بسم الله الرحمن الرحيم
تحية طيبـــــــة

عفواً اختي الكريمة ام احمد فأنا لا اقصد التجريح و الطعن في طريقتك أو في شخصك الكريم
لكن احببت ان انبه ان طريقتك التي اتبعتيها مع زوجك قد لا تناسب جميع الازواج فعلى الزوجة فهم زوجها وان تعرف من اي باب تدخل الى قلبة وتغير فيه


رعاك لله.

__________________

سامحني فما تعمدت بردي إلامك .. ولكن هي مشاعري لم أستطيع إلا أن أبوح بها وهذا عيب في ... ولأني مررت بضروف مشابه لضروفك ولأن ليس لدي من خبرة من قبل في مثل هذه الحالات فأني لما أقرأ المواضيع للأعضاء والردود عليها كنت أحاول أستشفاف الحل من خلالها ( حل مشكلتي أو كيف أتعامل معها) ..
وعلى العموم هذا عشمي فيكن أن أجد منكن أخوات حقيقيات وسلمتن لي...

__________________

السلام عليكم
انا ادخل دايم للمنتدى واقار مواضيعه ويعجبني واستفدت منه كثير بس هذي اول مره ارد على موضوع
لان الموضوع شدني وكل يوم ادخل اشوف كملتي القصه ولا لا والحمدالله كملت واعجبتني طريقتك في حلها
وانا مثلك يا هند ما أأ يد سفر الرجال المتزوج لحاله لمجرد السفر مو لشغل يعني مع اصحابه
والله يوفقك إن شاء الله







أهلا وسهلا بتواجدك في بيتك الثاني . وودنا فقط وضع همسة بسيطة في أذنك رعاكِ الله بأن الكتابة الصحيحة للفظة ( إن شاء الله ) هي ما مر بين القوسين لا غير ذلك . شكرا لكِ

السلام عليكم0000

مبروك أختي هند أم أحمد على النهاية اللي تشرح القلب ،

ما تتصورين اشقد كنت ميودة قلبي وآنى انتظر تكملة القصة0

وأقول عسى ربي يوفقها ويهدي ريلها وتنحل هالمشكلة على خير 0

شكرا يا غاليتنا هند على مشاركتك لنا قصتك
فأنت عندما شاركتينا بها أيضا جعلتينا نستقيد من خبرتك الحكيمة
فجزاك الله الف خير حبيبتي
ودمتي سالمة وسعيدة والله يهنيك مع زوجك ويجمع بينكما بخير ويزيد حبكما ببعض...أمين

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

اختي هنــــــــــــــــودة

الله يهديك بغيت انجن لحد ماكملتي لنا قصتك

بصراحة تفاعلت معك مرره لأني مريت بنفس موقفك لكن الحمد لله تجاوزت هالعتبه

مره اضحك عليك ومره اقول الله يستر

الله يوفقك ياعمري

__________________

اختي هند ام احمد

والله اني اتذكر مواضيعك من اول مشاركاتي في هالمنتدى

وللامانه عندك قدرة على الكتابة بطريقة تجعل القارئ مشدود ومتشوق للموضوع

لكن الشي اللى يضيق الصدر هو المشاكل اللى مريتي فيها في حياتك الزوجيه وانا اقول اللى مريتي لاني متفائل

انك قادرة بمشيئه الله انك تتجاوزين هذه الفترة. وهذا الموضوع دليل على ذلك.

اتمنى لك كل التوفيق اخي هند ام احمد والله يهديه ويخليه لك ولعيالك

اخوك
هلال العالم

__________________

أختي ام احمد:

أرحب بعودتك وأتمنى لك حياة سعيدة باذن الله.

انا كثير مايحدث لي هذا يسافر زوجي دون علمي احيانا أكتشف بالصدفه وأحيانا لاأعلم عنها.

أعاتبه وألومة ولكن هذا لايستمر طويلا ساعه ..ساعتين لاأكثر ...........ومع هذا يكرر الخطأ لكني أعتقد انني سوف أتبع اسلوبك....... والله يستر!!

__________________

اهلين ام احمد

انا ماعرفك بس خلاص اللحين اصحاب ونورتي المنتدى

انا من شفت ان القصه لها اجزاء تركتها الين اكتملت واللحين قريتها وقريت كل الردود

ماحب اتعذب

مبين عليك عاقله وتصرفك حكيم ومثل ماقلتي مو كل زوج ينفع له هالتصرف
ومو كل مره ينفع لزوجك انتي بعد هالتصرف !!! ويمكن لو كررتيها تصير عاديه عنده ماعاد تاثر فيه !!!!!

