مسز داني

لي يومين احاول فيها تتكلم اما هي او اخويا

هي رفضت تقول انتِ مو ناقصك شي عندي
قلت لها انك تسعي للصلح صارت تنفهم ناقصني شي

قلت لها خلي اخويا يكلموا
قالت ايش يقول له
قلت يقول له
يا ابوفلان والله نعرف انه منفرده غلطت وانت كمان ماقصرت وهي اعتذرت لك ومرت الايام وانتم على هذا الحال
لكن اما إمساك بمعروف او تسريح بإحسان هذا الوضع مايناسب اختي

رفضت وقالت ايوااااا علشان يطلق ويقول جات منهم
قلت لها دامه بايع خليه يطلق بالطقاق

دخلت امي بحوار مكرر ما ابغى أعيده لانه يوجع



ادوني حل لمشكلتي يكون بيدي انا ومايمس كرامتي ؟؟؟؟؟

__________________

منفردة
1_معك حق هذا الوضع لا يرضي الله

2_ اقنعي امك بهدوء و اكسبي رضاها
حتى تتوفقي في حياتك و تبرك بنتك مستقبلا

3_ احيانا نظن ان خطوة معينة هي الحل و الطريقة
الصحيحة التي تنهي المشكلة
لكن نحن بشر علمنا و تفكيرنا محدود
و الله وحده الذي يعلم ما ينفعنا فعلا و ما يضرنا
و احيانا يقدر لنا امورا و احداث لم تكن في خططنا

اريدك ان تستخيري في كل خطوة قادمة تخطينها
و تفوضي امرك لله بأن يدبر امورك كلها .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

لا احد يقول اصبري صبرت او بالاصح اتصبرت بما فيه الكفايه


بتكلم بتكلم بتكلم مو لازم اروح بيتي بس بقابله


ماعندي اهل ينشد فيهم الظهر وهو عارف هذا الشي
الله يرحم ابويا الله يرحمه
ماتوا الرجال بعائلتي

__________________

امي تقول لو اجلس سنه ما راح تكلموا عني
قلت لها عاجبك حالي ؟
قالت ايوا عاجبني عند رب وعرب وبخير وانا مبسوطه أنكم عندي


طبعا اخويا فرحان اني بالبيت مع امي علشان يسهر برا براحته
وامي عندها ونس بالبيت مايفرق معاهم ايش احس

عموما انتهى النقاش اليوم المغرب انه
منفرده تسوي المشاكل وتجي تحطها ع راس امها

__________________

منفردة أدري هذا الكلام يمكن ماتبي تسمعيه بس هذا درس لك لاتخرجي من بيتك مرة ثانيه لأن مو كل مره زوجك بيعترف بخطأه وبيرجعك بسهوله...حاسه فيك انك تعبتي من وضعك واشتقتي لبيتك ....اذا رجعتي ان شاء الله مشاكلك خليها بينك وبين زوجك فقطط حتى أمك لاتخبريها بأي مشكله وخليها ترتاح ....

زينب كلامك صح

__________________

لا اختي منفردة
القصد ان اخوك يضيفه
ويسكت عن امر الصلح
خليها تجي منه

حتى امك لو غلبت الروم
و ما اقتنعت انها (ما)تجلس معه
لا تدقها سوالف و مكسرات
تجلس شوي و تنشغل
او تكون جادة
ولا تفتح سيرتك ابدا

__________________

المشكله بزوجك
لا امك ولا اخوك لهم ذنب

تصدقين كل ماقرا موضوعك اقول ماشاء الله في نعمة ومرتاحة عند اهلك و امك انتي وهي كأنكم خوات
مو معناته تطلقي طبعا

قبل شويا جلسنا انا وامي اكثر من ساعتين نتكلم ..
قلت لها انا وضع التعليق مايريحني انا بتطلق منه خلاص تعبت من تصرفاته .. المفروض غلطان يجي يطلب الرضا مو يكابر وانتِ اللي المفروض زعلك من زعلي .. تسولفي معاه عادي والخ ..
كثّرت عليا بالكلام ... فسمعتها التسجيل
انصتت له وتغير لون وجهها .. بعدين قالت يابنت كذب هذا الكلام جالس يقوله لزوجته
قلت امي قال اسم البنت بالبدايه..
قالت يمكن غلط بإسم بنته
يا امي اسم بنت خاله ماعنده بنت بهذا الاسم

وتسكت بعدين تقول ما اصدق .. زوجك كلامه قال الله وقال الرسول صلى الله عليه وسلم .. كيف هذا!!!!


