جربي هذا الحل
لما تحاول ان تتكلم مرة اخرى عن زوجك
قولي لها ان فلان اخبرك انه يعدك كاخته الكبيرة وانه يرحمك لان احوالك غير مسقرة مع زوجك
لانه حنين ويشفق على كل الناس

والله هذي موطبيعيه احسها تبي مشاكل بينك وبين زوجك هي ماحصلت من زوجها الاهتمام وتلبيت طلبها فهي تحط حرتها عليك هي هدفها تخريب حياتك ياليت تبتعدين عنها نهاي طنشيها ولاكنك تعرفيها اول مره اشوف وحده بهذا الاسلوب ادعي ربي ان يصرفها عنك😟

صباحك فل يا خالو .. ويا رب تكون بخير.


ما فهمتنيش .. مش قصدي تروح تكلم جوزها .. وأنا ضد التصرف ده.

لكن تعليقي إنها بتقول إن جوزها ما يعرفش مراته بتعمل إيه .. وإنها ممكن تكدب عليه وتقول إن فلان هو اللي عزمني!

واضح إن بيئتهم مختلفة .. لكن معقول ما بيتكلموش مع بعض؟ .. يعني الأخ يطلع مع مرات أخوه .. وهي تكدب وتقول هو اللي عزمني .. والأخ يسكت .. وجوزها متفرج.

الطبيعي - لو دي فعلاً بيئتهم وثقافتهم - إنهم يرجعوا يتكلموا عن الخروجة اللي حصلت .. على الأقل من باب الحكاوي والسوالف .. مش يكتموا الموضوع سواء الأخ أو مرات أخوه وكأنهم عاملين عملة.

__________________


اللهم طِيبَ الأثر .. وحُسْنَ الرحيل.

صاحبي ضرتها و قوي علاقتك بها
و في الاتحاد قوة ؛)

فعلا معاكم حق راح تكبر المواضيع وافتح على نفسي باب واخسر زوجي .. هو وعدني وحلف لي انه بيصرفها .. وعاداتنا مو لهالدررررجه منفتحين يعني عندنا هالشي مايصلح وحتى هو لما قلت حسبت عندكم عادي قال لا عاد مو لهالدرجه .. هي لما قالت لي بطلع مع زوجك وكذا ماقالت لي انا نشبت له والخ .. رحت اكلمها لما شفت سناب زوجها بمدينتها قلبي قبضني وقلت لها ها بشري بتجين قالت اي وبطلع واتونس ومدري ايش < لان هنا ممنوع الطلعه لأي مكان وخاصه اذا جارتها موجوده يعني انا الوحيدة اللي اطلع مشاوير مع زوجي باستمرار مراات يعرفون ومرات بالدس نطلع لان مابي تجين عين من حريمهم ... المهم قلت لها مافي طلعات هنا اشبعي هناك وانتي قصدك زيارات ولا اماكن عامه قالت كلهم وجلست ترسل وررررى بعض مو رساله وحده .. كذا بالحرف الواحد .. وانا سوالفي اللي بين قوسين ..

اصلا زوجك وعدني يعشيني ..
( زيارات صايره ما اطلع الا لهلي )
ويمشيني 😍..
( حتى عمامي )
وناخذ فره ..
( من زمان ماجيتهم )
بسيارته الجديدة 😱 ..
( حلوووو )

..

حتى الفيسات تجلط اللي حطتهم .. المشكله هي ماقالت فلان وعدني ولا قالت ابو فلانه ولا قالت اخوي فلان ..

قالت زوجك ليش تقول زوجك هالكلمة رفعت ضغطي..

المهم اخذتنا السوالف وانا قلت بحرق قلبها مثل ماحرقت قلبي وفتحت سيرة السوق وقلت اييي قبل كم يوم تلاقينا بسوق كذا .. قالت انتوا ومين . قلت احنا وفلان > زوجها .. قالت وانتي مع مين قلت مع زوجي و حتى فلانه معه .. قالت اهااا ماخذ مرته بعد وش شرت قلت مدري تفرقنا لان ورانا مشوار ثاني بس سلمنا ع بعض ..
قالت على حظي صار يسوقها ..
قلت ااووووووه وقبلها ب اسبوع كانوا بالحديقه وحسبتها عشان تمشي <لانها حامل اخر الثامن > بس سئلت بنتهم عشان تمشي قالت لا ما مشت جلست تلاعبنا والخ .. وهي انجلططططططططططت ..

