الله يوفقك ويرده لك رداً جميلاً .
ولكن لاتلحي كثيراً وأعطيه مساحة لحرية التفكير والقرار.

!!!
اخي مالفرق اذا قبل العدة أم بعدها؟؟! الطلاق حصل وانتهى ..
ولكن إذا حاولت وبادرت مالمانع إذاً؟؟! ألا يعطي المرء من أحب فرصة؟؟ خاصة مع وجود الأبناء ألا يستحقون تضحية ؟! النساء غالباً يكابرن يظهرن عكس مشاعرهن الحقيقية .
أما بالنسبة لوجع الراس بإمكانك تلافيه بحلول كثيره غير الطلاق.!

المعذره من صاحبة الموضوع ..

مرحباً

إسمحي لي بالعودة للمرة الأخيرة

أرجو أن تراجعي أول رد لي وقصة صديقي الذي أخبرتك بها

وحتى تصلي للمعنى... سنفترض العكس

لو كنتِ أنتِ المصرة على طلب الطلاق... وبدء زوجك في إرسال الرسائل لك أو الأتصال وأبدى شوقه ورغبته بالرجوع لكِ وأنه سيتغير من أجلك ويلبي لكِ جميع طلباتك... فماذا سوف تشعرين وقتها وماذا ستفهمين... حتى لو كنتِ كارهته جداً ومصرة جداً على عدم الرجوع


لذلك...

لازلت أنصح بالتودد لزوجك ومواصلة إرسال الرسائل الرقيقة التي فيها شوق ووحشة ومحبة ورغبة في التغير... ورغبة أشد في أن يتربى الطفل بين أبوين مجتمعين

لا تيأسي بدري... لمجرد كم رسالة أرسلتيها وتقولي لم يرد علي

أنتِ فقط أفعلي مابوسعك وإن شاء الله بتتحسن الأمور

وإن لم تتحسن... فعلى الأقل لن تلومي نفسك بأنك حاولتي مراراً لم الشمل ولكن قدر الله وماشاء فعل


أعانك الله

صحيح وكلامك مازال في بالي .. بس ماحبيت كل شويه ازعجه بالرسائل ..
سألته الان ليش ساكت ومايرد عليا ..
ف اخير رد عليا .. وكلامه كله عتاب انت قلتي وانت فعلتي وانتي طلبتي الطلاق
والا بعد ماطلقت وسمعت كلامك ايش تبغي مني !

لاحظت من كلامه انه متردد ..
لانه قالي : خلاص روحي كلمي خالك اذا عندك شي ..

قلتله دا شي بيني وبينك بعد مانتفق نكلم خالي واهلي ..وسألته ايش تبغاني اقول لخالي
رجع في كلامه وقال انا ماقلت تكلميه وخلاص الله يرضى عليكي انا مسافر عشان اغير جو
من المشاكل الي صارت ..

مادري ليه غير رأيه

بالعكس رده يطمن لكن باقي شايل منك
وما ينلام خراب البيت يوجع نفسية الرجل وخايف يعطيك الفرصه بسهوله تضيعينها
فردت فعله طبيعيه جدا جدا
ومع ذلك واضح انه يبي الصلح لو ما يبيه عطاك حظر وقال تواصلي مع امك بخصوص الولد

احمدي الله ان فيه امل
واستمري على ما اخبرك يه الرسمي

من رايي ردي عليه قولي ادري انك باقي شايل عليه وانا اعترف بغلطي وووو

وصدقني انا ندمانه وعرفت قيمتك في حياتي وحياة ولدي
واعطني فرصه اصلح غلطي ونربي ولدنا ببيت مستقر
وووووو
واختميها ب ما نسيتك يا الغالي " تجيب خبره "

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

كلمي خالك خليه يتوسط بينكم
حتى لو كلمتيه من قبل
زوجك فيه امل يرجع
الله يرده لك ردا جميلا

__________________

مر 3 اسابيع ع ايام العده ..