انتي ادرى بزوجك والحياه الزوجيه يوم حلو ويوم مررررررررر

وكل واحده ادرى بزوجها والطريقه اللي تناسبه
بالنسبه لتصرفك هذا انا سويته
وكل الانواع سويتها ....... زوجي سويته حقل تجارب

بس حابه اقول لاخواتي اللي يقولون ان ازواجهم صعب اقناعاهم ويعصبون ويصرخون ووالخ
حابه اقولكم كلنا في البدايه كذا ( مو البدايه بس !!! في البدايه والوسط وقبل النهايه ههههه)
بس مع الايام والعمر راح تتغير الاوضاع وماارح يستغنى الزوج عن زوجته بس الصبر يا اخواتي

عني انا تزوجت صغيره وزوجي عمره كان ضعف عمري واكثر !! وكنت اعامله كاب مو زوج !!!

يعني ماكلمه الا باحترام وادب واستحي منه ........................ واخاف منه

واذا عصب علي اصيح رغم اني ام !!!!

وكان ينظر لي كطفله بس بعدين انا تغيرت وبديت اعترض على الاشياء يعني بالاول كلامه لازم يمشي صح غلط هو اللي يمشي ومالي رايي وحجته اني مافهم وشدراني بامور الحياه ( يعني لو كبيره بيسمع كلامي ) قلت طيييييييييب لازم اتغير واغير نظرته عني !!!!

كنت اقول بتكلم واعترض ولمن احاول ادافع عن نفسي لساني ينخرس مادري شفيني !!
مع اني في كل مره اقول بتكلم وبقول وبسوي

بس من اشوفه افقد حاسة النطق!!

وكنت اقول شلون ام زوجي زوجها خاتم في ايدينها شسوت له ؟؟

واقول شلون ابوي يسمع كلام امي وش السر !!!

وليش الازواج الكبار والقدامى يسمعون كلام حريمهم رغم ان اغلبهم اميات وجاهلات !!

واحنا المتعلمات والفاهمات يسوون علينا شخصيه ومايبون تفاهم ولا يعترفون بالغلط !!!

فقررت اني اتغير واغير من شخصي اصلا الحياه تستدعي ان الانسان يتغير ومايظل على وتيره واحده
قمت اتكلم وادافع ومارضى عن الغلط وبديت احس ان مافي فرق بيني وبينه وليش يعني كل هالكلفه هذا زوجي !!!
وقتها تضايق وقال تغيرتي وطلع لك السان !!! ومثل هالكلام !!!
فقلت له الناس تكبر وتفهم ومو انت تتكلم مع غيري بحجة اني مافهم !!!
انا اللحين اناقشك واذا غلطانه قولي راح اعترف !!!
واذا انت غلطان كون رجل وقولها ومافيها عيب بالعكس يدل على قوتك !!!

وباختصار ( لان التفصيل فيه مشاكل وبلاوي وزعل وفرح وخرابيط ) !!!
المهم وباختصار قمت اتناقش معاه بامور البيت وباموره الخاصه واشاركه بكل شي
في البدايه كان مايكلمني ولا يعيرني اهتمام او ياخذ رايي بحجه اني مافهم وصغيره
وحتى لو قلت له تصرف سليم يسوي نفسه ماعجبه وبعدين يطبق نفس كلامي اللي قلتله واقترحته عليه
بس يبين للكل انه هو اللي اقترح هالاقتراح ومايتجرا يقول زوجتي

بعدين لما كبروا العيال وتدخلي بامورهم وكلمتي اللي تمشي معاهم ولاني المدبره في البيت
بدى يتكلم معاي وياخذ شوري في بعض الامور وخاصه وهو يشوف كيف اهلي وحتى ابوي واخواني
يشوروني في بعض الامور ( يعني الكل فهم اني كبرت الا هو يحسبني للحين ياهل )
المهم وقتها قام يحترمني ويعرف اني ممكن اتشاور باموره وقام يكلمني بكل شي
ويشركني بكل اموره اللي افهما واللي مافهما !!!!
واي شي يرجع لي ويشورني ومايسوي شي الا بعد مايسالني عنه وياخذ رايي !!

واذا قلت له رايين وخيرته وحبيت اخذ رايه يقولي انتي شوفي انا ماعرف !!!

صار حتى ماعنده راي!!!

المهم بعد ماكنت احس اني اصغر منه ومافهم .... مرت السنوات وحسيت اني وياه بنفس العمر .... ومافي فرق بينا!!!

واللحين انعكست الآيه !!! احس اني اكبر منه وانه صغير يعني بيبي


باختصار الزوجه هي اللي تقدر تغير زوجها ........ وياماحريم نجحوا وغيروا ازواجهم للافضل ........
بس احيانا يكون الزوج ميئوس من اصلاحه يعني ارض خربه وميته يصعب عليها تغييره مع كل محاولاتها !!
ووقتها مانقول الا لاحول ولا قوة الا بالله !!

وبالتوفيق اختي هند ام احمد والله يسعدك دوم

اختك صريحه جداً

__________________

هلا والله نورتي بيتك وفقدناك يالغاليه