.. جارتها حليله بس انها ماتعرف ترد بالكلام وسوالفه قليييييله بس ماعليكم بقوي علاقتي فيها ..
.


وبالنسبة للحمل .. هنا مثل ماذكرت لكم مره ان اهل زوجي يقدسون الولد كلهم .. لما كنت حامل ببنتي كنا كلنا حوامل انا وهي وجارتها .. هي عندها بنت وجارتها بنتين وانا اول حمل .. قعدنا نتكلم عن الوحام وعلاقته بنوع الجنين .. انا بنهاية الشهر الثالث وكانوا قايلين لي بالسونار احتمال كبير ولد مع ان بدري اعرف بس الدكتورة شاطرة .. المهم هي وقتها بنهاية الخامس او السادس وجارتها السابع ..هي كانت حيل مشفووووووووحه عالولد وتبي تجيب له ولد قبل الاولى بس سبحان الله على نيتكم ترزقون .. قالت ع وششش تتوحمين قلت حلى و حلاوة جواهر والخ .. قالت بنننننت احسها فررررحت قلت مدري لسا قالت عنننني اناااا اقولك بننننت اكيد بنت الا بنت < فرحت حيل وقالت انا بحملي ببنتي نفسك ع جواهر وحلويات وحملي هذا نفس الشي قلت وش قالوا لك قالت بنت بعد .. قالت جارتها الوحام مو واحد عادي يمكن تكون حامل بولد قالت لها لاااا هي فيها بنت انا متأكدددددة .. قالت هذيك انا وحامي هذا نفس حملي ببناتي قلت وش قالوا لك قالت ولد .. وفعلا جارتها جابت ولد وبالعشا قالت انها كانت تتمنى تجيب ولد والخ وقعدنا نتكلم عن الاسماء وقالو اسم اخوه الكبيررر قلت هذا اسم ولدنااا قالت لااا اسم ولدييي < هي متزوجه الوسطاني وانا اللي اصغر من زوجها .. المهم بالنسبة لاسم بنتي هي كانت تتمنى اسم معين ولما ولدت زوجها رفض لان عندهم عادات ان ابوهم يسمي ونا هالعادة ماحبها فكنت من وانا حامل وعرفت انها بنت اقول لزوجي انا بسميها او عالاقل اسم اكون راضيه عنه .. هي بنتها جدها سماها وزعلت .. ونا كنت مقترحه على زوجي اسماء من ضمنهم الاسم الي تبيه هي بس والله اني مقترحتهم من زماااان وبعد ماولدت عمي كلمني وقال اخترت لها اسم كذا وانتوا بكيفكم قلت والله ياعمي انت على عيني وراسي بس شوف لنا اسم ثاني لان هذا اسم ثقيل وبدووووي قال بكيفكم انا هذا اللي عندي وكل ما اهله يقترحون اسم ارفض لحد ما اخوه ( زوجها ) اقترح الاسم اللي كانت تبيه زوجته و زوجي عارف ان هالاسم حاطته عنده من الاسماء اللي عاجبتني كلمني وانا عند اهلي وخبرني ( لان هو ماكان حاب يسمي من كيفنا حب يسئلهم ويخلي احد يختار وكأن بالصدفه صار عشان يقول فلان سماها
.. وهي حقدددددت اكثر ولما جت تلاعب بنتي تقول لها اخذتي اسمنا والخ ..

الحين انا حامل بالشهر الرابع ووحامي مختلف وبعد اسبوعين بشوف بنت ولا ولد .. اذا طلع ولد راح تعاااااااديني اكثررر ..

تكلمت عن كذا موضوع من باب الفضفضه

__________________
تم تغيير النك .. < ريتاج2016 سابقا

الظاهر إن السالفة مب بس سالفة إنها تطلع مع زوجج.

