والله اغلب الازواج يقدم زوجته على امه ..يدلعها ويلبي طلباتها ويسافر بكل مكان وامه جالسة ببيتها

بلاش نكذب على انفسنا ..كل واحده تشوف اخوها وكيف يعامل زوجته ويعامل امها
زوجته قايلن فيها هه 💆اكثر من امه

صحيح يسافر بزوجته ويعطيها هدايا
ويوديها للمطعم ولكن هل معنى ذلك انه لم يقدر امه !!

بالعكس للام مقامها وتقديرها اما عدم مسافرته بها ليس لعدم تقديرها ابدا
فالابن يعلم ان سفره بأمه يتطلب معه اخذ أخواته الخ وهذه مصاريف قد لايتحملها

وفي الجانب المقابل نرى ان البنت مثلا تقدم لزوجها الهدايا
تحرص على تبخير البيت قبل قدوم زوجها ، تهتم لاناقته لمظهره الخارجي
تكوي ملابسه تسقط هدومه تجهز شنطة سفره تقدم له الهدايا تعزمه بمطعم
ومره بفندق الخ

بينما لاتقوم بذلك مع والدها هل هذي يعني عدم تقديرها له ؟؟

مايوقع الزوجين في الخلافات مقارنه علاقة الزوج او الزوجه علاقة الاخر بوالدية
ومساواتها بالعلاقة الزوجية الامر مختلف

من رأيي نصيحة الاخ في محلها احترام الزوج وطاعته لن تنقص من الزوجة ولا تقلل من قيمتها بل تزيدها مكانة والاغلب يثمر ذلك في الزوج ويقدر زوجته ويحترمها الا عند قليلي المروءة

يا اختي الزوج او الزوجة المحبين لبعضهم لا احد يرضي
للاخر الذل والهون

__________________
سبحان الله وبحمده سبحان الله العظيم

أبو البنات..
جوابك صدمني_المعاملة بالمثل_
لو بنعامل بالمثل جان الوضع زلزال 😂

في الغالب المعاملة الطيبة تجبر الزوج ان يعامل الزوجه بمثلها وأكثر ونفس الشيء العكس

البعض يشعرنا ان الرجل لما يكون بموقع الزوج
يعني وحش .. أو مثل اي شيء ممكن ارميه و يرجع!!!!
فيه رجال محترمين...
على فكرة انه شخصيا لا اتقزز من كلمة " اخدم زوجي "
نعم اخدمه
طالما هو رجل محترم
طالما يحبني ووو
اخدمه ليش لا!
مو استنقاص لي ولا احط بكرامتي
الا شرف لي مثل ما كرمني اكرمه
و طالما هو يستاهل كلمة حاضر و تم وعلى امرك و من عيوني
شاللي يمنع!!!!
ترى الرجل كائن حي يملك قلب فيه احاسيس !
يتأثر بالكلمة الحلوة
و المعاملة الطيبة
اتكلم عن الرجل السوي...
اذا هو كزوج فيه اشياء ما تعجبنا
احنا ايضا مش كاملات!
فينا اشياء ما تعجبه

كل زوج له باب ندخل له منه
و كل زوجة لها باب ايضا
الشاطر من يعرف يدخل للاخر من بابه

وشالمانع اذا فيني شيء ما يعجبه اذا اقدر اغيره غيرته
وهو كذلك ...

الكلام اللي في بعض الردود .. يوحي ان البيت غابة
لازم انتصر عليه
لازم اخليه هو يركض وراي...
يا كرهي لسالفة الركض
ليش نركض وراء بعض
يفترض ان نمشي مع بعض

__________________

حاجة الناس إليكم من نعم الله عليكم ، فـ لا تملوا النِعم ☁✨

مايمنع نطيعهم ونسمع كلامهم ونقولهم تم وحاضر وعلى امرك لكن بحدود ... لو الزوجه طلبت من زوجها ان تذهب لاهلها مثلا وزوجها رفض طيب ماشي على امرك ماقلنا لها اعصي امره ... لكن جا يوم الثاني طلبت نفس الطلب ورفض وحاولت الاقناع بالطيب وبرضو رفض اوك حاضر وعلى امرك .. وجا يوم الثالث نفس الشي يرفض هنا احنا يجي دورنا نتكلم ونقول ولازم يكون عندنا كلمه وقتها لان للصبر حدود ... ماينفع ندّعي المثاليه اكثر من اللازم ... انا اتكلم هنا عن الاهل اللي واجبه علينا ... ومع ذلك تنازلنا عن الكثير لأجل ذاك الزوج لنعيش ملكه ...

طيعيه ولا تخالفيه لكن بحدود.. لا احب انصياع المرأه كليااااا لزوجها وتلغي شخصيتها ... عالاقل يكون بينهم نقاش في البدايه ومن ثم تنصاع له ...

انا طبعي ماحب اقول حاضر من اول لا ... لازم يكون نقاش واسباب الرفض ... احب افرض لو بالقليل من شخصيتي لكن بالأخير نقول حاضر ... ويمكن اكون مخطئه بهذا الشيء والمهم ان لا الغي وجودي كإنسانه ..

__________________
-

فأجبر خَاطري .. بفيّض نعَمك ❤ ....

كلنا عارفين هالكلام واغلبنا ننصح المرأه بالمعامله الحسنه مع زوجها الخطأ هو رغبة الرجال إنا نعاملهم مثل مانعامل آبائنا
الزوج الشرس يستهلك وقت طويل وطاقه من المرأه وربما تصل لليأس والإحباط قبل ماتوصل لطريقها لتكون ملكه

بينما الأب يعينها أكثر ع أعطائه الحب والحنان بردة فعله الجميله يعني معيشها ملكه مايحتاج تبذل جهد عشان تكون ملكه عنده