سؤال اخير . واعتذر عن عدم ترتيب الردود

بالنسبة لتحليل بوصلة الشخصية .. هل أجيب بناء على ما كنت عليه أيام الدراسة و قبل الزواج .(عمر 16/18)
او أجيب كما أرى نفسي الآن وأنا أشعر أني غير مستقرة نفسيا . و تعرضت لمواقف كثيرة بعد زواجي أرى أني تغيرت جذريا .

قد أكون هدمت كل ما بنيت

انفجرت يوجهه اليوم و طلبت الطلاق
وهو ولا راضي يستوعب شي من اللي اقوله
يقولي .. المحترم يحترم . وانا ما احب حد يرادد . وتمشين على كيفي انا اقرر .. قلتله خلاص لما تقلل احترامك وتقول اسكتي برد عليك واقولك اسكت والا جب
قال .. اتحداج . ما تغلطين علي
و يقولي انتي نكدية .. كيف اطلع معاج
قلتله .. مالي نفس لك، زمان كنت احبك الحين لا

ناوية اعتبر نفسي مطلقة . . بلبس جلابيات بالبيت وشيلة و ما بقعد معاه ولا اكلمه وبنام عند بنتي
يمكن يستوعب الوضع ويتعدل
والا الله يسهل لكل واحد فينا .. رغم عدم تخيلي لطلاقي
لكن لعله خير وراحة لي

بعد ولادتي ببنتي . كتبت له تقريبا 5 اوراق شرحت فيها الشي اللي مضايقني . وقراهم زهم بدفتري
و اوراق كتبتها من شهرين لكن ماارسلتهن له

طلعتهن و حطيتهن عالتسريحة وقلتله يقراهن و يحاول يستوعب

اعتذر جدا على ازعاجك

ابوحكيم . حاليا انت متواجد
اتمنى تشوف مشكلتي هني

وتتابعني لين استوعب كل شي .. مااريد اتوه واخربط اكثر

الواضح أن زوجك تأثر بزعل والدته منك وغير تعامله معك بناء على ذلك
هل تغير زوجك الأخير طرأ بعد إشكالك الحالي مع والدته ؟

اتوقع بعد الموقف

اصلا .. اللي صار امس و فتح الموضوع

انه سألني .. شو استوى هاك اليوم
و هل رديتي على أمي

قلتله اللي صار و اني رديت رد عادي لكن بصوت شوي مرتفع

لكن تذكرت الحين انه رحت المطبخ احط ثلج و اكلم بنتي محد زعلان عليج الا جدتج

وقلت بيت كله مشاكل محد يقدر يرتاح

افكر اطرش له هالكلام قبل ليوصله من حد و يحط فباله اني تعمدت اغطي على نفسي

واذكر انه اخته كلمت امها تهدى وماله داعي و امه تقول لو انكسرت ايدها لو صار شي باسنانها

و يقولي .. أمي ما تردين عليها

قلتله هي مالها نفس تكلمني ولا تطالع وجهي . براحتها
وانا 2 يوم كلمتها لكن ما ردت

هو يعرف انه أمه اذا زعلت من حد تحقره ... و يعرف انها المرة الاولى زعلت من لاشي السبب ما كان مستدعي ( اني مااهتم بولدها لاني ما غطيته وهو نايم)

تذكرت . هو قالي انتي كله مشاكل

و كان قصده . مشاكل اهله
لاني باخر فترة قمت اخبره شو يصير .. لاني ما بتم اكتم و بالمقابل هو من ابسط شي من اهلي يزعل و ما ينزل يسلم

أي موقف الذي سألك عنه ..
عندما سقطت بنتك من حافة الكنبه أم موقف غيره ؟

نعم عندما سقطت
لانه يومها فالليل رويته العوار و قلتله شو صار