يا فارس خليك ريلاكس حاول تتخلص من التوتر والقلق اللي إنت عايش فيه، طالما إنت متوتر ما راح تنصلح أمورك مع زوجتك ، ماراح تنبسط بحياتك ، أضيف لذلك وزنك قليل لأنك تأكل في نفسك وجالس تحرق في هالسعرات !!

في خاطري سؤال / إنت هاذي شخصيتك من يوم إنت عزابي ع طول متوتر ولا هذا شيء استجد عليك بعد العرس خصوصا بعد مشاكل الإنجاب .. ؟

أعطي زوجتك مصروف شهري كحد أدنى ألف أو 1500 ولا عاد تعطيها غيره خلال الشهر .. خليك حازم وشديد تعلم تقول ( لا ) لأن الإنسان اللي مايعرف يقول لا يتعب بحياته كثير .

(لا تجامل على حساب ظروفك المادية وظروفك النفسية)
ما في شيء بهالدنيا يستاهل تحرق نفسك عشانه هالكثر !

واجباتها في البيت إذا ما قامت فيها أستخدم معاها اسلوب العقاب طالما إنها ما تفهم على لغة البشر اللي هي الحوار .. لا تطلعها .. لا تعطيها مصروف ذاك الشهر أو نقصه لها .. الخ

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

لا كنت عادي بس طبعي اني اخذ هم الشي يعني اي شي يجيني لازم أحله اذا ما حيلته اتعب ما اعرف اتعايش مع اي مشكلة لازم احلها بسرعة وزيزي ضغط الأعصاب والتفكير
سالفة الانجاب جديدة مو. زي المشاكل قبل لانها اكبر
طبعا من صغري تحملت ضغط لان أبوي توفى وانا في الثانوي وتحملت مسؤولية أسرة كبيرة انا اكبرهم
دون سند ابدا لا قريب ولا بعيد تاخر زواجي لهذا السبب
لكن ضغط الانجاب يكسر الظهر اكثر ويتعب الرضا بالقضاء الحمدلله على كل حال
لكن التفكير يذبح وانا اخذ هم اي شي ما ارتاح الا اذا انحل وأفكر في الناس كثير وأخذ هم اي انسان
حتى على حساب نفسي هذي من مشاكلي اللي ما اعرف كيف أتخلص منها
الجدية ما اعرف كيف افرضها يعني ممكن يوم جدي لكن طبعي بشوش وامزح كثير لكن اخر سنتين اكثر وقتي ابحث في النت ابحث عن اي علاج واجرب
الله يعدل الحال

فيه حبوب تستورد من امريكا تحرك الحيوانات ان شاء الله اجيب اسمها يستخدمها مرضى السكر شفاهم الله

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

بانتظارك اختي
اهم شي لاتكون بروكسيد بلس لانه استخدمتها

اخي الكريم مع وضعك النفسي هذا ، ولا علاج راح ينفع معاك ! ..
الحل ،، متابعة مع استشاري نفسي ( هالشي مايعني انك مجنون بل محتاج مساعدة من مختص) لحتى تقدر تحط النقاط على الحروف ... ابدأ بحل نفسك بعدها راح تحل باقي الامور من نفسها .... اترك موضوع زوجتك حاليا وركز على نفسك ..

اخي الكريم انت قلت ما ارتاح الا اذا حليت الموضوع ! افترض لم يحل مع كل العلاجات ؟ في ناس مافيهم الا العافية ويتاخرون سنين طويلة كلها بقضاء وقدر من رب العالمين ...

كانك تنقل قصتنا قبل ثلاث اعوام من ناحية الانجاب
صدقني زوجتك فيها خير بس انت قتلته بتساهلك معاها
لاتغير مرحك وابتسامتك بس خليك حازم معاها
مثلا الغداء يكون في وقته وملابسك ماتخليها تطول بسلة الحمام
بعد الغسل تكوا ع طول
العصر او بعد المغرب تكون قهوتك جاهزه سوا جبت معاك حلا وتمريه من برا او هي سوت
المواعين ماتنام لين هي تغسلها
هذى بنسبه لامورك انت
اما المصروف انضر له من ناحيتين اذا هي ماتقدر تمسك الفلوس وتطيرها اول ماتمسكها في هذه الحاله عطها اذا طلبت وقول لها لك مبلغ في الشهر محدد
واذا واثق انها راح تصرف المبلغ ولا راح تطلبك غيره اعطها بيدها
ودي انبهك على حاجه
والله تاخر الحمل الم نفسي مايحسه اللى اللي جربه
واكيد هي تحس به انت احتويها احضنها نادها باسم الدلع
صدقني هذي هي اللي كانت تخفف عني الم الانتظار