طبعا انا فرحت وقلت ان الامور بتسير بصالحي
قلت طيب انا خلاص ما سمعتك التسجيل الا اني ما ابغاه..
خليني ادخل اكلمه واواجهه
قالت اذا قال لك انا حر الذنب علي ؟
قلت ماعليا انا بتطلق خليني اقول اللي بقلبي لان بركان يغلي داخلي ومحد حاس فيني ..

تتوقعوا وقفت معايا بعد ماسمعت التسجيل ؟

امي قالت كلام كثير اديكم المختصر

لانزر وازرة وَزر اخرى
هو اللي ربي بيحاسبه مو انتِ
انتِ تزوجتيه وعنده زوجه .. وهو قالك لي 15 سنه أفكر اتزوج يمكن بهذاك الوقت الشيطان أغواه وربي الان هداه
تقول يمكن لما قال لي إفك نفسي منها الاول انه علاقه قديمه
قالت وان كان صح ربنا يستر يوم القيامه على من ستر مسلم .. هذا ابو بنتك مالك حق تسمعيني وووو

قلت لها توقعتك توقفي معايا .. نفسي يوم تقولي لي انتِ يامنفرده صح
قالت اي صح وانتِ ماتفقهين..
الان لو دخلتي عليه اما يقول ما ابغى اتكلم ويطلع او يقول كيفي اسوي اللي اسويه محد له حق يحاسبني
ولا الموضوع منتكس ونرجع نرقع
قلت بالطقاق خلاص انا عفته خليه يتركني
قالت ايوا بكرا يقول طلقتها لانها ضربتني
وان كبرت بنتك والله غير ياخذها
وبعدين انا ايش ابغى فيك تقابليني .. انا بزوجكم وارتاح من الهم .. وانتِ اكثر وحده من اخواتك كل يوم جايه بمشكله
لا وطالت وتشمخت تضربي الرجال .. انتِ قليلة ادب ووووو وتعالوا خذوا من الكلام الحلو ..

لما شافتني ابكي
قالت طيب انا عارفه انه زودها وانه طبعه غريب لكن ايش بيدي اسوي له ؟
قالت مو انتِ اللي اخترتيه حتى طبع قبيلتهم يختلف عن قبيلتنا ..
قالت يا بنتي احفظي كرامتك ترى والله كل يومين وهو جاي يبغاني اكلمه عنك لكن انا بالعاني ما اجيب سيرتك ..
خليك سته شهور بعدها بتكلم لكن لسا الازواج يتزاعلوا ويفترقوا شهور

تقول انا مستغربه تقولي ماصرت احبه وطاح من قلبي ومن عيني وانتِ كل مرا يجي فيها تعيدي فيني ...

قالت وقالت وقالت بالاخير قالت عندك كلام عن هذا الموضوع قوليه الان لاني تعبت منك ..

طيب الفلوجه
سألتيني اذا احبه اكثر من نفسي ؟!
وجاوبتي قلتي طبعا لا .. وانا ااكد على لا حقتك .. لاني الان وبعد معرفتي بهذي الكارثه بداية انهرت وكنت بندفع وأواجه واعاتب وووو وبعدها بتركه واروح ..
لكن لاني أحب نفسي ولان ربي اداني وقت طويل قبل مواجهته .. فكرت بمصلحتي
صح اوقات أفكر بعقل وأوقات القلب يحن
لكن حزمت امري وقررت اعيش لنفسي ولبنتي
بدليل اني قررت ما اتطلق لان هذا الشي لصالحي انا بالدرجه الاولى .. وهو ع قول امي ذنبه عليه ..
احسن انه طاح من قلبي علشان ما اشتاق له
بس خساره خساره خساره انه طاح من عيني ..

ادري كثير كلامي ما يكون مرتب لاني ما ارجع اقرأه ثاني ولاني أوقات اقرأ الرد وارد بعدقرآءتي بوقت ..



يالله قد ايش شعور انه زوجك منافق .. يظهر عكس مايبطن.. شعور صعب

مين خانها زوجها وتجاوزت الازمه ،؟ يا ترى في مشاعر ترجع زي اول بعد الخيانه ؟؟


هند ... تنصحيني انتظر الين يبادر ؟


احس موضوعي هلوسه وكلام يفشل ...

__________________