حبيبتي تحملي اسالتي
بس ليه من اول تزوجتي معدد وكبير
مع انك صغيره

نصيب اولا واخيرا
ثانيا كنت مخطوبه لواحد اصغر مني بسنه ومصار نصيب
وبعدين عجبني رقي عايلته ويعني مكان مقصر معهم بشي
وبعدين اكتشفت انهم هم كافين حالهم من غيره

وبعدين مليت من تسلط اهلي وتزمتهم وانا صار عمري 28 و29
و30 ما تزوجت

طيب اذا ضروفك كذا ليه ماتكسبينه
مثلا تقولين له
ابي اطلع معك للمحل ذاك
وامدحيه
واذا مره طلعك اطلبي منه يوديك للمحل
اووالسوق واذا رجعتي
قولي له ماابغا اطلع الى معك
لانك انسان فاهم
اكسبيه بالمدح
واطلبيه وتقربي له
على قولتهم جيبي راسه

احسك مدققه ع الشكل الخارجي يعني سبب قبولك للشايب انك شفتي أهله مو مقصر عليهم وطلع مو زي ماتوقعتي

ولما سألوك الاعضاء ليه تركتي الشايب قلتي يوديني محل الجلابيات وأنا أبغى المول ؟؟

هذي نقطه النقطه الثانيه لا تزعلي مني أنا مااعرفك فوضحي لي لو خطأ كلامي
لاحضت إنه ماعندك طريقه تستطيعي تجذبي فيها ع الاقل أحد أخوانك
الان الي عمره 23 سنه بدل ماتزعلي منه تقدري تمسكيه ع جنب وتفهميه انه زمن التحكم في المرأه انتهى بكره بتتزوج وتتعب اذا هذا اسلوبك والجلسه تكوني مسويه قهوه وحلا

اذا طلعت ملاحضتي ماهي صحيحه وانك كلميهم بالطيب والكلمة الطيبه ومانفع

قولي لهم بالفم المليان انا برمي نفسي ع الشايب بسببكم عسى يحسو شوي خاصه انهم ساعدوك ع الطلاق

والشايب اذا عيبه مايوديك المولات ارجعي له يازين الجلابيات خذي جلابيه شبابيه وقولي له الجلابيه الشبابيه ماتنفع الا بذهب واشتري حتى تشبعي ذهب

حبيبتي ماتدري امكن يجيك فارس الاحلام عن طريق الجامعة 😉. انا اشجعك ان تكملي دراستك لانك راح تتلهي وتقابلي ناس من نفس نمط تفكيرك ويمتلكون وعي ثقافي عالي والوقت اللي انت في الجامعه هو وقت حريتك غير عن تطوير الشخصيه اللي راح يحصلك. وفي النهاية نصيحة لك لا تركبي القطار اذا كان سيذهب لوجهه لا تريدينها.

في النهاية القرار لك ونحن فقط نبدئي ارئنا. استغلي الشهر الكريم بالدعاء بالرجل الصالح مع ذكر صفاته. ولا تستعجلي للعوده له صدقني الله سيكافئك على صبرك لان اهلك ابتلاء من الله والله اذا احب عبدا ابتلاه.

تبني أغير عجاج سنين شي تعود عليه تربي عليها
رغم محاولاتي أني اطوره بس مافي فايده
لان اغلب وقته في محلاته وشغله وابله
هو انا اخذته عشان يعوضني ولا عشان اصلح ما
افسده الزمن
لكن اذا رجعت له بسوي اللي قلتي عليه ونشوف
الله يعين حقوقي اخذها بالمحايله والمناحله

هههههههه ضحكني كلامك
اول شي انا أدقق في الرجل طريقه تعامله مع الانثي
لاشفته محترمه مصدرها الباقي يهون
كل شي يجي لأنه يحترمها ويقدمها واكيد طلباتها
مجابه
صح الفلوس مهمه وافكر فيها لكن مو أهم من
طريقه تعامله معي الفلوس تجي وتروح واقدر
اتوظف واصرف علي نفسي لكن طريقته تعامل الرجل
مع المرأه هذي مقدر عليها هي حسب تربيته
وحسب قناعاته ومبدأ اللي استقاه من الحياه وبيئته
وبعدين هو يحرس انه يواسيني فيهن عشان ما يقولون له
ليش ما تواسي مع انه مافي مجال هن لهن زمن وانا زمن

وانا فعلا فكرت في طريقه تعامله مع أهله مبين عليهن
مرتاحين معناويا اقصد مو معقدين وما قصدت مرتاحين
ماديا
وكنت اضنه متطور وكريم وخاب ضني بخيل معقد

ثانيا اخوي 23 سنه هذا لو تمسكيه يده يقول لك فكي لا اهفك
كفين تلفين حول نفسك
تحسبين عمري 30 ما جربت معهم كل الطرق الطيب الين بس مينفعش
إذا كان رايق طقطق بسخرية استفزازية انا ماعلي منها اعتبره مراهق
لكن تصل فيه يشك فيني ويحرض الوالد علي ويمد يده
هذي مقدر اتحمله لكن تحملته انتي ما تعرفين اخواني قاسين
متسلطين إذا جيتي له بحلال والقهوه بيقول وش عندك يا المصلحين
مافي من قبل تصبين القهوه وتريها يشربون القهوة وياكل ون
الحلا وما يقولون لك شكرا عاد تبيهم تعملون التعامل
وإذا ما اعطيهم من الحلا والقهوة تمسخروا وقالوا لحجيه
اخواني وأعرفهم استفزازين قاسين
وتحسين انهم بيعارضون علي رجوعي للشايب عادي عندهم ويمكن الساعه
المباركه لهم

وسالفه الجلابيه انا متعوده علي لبسها عند اهلي لأنهم ما يسمحون لي بغيرها
إلا تنوره طويله وبلوزه ط يله لكن طلبي مصخها في العيد ابلس جلابيه
بس فكره الذهب حلوه عل كل جلابيه طقمين ذهب والبس الجلابيه في العرس لو حب

اغلاط املائيه ما امداني اعدلها

هههههههه
ليه جامعه هارفارد اللي بسجل فيها
حسستني انك مو سعوي
إذا منت سعودي جامعاتنا غير مختلطه
ولو عندنا اختلاط ما اظن اهلي يسمحون كان الحين معرف اكتب اسمي
بس الحمد لله
غير مختلطه