بقول سب انجابنا بعد الانتضار لعلها تكون سبب برزقكم بذريه
راجعنا اطباء ومراكز ولم نرا نتجيه سوا الام الجسدي قبل النفس من الادويه

قررنا ان نذهب لطبيبه شعبيه ذهبنا عندها كانت مشهوره بمنطقتنا عندما جلسنا عندها طلبت منا ان نسوي فحص شامل في المستشفى ونقول لها ايش سبب تاخرنا
اخبرناها مماكنا نشكي منه واعطتنا ادويه
وكان مكتوب عليها كل التفاصيل واستخدمناها كماقالت
والحمد لله
ثاني شهر من الاستخدام ربي رزقنا بالحمل
والان لدينا طفلين والحمد لله وانزاح هم كبييييييييير عن حيتنا
ذكرت ماذكرت لعلها تكون في صلاح امرك ورزقك ربي بذريه الصالحه الباره

ياخي الكريم ارحم نفسك ..لا تأكل في نفسك ..وزنك قليل جدا ..اهتم بصحتك هداك الله ..لكل مشكله حل والحل بسيط ..خصص لها مصروف شهري ووضح لها انك مضغوط ماليا واطلب منها بحزم ان تكوي ملابسك وتطبخ لك..ما اراه انك تريد منها ان تبادر هي بغسل وكوي ملابسك دون طلب منك ..وكن واثقا بنفسك فلا ذنب لك في مشكله الانجاب ..واستمر بالعلاج لتاخذ بالاسباب وتوكل على الله ..يبدو لي انك صابر عليها لتغطي عن موضوع الانجاب الذي يؤرقك مايعني انك تحمل نفسك الذنب..ليس لها فضل في الصبر عليك لحين ان يتم شفائك طالما انك خيرتها بموضوع البقاء او الانفصال فهي قد اختارت بملئ ارادتها لذا عليها القيام بدورها كزوجه من طاعتك ومراعاه ظروفك ..وكما قلت لك كف عن لوم نفسك وتصرف معها بحزم ووضح لها طلباتك بأن اريد منك كذا وكذا ..ربما تجد منها انزعاجا او تمردا في اول الامر لكن لا تبالي ..الله يشفيك ويمن عليك بالذريه الصالحه

وديتها أهلها في مدينة اخرى سافرت ولما وصلنا طلبتني مبلغ زيادة
اعطيتها وانا غاضب قلت لها الشهر ارهقتيني حدود 2000 ريال ولا أخذت منك شي
ورحتي عند اهلك كما العادة في العيد وبس رجاء لا تتصلي علي تسوين تحبني وخايفة علي
لو تقدريني اهتميتي في وراعيتني بالفعل لانه رجعت بنفس اليوم
والحين بطنشها بتفرغ لنفسي بالعيد
يبدو ان طيبتي استغلتها والحريم اغلبهن ما ينفع معاهن الا التطنيش
عشان تقدر النعمة اللي عايشه فيها

مشكلتك ماتعبر
الحين هي رايحه لاهلها من وراك
شلون توديها وعقب تعصب وتتضايق
اما توافق على طلباتها بنفس زينه
او ترفض باسلوب
ولكن توافق عقب تزعل وتاكل بنفسك ماهو حل

وش الحل لو رفضت تبقى تزن
ووتحلطم قلت لها عيدي معي قالت أهلي وانا لحالي ووووو
الزعل هو اعلان عقوبة بأدب لان الوسائل الاخرى ما نجحت معها
وحتى هذا ما تنجح بس على الأقل أضع لنفسي قيمة
لتعرف حجم ما تفعله في