هذا الي أفكر اشوف لي شغله ولا اعلم احد غير اهلي

ترى الحين التجاره مو محتاجه راس مال كبير مثل ماتفضلتي
مثلا على الانستقرام فيها شغل حلو
وبرضو كثير ناس شغالين يشترون من امازون وغيرها من المواقع المعروفه ويبيعون وشغلهم ماشي ولا تحتاج لراس مال كبير

واذا ماتبين شغل التجاره ومالك خلق عليها دوري وظيفه باي مكان منها دخل لك ومنها تطلعين وتغيرين جو وتحتكين بالناس

بصراحة انا أفكر اشتري لي بروتين شعر وأبدا اشتغل مكسب يكلفني 3الف ريال

واذا كان شعر الحرمة طويل أخذ عليها الف وأحيان توصل الف و500 يعني ادخل دبل قيمة علب البروتين

خصوصا ان الحريم طايحين في بروتين الشعر خصوصا في منطقتي مطلوب كثير والمشاغل أسعارهم غالية احيان توصل لشعر القصير الف ريال وانا ماراح أخذ الف على الشعر القصير


بصراحة انا في بالي أمنية ومتاكدة بيجي يوم واشوف امنيتي تحققت عشان كذا ابغى ادخل مشروع وأجمع لي عشان تتحق

هذي نظرة الانسان السلبي
يعني مثل اللي يقول ليش اشتغل وانا اخرتي راح اموت!!
ونفس الشي يقولون ليش تتعب على بنتك واخرتها راح تتزوج !!
ومن هالكلام المحبط
ماعليك اختي منهم هذا كلام ناس مريضين نفسياً
بنتك هذي امانه راح يسألك رب العالمين عنها هذا اولا
وثانياً الطفل يحس ويفهم يمكن اكثر منا يفهم من اللي يحبه ومهتم فيه وان شاءالله راح تكبر وتبرك الله يخليها ويصلحها

سبحان الله فرق بين كلامهم وكلام خالي لما يوصيني على بنتي

انا خالي طلق زوجتة وهي حامل وجابت بنت والله العظيم يعطي بنته اكثر من الي يعطيه عياله من زوجتة الثانية

وامها ربَّتها احسن تربيه يوم كبرت البنت رفضت تتزوج الا واحد ساكن في مدينة أمها عشان ماتفارق أمها وسبحان الله سخر لها ربي زوج في مدينة أمها وباره فيها ردت جميل أمها فيها

وانا واثقة ان ربي مابيخذلني واشوف بنتي باره فيني