طيب ياختي
مادام انك ماتضمنين اخوك
خبري امك بشكل غير مباشر وانه اخو صديقتك تزوج بالسر واهل صديقتك مايعلمون
وكانك تستشيرينها وشوفي ردة فعلها

وقبل ماتخبري امك اي اخ لك قريب خبريه
علشان يفكر معك بطريقه توصلون لااهلك هالخبر



ـ

غريب امركم اتهمتوا البنت انها رضت انه تزوجته بالسر ويمكن انا اخوها قالهم انا اهلي متوفين او ما عندي اخوان واحد يتجرا و يقدم على هالخطوة فلا تخافون عليه ما سواها الا صامل و لا راح يطلقها و ترى اقدامه على انه ورى اخته الموضع فهذا و لا همه احد و لو ناوي يطلقها كان خلها بالسر على طول فانا ماتهمت البنت قد ماتهم الولد و بالنسبة لي ما سوى خطا و اكبر دليل لو مفتعل فيها و تركها بدون زواج كان كلنا قلنا يتزوجها و يستر عليها بس هو جاء مع الباب مو مع الشباك ... بعدين استغرب تفكيرك وشو يقولو الناس ما دمرنا في حياتنا الا كلمة وش يقولو الناس زواج و صار و اذا اخوك فراسه ياخذها حتى لو عيو اهلك بياخذه لو بسر فعلشان كذا لا نمبر الموضوع و نطلق التهم نزوة شهوة يستغلها ماحد فيكم ما يعرف وش في قلب اخوها لن بعض العادات و التقاليد و العرف يجعل الواحد يتجاوز الخطوط الحمراء بسبب نفور الداخلي داخل المنزل

هو على باله راح يتجاوز الخطوط الحمراء ، لكن هو أصلا يكون يمشي في و داخل الخطوط الحمراء .

شوفي القبايل و نعم فيها بس وش العرف حقهم فلانه لا فلانه او انا من قبيلة ما ما نتزوج الا من نفس القبيلة او من قبيلة معينه او هذا قبيلي او هذا خضير فا فيه ناس ما يومن بهاذي الاشياء الي انا ابيها بتزوجها و لا علي من العادات فتقاليد فذا نوى هذا الشي راح يتجاوز الخطوط الحمراء و يكسر العرف



انا واحد من اصحابي عمره 35 مقتدر و لا عليه ولا ريال دين و عسكري وراتبه كامل له و بستطاعت يتزوج اليوم قبل بكرة بس رافض الزواج ليش ابوه يبي يعطيه من بنات عمانه فزع بامه امه ميده ابوة فزعع باخوانه اخوانه ميدين كذالك عمانه نفس الوضع الى الان ما يبي يتزوج من بنات قبيلته كامله و يبي من براء قبيلته كامله ويوم تناقشت معاه قال و الله ما تزوج الي انا ابي انا الي ابي اعيش معاها لو يوصل عمري 50 ما راح انا اتزوج الا الي على مزاجي فهذا واحد من الي تعدا الخطوط الحمراء و لا يرغب بالزواج التقليدي

اسمع كلامي اتركيهم كانك ما عرفت شي ولا سمعت شي ، وإذا عرفوا انك كنت تعرفين قول لهم خفت عليكم من الصدمه ، ولا تتابعين اخبارهم ولا شي ، و قول له اذا احتجت شي خبرني ، بعدين هو أصلا ممكن يستعين بغيرك ، ولا تتعرفين عليها و لا تعطيها وجهه و لا تسالي عنها ولا تروحين عندهم .