الحكاية كلها على بعضها حركات حريم وسلايف.

وإنتي بدل ما تترفّعين .. تمشين معاها على نفس الخط!

__________________


اللهم طِيبَ الأثر .. وحُسْنَ الرحيل.

لا والله يامهره .. انا على نيتي ومرات اعرف اتصرف بحيله واخلي زوجي يسوي اللي ابي مثل سالفة الاسم وكذا .. هي شغلات تافهه بس بالنسبه لها شغلات كبيره وتشوف الفرق بيننا .. و ازيدكم بعد الشي اللي جالطها هو اني بنت عمهم وحريمهم كلهم غريبات .. مره جت امها من السفر و سوو لها عشا وكنت انا عروس لي شهر وشوي .. شافتني امها قالت لها ماشاء الله هذي مرت منو قالت مرت فلان .. قالت امها اها من الرياض ؟ قالت هذيك ايه و اصلا تقرب لهم.. بنت عمهم .. وقالتها بنبرة نغزات مع حركات بيدها و فمها وامها قالت ايييييه ...
ومره تقول لي الكل يخبي عنك مشاكلهم وكذا لانك بنت عمهم لو كنتي غريبه كانوا علموك والخ .. بالعربي كل شي يخصني يجلطها بس انا مالي ذنب وماعمري عاديت احد وكافه خيري وشري لكن خلاااص قررت اتغير ولقيت الحل السلييييم

__________________
تم تغيير النك .. < ريتاج2016 سابقا

__________________

الحل هو ان اسقيهم من نفس الكاس ..
منها هي تحس ومنهاا زوجي يحس بعد ..

زوجي غيور .. وكل فترة تزيد غيرته .. يعني اول يقوللي اركبي مع اخوي عادي وتعالي اجلسي مافي احد غريب .. ومثل ماقلت لكم اذا عنده ظرف اضطر اروح مع اخوانه وكذا كان عادي .. بس فجأه تغير .. يكون عنده ظرف واقوله طيب اكلم احد من اخوانك يقول لا مافي انتظري لما اجي .. وصاير يغار من زوج اختي ومن اشياء كثيررة ..

انا قررت اتواصل بالدس مع اخوه زوج هذيك ويكون كل كلامنا عادي .. قبل كنت أي شي اخبره لو اخوه يرسل لي نقطة اقوله اليوم فلان ارسل لي نقطة وكذا .. بس هالمره راح اخبي وبيكون تواصلي عاااادي بس ابيه يعرف بالصدفه .. لاتقولوا غلط والشيطان يدخل ومدري ايش .. انا عارفه نفسي محترمه والمحترم يحترم .. يعني انا امس ارسلت له سلام وكيف الحال .. وكنت بخبره بموضوع زوجته ولما قريت ردودكم واقتنعت مع ان كنت ناويه اقنعكم ان حلي هو الصح لكن انتوا اقنعتوني وفتحتوا عيوني ع اشياء .. المهم رد علي وسئلني عن اخباري والبنت وكذا وانا سئلته عن عمي وبعدها اكيد هو استغرب ان اكلمه .. قال لي تامرين على شي من هنا ...< وهو ب دوله عندهم حلى يجنن احبببه كل مايروحون يجيبون منه .. قلت له مايامر عليك عدو اذا جبتوا الحلى احسبوا حسابنا .. >> عشان لما يجي راح يعطيه زوجي ويقول عطه فلانه وصتني عليه وكذا زوجي راح يحس وش يعني التواصل بالدس

__________________
تم تغيير النك .. < ريتاج2016 سابقا

انا خايفه ان زوجي يعزمها على عشا بالبيت .. وقتها مادري ارفض ولا اوافق !!
مع ان امس قلت له بحط حدود بعلاقتي فيها قال لاتحطين ولا شي خليك عاديه معها
قلت لا والله كل ماجت تسويلي مشكله وحتى عزيمه ماراح اعزمها واذا هي عزمت نفسها
بقولها حياك و اسوي بس قهوه وشاي ماني فاضيه اطبخ ..
وهو سكت

__________________
تم تغيير النك .. < ريتاج2016 سابقا