الله يكتب لك مافيه الخير

وش أسباب ميولك على أن تقدمي على بريطانيا؟

__________________
ياصبحِ لاتِقبل !!
عط الليل من وقتك..

لو إني غير متزوجة و لا عندي اطفال ..

كنت رحت أمريكا أو كندا ، بدون أي تفكير ..

لكن كلمت أعز صحباتي و اللي هي في امريكا ، و حكت لي معاناتها مع أولادها و الدراسة ..
و قالت لي نفسسسسس اللي انت قلته تقريبا عن امريكا و عن نظام الدراسة عندهم ..

و أنا عارفة إنه نظام الكورسات و الاختبارات اللي قلتها أخوي نيت مان ..
و نظام حضور المحاضرات و أخذ درجة معينة و لا تقل عن مستوى معين ..

ما راح تناسبني و توترني كثير ..
شفت نفسي في اختبارات الأيلتس ، و شفت نفسي في الماستر في مادة كنا نختبرها ..

كنت في الماستر أقول لنفسي متى أخلص و أبدأ الدكتوراة ..
و خلاص اصير مثل بقية الطلبة ، كل ويك اند .. يسافروا مع أطفالهم ..
و طوال أيام الأسبوع مشغولين بالدراسة و الأبحاث ..

بينما حكاية الكورسات و الإختبارات و الدرجات هذه ..
راح تخليني اعيش في قلق .. مابغى اظلم أولادي معايا ..

عندي طقوس للاختبارات كنت أعملها في البكالوريوس ..
أواصل يوميا ، و ألبس لون اسوووووود .. و اذاكر كل شي ..
و تركيزي عالمادة و ماحد يقاطعني ..

دحين ماقدر على كذا و معايا أولادي ..
أتوقع نظام الدراسة - لمرحة الدكتوراة - في بريطانيا راح يناسبني أكثر

خاصة اني كنت اختلط بطالبات الدكتوراة و أشوف طريقة دراستهم ..

( أولادي في قمة الهرم ) ..
أبغى مصلحتهم .. و راحتهم ..
و أبغى أعيش أنا ايضا مع طفولة أولادي ..

يكفي تجربتي السابقة مع الغربة ، و البهدلة اللي تبهدلتها ..
ما أبغى أرجع اتبهدل من جديد .. و مع ثقافة و دولة جديدة ..

لكن ما يمنع الشي هذا ، إني أبحث عن قبول في الدولتين ..
لعل و عسى ؟

ياروح الطير إذهبي إلى مايمليه عليك قلبك واحساسك، واستخيري وتوكلي على الله، وغالباً الشعور الشديد لشيء ما، الطريق الصحيح والنجاح هو باتباعه.
اتبعيه وهو نوع من الوحي والقدر الذي ينير لك الدرب الصحيح.
وفقك الله.

__________________
ياصبحِ لاتِقبل !!
عط الليل من وقتك..

كلمت زميلتي الي في امريكا و خوفتني
و فيه مشاكل كثيرة بتواجه زميلاتنا الي في امريكا
و فيه بعضهم رجعوا من نص الطريق

و العميد كلمته و شجعني اروح بريطانيا
قالي انت مو مستعدة تعيدي تجربة الغربة من جديد
و روحي دولة تعرفي لها و لا تروحي لدولة مستواها اقل من بريطانيا
كانت مجرد نصائح منه .. لكن مو اجبار

اخوي مثابر ليه امريكا !؟
و ليه مو بريطانيا !؟

بريطانيا اعرفها و اعرف انظمتها و قوانينها و حافظة الطرق تقريبا
حتى ممكن اروح لها بنفسي و ما أضيع فيها
و متعودة على طريقة الدراسة .. كذا قالي العميد

بس راح أغير تخصصي الدقيق لتخصص انا احبه
مو مثل الماستر اخترت شي معقد ونسيت انه ورايا بيت و زوج و طفل و مسؤوليات

العميد متخرج من بريطانيا؟

عندنا في الجامعه المعيدين يريدون بريطانيا لسهولتها

بينما اعضاء هيئة التدريس (اللجنة) ترفض بريطانيا وتجبرهم على امريكا او كندا بسبب ان الدراسة افضل بكثير في امريكا وان الدراسة ببريطانيا كلام فاضي (فقط بحث وبس)

هذا واحد

اثنين

احس بريطانيا مقفلين ولهجتهم مضحكة (مع انها هي فصحى الانجليزية) وعيالك راح يستفيدون في امريكا اكثر من بريطانيا لانفتاحها العلمي

والله اعلم

يمكن اني تعودت على الحياة المنظمة في بريطانيا ..!؟
و على حياة الجمود .؟

عموما هو الدكتور تقريبا عارف انه عندي ظروف شوي ..
فنصحني نصيحة اخوية ، إني أروح لدولة أنا عارفة قوانينها و انظمتها ..
و قالي يا بريطانيا أو أمريكا أو كندا .. و ما انزل عنهم ..

قال حرام بعد ما أخدتي الماستر في دولة مستواها عالي ، تروحي للأقل ..

روحي أمريكا يا روح تجننن

والحياة فيها حلوة وسهلة ومرنة..

لو أنا منك أروح محل جديد واصنع لي ذكريات جديدة

اشراقة ، إنت رحتي لأمريكا دراسة و لا مرافقة ؟
لإني كنت أشوف المرافقات لأزواجهم ، ماشاء الله تكون مرتاحة و مبسوطة ..

عكس اللي مبتعثة و زوجها مرافق لها ، كل شي فوق راسها ..
و الملحقية تتابعها أول بأول ..

المدينة اللي اتمنى أروح لها ، من المدن اللي كنت أتمنى إني أعيش فيها ..
و فيها انشطة حلوة و اماكن حلوة و موقعها استراتيجي ..

يارب بس تتيسر لي ..

انا رحت مرافقة وصح كلامك كنت مرتاحة ماعندي اي ضغوط !

اختي نفس حالتك حاليا بامريكا هي المبتعثة وزوجها مرافق

زي ماقلت مضغوطة الله يعينها

بس هي الحياة كذا يبغى لها شوية كفاح وصبر وطولة بال
عشان تحققي هدفك وتأمني مستقبلك

الله يكتب لك اللي فيه الخير يارب

يمكن بريطانيا اسهل بالدكتوراه
ماجربت صراحه
لكن بريطانيا او امريكا المهم جامعات لها وضعها والقسم حقك يحترمها
اما المعيشه برضو ما جربت بريطانيا
امريكا لها سحرها ببساطتها
بريطانيا غاليه واحس بيوتهم ضيقه
لكن امريكا ايجارتها ارخص وممكن تاخذي سنقل هوم بالراحه وباك يارد وعيالك يلعبو وينبسطو ويعيشوا طفولتهم
مدارس امريكا اتعب واقول روعه
لكن سواء بريطانيا او امريكا الخيارين كويسن
في حاله توفر قبول
المهم بلشي
لاتخلي الوقت ياخذك كذا
موفقه حبيبتي روح
واعرفك ماراح ترتاحي الا لما تكملي لانه طموح لك
فلا تضيعي وقت كل مازا ت مده الشخص الي يبعد عن الدراسه راح يحس بملل
الله يوفقك يارب