برأيي تسكتي وتقولي له اذا أهلي بيزوجوك قولهم الموضوع كامل وإنه مستعد يتزوج ثاني عشانهم لكن نبهيه إنه مايطلق البنت الي تزوجها أبداً إلا في حالة إنه يوديها لاهلها ويخبر أهله إنه طلقها ويتزوج ويخبر أهل البنت إنه متزوج وحصل مشاكل بينه وبين البنت ويبغى يتزوج غيرها فقط

اذا وافقت البنت انه عنده زوجه سابقه خلاص يرجع المطلقه بعد مده من زواجه

ليش أقلك كذا لانه هنا أهلك مارح يزعلو لو رجعها بعد ماتزوج وتزوج بنت ع كيفهم

لكن لا سمح الله طلقها عشان أهلك وتزوج عشانهم صدقيني الرجل وهو لازال صغير بمعنى إنه لسى ماشبع من زوجته مايحس بالسعاده إلا مع أول بنت عاشرها فالجديده مارح ترضيه وبيرجع المطلقه وبتحصل مشاكل بين أهلك وبينه وبين زوجته الي أختاروها أهلك

فالاسلم إنه اهل البنت الي أهلك بيزوجوها إياه يكون عندهم علم إنه متزوج وفي مشاكل ومايعطيهم كلمه هل بيرجعها أو بيطلقها

وبصراحه هذا إختيار أخوك وهو حر في حياته

لو إنه واثق إنه أمك وأبوك بيزوجوه المطلقه ماكان تزوج بالسر

لكن معروف الكبار مايرضو يزوجو الشاب مطلقه

الله يوفقه ويسخر أبوك وأمك له

مرحباً أختي

سأقول رأيي والله أعلم

1- أعتقد أخوك ليس بالبساطة أو السذاجة التي تتوقعيها .. فمن يستطيع الخطبة لنفسه والزواج بدون أن يحضر أهله معه وإستئجار شقة وتأثيثها بشكل كامل .. فليس بهذه البساطة

2- قد يكون أخوك صادق في تصديقه لزوجته بأنه منعها من الحمل حتى يتدبر أموره .. فهذه الأمور تبنى على الثقة والإتفاق

3- ليس لكِ علاقة بزوجته ولا تتكلمي عليها بسوء أو ظن سيئ .. علاقتك فقط بأخوك حالياً

4- تكلمي مع أخوكِ وقولي له لقد أقحمتني في الأمر وهذه حياتك وأنا أتمنى لك الخير والسعادة سواء مع زوجتك هذه أو غيرها .. ولكن كما أنت تهمني فكذلك والداي يهموني ولن أرضى أن يكون والداي مغيبين عن الواقع وهم يتمنون لك كل الخير والسعادة ويبحثون لك عن زوجة ثم تصدمهم في فرحتهم بك وتسبب لهم مشكله .. لذلك سيكون قراري كالتالي .. أنك سوف تعطيه فرصة وتسكتي عن سره لمدة شهرين .. وفي هذه المدة عليه أن يتصرف ويخبر والديك بطريقته .. وإن لم يفعل .. فسوف تخبرين أخوانك حتى تجتمعوا كلكم الأخوان على رأي وتحاولون أن تقنعوا والديكم بالموافقة .. وقولي له أن تصرفك هذا في مصلحته لأنه إذا كسب موافقة أخوانه فربما يؤثرون على الوالدين

5- ربما في خلال فرصة الشهرين تحدث أمور مع أخوك وزوجته وربما هو يطلقها من تلقاء نفسه أو بالإتفاق بينهما وبذلك تنتهي مشكلة أخوك في السر كما بدءت ... أما لو أستمرا في الزواج فقد قلتي له رأيك سابقاً