بررت له كثير والله ..
وبحاول اتواصل معاه اكثر واجرب

زوجي مقاوم لأبعد درجه

يديك العافيه ..

اسرار ارسلي بدون ماتنتظري منو اي كلام او ردة فعل لفتره
خليه ع راحته وانا متأكده حيردك..
ارسلي صباحيات
فيساات
اشتياق اشياء كذا حلوه تشوقه لك وتحسسه بحبك له وندمك وانو شاريته
ارسلي صور لولدكم بدون اي كلام ثاني
زي ليه ماترد او عتاب
دامه يقرأ ولا يرد معناته حاب تواصلك
فأستمري ...
بس ركزي انو ماتسأليه ليه ماترد او تعاتبيه ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

من رأيي الآن دام قد وصلته الفكرة أنك ودك ترجعي كفاية، لا عاد تزيدي من هذا الكلام حتى يرجع من السفره، حالياً إذا تشوفي أنه مناسب أرسلي له ما بين يوم ويوم رسالة أو رسالتين، الاولى صباحية صباح الخير ويسعد صباح من يشوفونك...واعطيه باختصار من الكلام الإيجابي. والثانية بالليل ، تسأليه عن صحته وكيف حاله، و كيف الجو في باريس وتقولي ليتنا معاك أنت وولدك ونسعد بشوفتك ، ولا تكثري من الكلام إلا شفتي أنه مرتاح ؛ ﻷنه مثل ما قال يريد يغيير جو والظاهر أنه مجروووح ويبغى فترة نقاهه ،والله يعينه على نسيان جرحه.

الرحل يحب القليل المختصر، والاعتذار بين الأحبة ما هي مذلة.

واعتذر ايضاً من صاحبة الموضوع

لا فيه فرق يا اخي

هذه اصلا هي الفرصة الثانية الفرصة الاولى لكلينا لم تكن ذات جدوى والثانية فشلنا تماما في الوصول الى حلول ترضينا احياننا تصل الى طريق مسدود أما يمين او يسار الجدار بوجهك لاسبيل للإلتفاف او العودة للوراء

عموماً طليقتي ليست مثل الاخت هنا ترغب بالعودة بقوة

لو بعد الطلاق وجدت رغبة في العودة وتصحيح الاخطاء لكل حادث حديث

لكن مكابرة ووقت العدة اطلبها الرجوع وترفض وتتمسك بشروطها اما نفذ او بلط البحر هذا جداً صعب على نفسي تقبله

لكن بعد انتهاء العدة -- خلاص انتهى والحمدلله على قدرة والله يعينني على تربية هالاولاد والحمدلله العيال كبروا تقريباً مرت سنة على طلاقنا والصغير السنة الجاية بيدخل اولى ابتدائي والحمدلله

لو بالعدة وحصل منها اتصال او رسائل او محاولات للصلح مثل الاخت هنا كان اعدت النظر ورجعتها

تدري اقل الايمان تتنازل عن شروطها التعجيزية وترجع للبيت على نفس وضعها السابق كنت راضي لكن هي مارضت

اما تنتهي العدة وتروح 3 اشهر ثم تفكر وتقول والله الرجال من جد ماله نية ينفذ طلباتي



طليقتي ليست سيئة لكن احنا غير مناسبين لبعض والله يرزقها من واسع فضله بالرجال اللي يعوضها خير وصلاح وينفذ شروطها

والله يرزقني ببنت حلال ترضى بوضعي وتعوضني خير

اخر نصيحة للأخت مازلتي بالعدة وتقدرين تكلمين طليقك بأي وقت استغلي هالوقت زين ذكريه بمحاسنه والخير اللي شفتيه منه وانكم محتاجينه بيرجعك ان شاء الله

ما اشوف مشاكلكم كبيرة بس وقت صحوة وصحيتوا منها والله يردكم على خير