أرسلو لنا واحد من طرفهم يقول إن طليقي يبغى يشوف بنته قال ابوي طيب يجيب نفقة بنتي وبنتها ويجي يشوفها
طبعا كل ذا بس تسكيت لنا عشان خايف نعلم أهل العروس بلي صلحه
مر أسبوعين ونص ولا جاء ولاشئ يبغى يشوفها ولايصرف عليها

والي بيردون يقولون ليه تطلبون نفقة والله من حقنا ابوي مو ملزوم فيها وذا الإنسان وأهله في حياتي ماشفت زيهم كذب وظلم الله يجعلهم يشوفونها في بناتهم

بنت ولدهم ماحرموها خلوها مثل اليتميه وعيالهم يصلحون لهم حفلات تخرج وووو

قهر وحسرة في قلبي لما أتذكر كيف يتكلمون عني عند جماعتهم بظلم عشان يمشي سوق ولدهم
غلطة عمري زواجي من ذا الإنسان


حتى وأنا مبسوطة أتذكر ظلمهم كذبهم علي بعد الطلاق بأشياء أقسم بالله العظيم ماصارت
فجأءة اجلس أبكي

والي بيقول انتي غلطانة كمان انا انسانة مو معصومة من الخطأ أرسلت له 4 من عماني وخالي يكلمونه يصلحون واعتذرت له لدرجة أنه غلط على أبوي
الله يكتب أجري بس

والله ياناس لما أتذكر رميته لي يوم حملت وكيف طلق وكلامه يوم ولدت وكيف تبرأ من بنته
أحس نفسي رخيصة مالي قيمة ماكني بنت ناس كأني من ال ...... الي يلعب فيها واذا حملت تركها وراح تزوج وفوق ذا يمن علي حتى بفرشة الأسنان الي جابها لي

كل من شاف بنتي دعا على ابوها

أقسم بالله العظيم مظلومة في اشياء كثيرة مو قادرة أثبت برائتي

أدعو لي الله ينصرني ويظهر برائتي ويعوضني انا وبنتي خير

اختي توكلي على الله
وبنتك الحمدلله بنعمه
دام اهلك يحبونها
خليه يشوف بنته
ونفقتها طالبي فيها بالمحكمه

مارفضنا يشوفها بلعكس انا ودي يشوفها على الأقل عشان اتطمن على بنتي أن أبوها يشوفها ويسأل الله يسخره لها
حتى دراستي أهلي يقولون خلاص ربي بنتك لاتكملي
جاتني وظيفة ماقدرت أوافق عشان بنتي


أتمنى من الكل يدعي لي

ليتكم خليتوه يشوفوها اول مره بدون مقابل
يمكن يحن و يرق قلبه عليها

ابوي من قهره وينه قبل 5 شهور ماقال ابغى اشوف بنتي وش فيه يوم تزوج طلب يشوفها
والغريب أن اتصال الشخص جاء بعد زواجه بكم يوم يعني المفروض يكون مشغول بعروسته

لو كان من قلبه يريد يشوفها ما برده شي لا ريال ولا دينار

__________________

طليقك اناني يحب نفسه ماله امان اصلا
الله ياخذلك حقك دايم قولي حسبي الله ونعم الوكيل

ياقسوة قلبه احمدي الله الي نجاك وحقك بتاخذيه بالدنيا قبل الاخرة ثقي بان الله لايرضى بالظلم
وحق بنتك طالبي فيه بالمحكمه وهو عاقبة ظلمه بشوفها بحياته

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

طالبي بحق بنتك بالقانون..

واذا من جد تحبينها.. عزي نفسك وعزي بنتك بعد ربك وتوظفي..

__________________

اختلافي عنك لا يعني اختلافي معك

نصيحة من قلبي تناسي ظلمه وظلم أهله حتى تنسينهم تماما
الله أعطاك بنية ما أعطاك ولد..استشعري وأنت تحسنين إليها وتربينها على مايحب الله ورسوله أنها ذات يوم ستكون لك سترا وحجابا من النار..

لم رفضتي الوظيفة؟
بالعكس أنت الآن أحوج ماتكوني للوظيفة..ارجعي للوظيفة اشتفلي واصرفي نفسك وبنتك..واتركي بنتك عند أهلك وأنت في الدوام فهم يحبونها وهي عندهم في أمان..

بالنسبة لشوفة طليقك لبنته .. افصلي بين نفقته عليها وبين شوفته لها..الموضوعين منفصلين..

فكري بعمق للمستقبل..
البنت إذا استمرت ماتشوف أبوها ولا تعرفه ولا تعرف أهله.. يصعب عليك مستقبلا تزويجها أو السفر بها للخارج أو أو....الخ كااافة الأمور التي يترتب عليها موافقة ولي الأمر..(الأب)..ربما يعاند ويصبح التفاهم معه عسيرا..
لا تصعبي على نفسك أمور بنتك المستقبلية..

صحيح أنت مقهورة وقلبك محروق لكن فكري بمصلحة بنتك فهي ثمرة حياتك ومستقبلك الجميل بعد الله ..فكل ماتزرعينه اليوم ستحصدينه غدا..
والمظلوم توعد الله بنصره..كوني مطمئنة دوما.