أعانك الله

اختي انا عندي حل مجنون شوي بس اشوفه اكثر حل
1- بيحافظ على زواج اخوكي
2- مناسب لسمعه اخوكي
3- اقلهم تاثير على امك وابوكي
بس زي ماقلت مجنون شوي
بختصار اهل البنت عارفين ان الزواج بسر ... طيب طالما كذا ليش مايمثل انه لسى ماتزوج بنتهم وتخلي اخوكي يطلب خطبه البنت من اهلك مع اتفاق مع اهل البنت انهم يمثلو بان الولد لسى ماتزوج قلت لك حل مجنون بس فيه اشياء تظمن نجاحه
1-طبعا اهل البنت مارح يوافقو
بس فيه نقطتين بتضغط عليهم وبتخليهم يوافقو
الزواج بسر لو طلعت ريحته لامك وابوكي فيه احتمال كبير تتطلق البنت بطلب من ابوكي او امك + ان هالزواج فيه تشويه لسمعه البنت واهلها و اخوكي
طيب وش معنا هالكلام ..معناه ان اهل البنت بيوافقو على هالحل مع انه صعب
2-اهلك طبيعي بيعيو على خطبه البنت .. وهنا يجي دورك ودور اخوكي
واحد ... دور اخوكي
يتمثل بانه يقول انا ولله يا ابوي ويا امي ابيكم تخطبو لي بنت عاجبتني وهي كذا كذا كذا ..
اذا رفضو يقول انا ما اقدر اقتنع بأي بنت وانا ودي في هالبنت وهنا يكون دورك له اهميه كبيره في اقنهاعهم (بتطرق لدورك بعد شوي )
اذا رفضو يجي اخر حل يقول حبيت البنت وابيكم تخطبوها لي والصراحه مارح اقدر اتزوج اي بنت ثانيه وانا متعلق ببنت الناس (لاتقولي كيف يعترف بالحب تراه يطلب خطبه والحلال وخبر الحب اخف من خبر زواج السر ) وفي هالنقطه سوي نفسك مصدومه منه
اثنين ... دورك
يتمثل في تمثيلك ب ان البنت خويتك وتمدحيها قدام اهلك وتوقفي في صف اخوكي وتحاولي تقنعي اهلك بان زواج اخوكي ببنت مو مقتنع فيها بيكون فيه ظلم للبنت ولاخوكي و لزواج ككل لان فيه احتمال تكون نهايته الطلاق
بس هالحل بيصلح في حاله وحده بس (ان يكون في امكانيه 1% ان امك وابوكي يوافقو على خطبه اخوكي على البنت )
قولي لاخوكي هالحل وخليه يحاول يقنع اهل البنت قبل ما ينفذ اي خطوه اذا وافقو اهل البنت ثم وافقو اهلك على البنت فمبرووك على خطبه اخوكي
الحين بكتب خطوات الحل بترتيب وانتبهو ترى الحل لازم يتطبق بالترتيب ولا بيكون فيه شك من اهلك
1- يكلم اهل زوجته
اذا وافقو
2- يكلم اهلك وانتي تفزعي له
اذا وافقو اهلك وراحو خطبو
3- يبذل جهده هو وزوجته وهل البنت انهم يخلو امك تعجب بالبنت
اذا اعجبت ووافقت
4- يبدى يناقش اهلك عن الشقه ومصاريفها ويقول لهم انه مجمع حق الشقه وانه يبي منهم بس تكاليف الزواج
5- يحددو موعد الملكه وتكون قصيره قدر الامكان
6- قبل الزواج بثلاث اسابيع يناقش مع امه وش يجيب عفش للبيت بعد اسبوعين يصور المطبخ وغرفه النوم ويوريه امك على اساس ان هم بس الي خلصو وفي الاسبوع الاخير يصور لها البيت كله ويوريها مع الحذر من عدم ظهور اي شي يدل على ان البيت فيه ناس عايشين .. واذا اصرت تشوف الشقه
7- ينقل بعض اغراض الشقه مع هدوم البنت وكل شي تبعها لبيت البنت ثم يعطر الشقه و يقول لامك انه جهز الشقه بالكامل (ركزي هاذا في اخر اسبوع عشان مايكثرو اهلك زيارات لشقه )
8- مبروك زواج اخوكي انشالله يارب
والله يسعدهم
النهايه
سلبيات هالخطه انها تعتمد على شطاره اخوكي عشان ما تنكشفون
وحتى لو درو اصلا انتو ليش بتطبقو هالخطه .. عشان ماتظطرو تعلمو اهلك او تطلقو المسكينه

هل تأخرتو على اخوكم في تزوجيه؟؟ يعني طولتو وانتم تدورون على البنت المناسبة وهو يبي يتزوج؟؟
لأنو كثيير عوائل يطولون على عيالهم بحجة انهم مالقو البنت المناسبة.