتنازل عن عمارتك لك وكأنه يتحدني أجيب الدليل ويش رأيكم اطب عليه وهو عندها ،،،،،
أرشدوني جزاكم الله خير او اتركه لاني خائفة اذا اخذتها منه تصيبه جلطة لانه تعتبر قاضية عليه شوري علي وأكتبوا الأسباب في رأيكم لي ،،،،،، دب الأمل في
ترى هذا اكثر شيء حرقني اني أعطيته وغدر في وطعني في ظهري

انا مع المواجهه بس خذي معاك شاهدين منها تكسبين العمارة وتنكسر عينه عشان مايكذب ولا تخافين ماراح تجيه جلطة ولاشئ انت مهوله الامر .. اما لو رفضتي هذا الاقتراح وهو الحل الوحيد فخلاص انسي الموضوع و لاتحزني ولاشئ لأنك اتخذتي قرارك بيدك اما انك تجلسين في داومة كذا هذا ماينفع ابدا..

مع خواطر ..
ليش يا اختي متردده .. لا تتعذرين بالطلاق انت ما تبغين الطلاق من الاساس .. خلاص وش حادك لا تتطلقين .. اما تتركين الامور كذا معلقه وليتك مرتاحه ،،
حبيبتي احسبي السلبيات والايجابيات في دخولك الشقه ..
السلبيات ..
1- بحرج زوجي واطلعه كذاب ..
2- بتصير مشاعرنا على المكشوف بدون تمثيل لا مني ولا منه ..
3- بيصير غدره لي حقيقه واقعه لا يمكن انكارها وتجاهلها ..

الايجابيات ..
1- اوقف المهزله والاستغفال ..
2- استرد عمارتي ( تبي يا ابو فلان نلم الموضوع وبلاش طلاق وتشتت ترجع لي كل ما دفعت لك )
3- اوقف النزيف اللي بقلبي بالكي .. اذا شفت بعيني ..
4- ارتب اموري قبل البعثه وما اتركها معلقه وبايده القرار ..

زوجك ما حس عليك الا من جرك له بالكلام .. بطلي ..

الله يكون في عونك ويربط على قلبك ويخلفك في مصيبتك بخير ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

" قلبي سر معاناتي "

دايما المس فيكِ المرأه الحكيمه

انصحج بصمت لأنك صرحتي اكثر من مره ان زوجك رجل فيه مواصفات رائعه

صدقيني هو لكِ
وسيبقى لكِ

فلا تضيعينه وتخسرينه

هي نزوه سوف يندم عليها

كلامك أثلج صدري
تدرين اليوم سويت شيء في الطباخ وضعت الشربة والمكرونة على بعضها بقدر واحد وما نتبهت إلا بعد ما حطيتهم على بعض و أنادي ولدي سريع واقول تعال ساعدني أبوك لا يدري
وجاء ساعدني ويقولوا ياماما أشي شغال عقلك ياماما سلامات عليك وأقوله ساعدني ولا تفلسف علي أبوك لا يسمع
فكري صائر مشلولا وذهني مشغول ولا كمان المواعين كل شويه طايحه من يدي وصرت مثل المربوشه المخفوفه ياقلبي على قلبي

ههههه ياقلبي عليك.. مالومك... لو منك قدمي له الشوربة مع المكرونة سواء.. خليه يعرف ان الحياة مو دايم ربيع وقمرا ... واليوم شوربة ومكرونة بكرى قدور وملاعق على راسه (طبعا امزح)

شوفي ياختي طالما حلف لك ليه تتعبين نفسك بالتفكير؟ ...يختي صدقيه وريحي بالك...واذا مره متضايقة قولي له يسافر فيكم بالعيد غيري جو... ياختي طالما انه رجال يخاف الله فيك ومرتاحة و يعيالك يفقدونه اذا غاب... عديها له... ولا يحترق قلبك على فلوسك ... صدقيني بترجع لك.. مليون بالمية بترجع... لان عندك عيال والعيال يحتاجون مصاريف هو بيصرف... يعني سمنك بدقيقك
اختي كثير كثير من الزوجات يصرفون على بيوتهم واللي بنت بيت واجبرها تكتبه باسمه واللي مايسافر فيها الا على حسابها واللي بطاقتها الصراف معاه (هذي مو قصص خيال اعرف صاحباتها).. وليته يعاملها باحترام... يهينها ويستحقرها ويضربها وماخذ حلالها كله

اختي انا متأكدة هذا كله من الشيطان ... تعوذي منه.. وادعي ربي يفرج همك.. ومثل ماقلت سافروا اطلعوا انسي.. ولا تفكرين كثير بالموضوع... وانا رايي طالما حلف صدقيه..

نسمع عنك اخبار حلوة عن قريب يارب

فعلا.. رميك للكلام مافي منه اي فايدة..

لا رد حقك لك ولا رده عن اللي يسويه..

قلنا لك قبل لاتجيبين الطاري لا من قريب ولا من بعيد

بس خربتي على نفسك..

__________________

اختلافي عنك لا يعني اختلافي معك