السلام عليكم ورحمة الله وبركاته

مساء الخير ع الجميع

وربي منحرجه منكم اول موضوع لي وعلطول مشكله

بس وربي محتاجتكم حيل

اتمنى تساعدوني وماتبخلون علي

الله يبعد عنكم الحزن والهم والضيقه


مشكلتي أني احب واحد وهو يحبني وعلاقتنا استمرت ببعض 5 سنوات

طبعاً مكالمات جوال فقط وعلى النت

والحين هو تزوج وماعرفت الا من اسبوع

اقسم بالله حالتي النفسيه تعبانه بقووه

تدهورت بشكل فضيع لا اكل ولا اشرب ولا اكلم احد ولا اجلس مع احد

صرت معزوله عن الناس ومابي حد يشوفني

حتى اقرب زميلاتي كأنها أختي ماعدت ارد عليها

مابيها تشفق على حالي احس اني بقووه اكسر الخاطر

ودموعي جفت من كثر البكاء

وجسمي ماعاد يقوى يشيل ملابسي

صرت لمن اوقف على رجولي ادوخ كأني عجوز عمرها 60 سنه

احس اني بحلم وربي صدمه تهد الجبال

كل ما انام واصحى اقول ان شاء الله حلم مو حقيقه وللأسف اصحى للواقع

عشرة عمر قضيناها على الحلوه والمره شلون اقدر انساها

واللي خلقني وخلقكم انه اقرب لي من الدم اللي يجري بشراييني ولو يبتعد عني اموت

الدنياء عندي كلها مالها طعم بدونه وموتي اهون من انه يتركني

احبه بجنون كأنه ساحرني أقسم بالله لو يعطيني السم بيدينه لأشربه

ياليت ابوي اللي تزوج ولا هو

ياليت بيتنا طاح علينا ومت ولاعرفت

24 ساعه نووم وبكاء ومالي غير مخدتي اشتكي لهااا

ودي احظن امي وابكي بقوووووووه بصوت عالي

واقولهاا يممممممممممه وربي تعبااانه والموت بكل لحظه يزورني لاتتركيني

آآآآآآآآآآآآآآآآآآآآآآآآآآآآآآآآآآآآآآهـ يالدنياء

طحت طيحه من جبل ومحد سماء علي

وابوي والزمن ضدي كل شوي يجيني ويهزئني ويسئلني عن سبب حالتي

ويبغاني غصب اكل واتغلب على اللي انا فيه

وياخذني المستشفى ويحط فيني مغذي غصبً عني

ورب البيت تعبت ياليتني اموت وارتاح من اللي انا فيه

وامي وجدتي منصدمين فيني وش التغير اللي بيوم وليله صار لي

يظنون فيني سحر والا عين

حتى جابوو قراي يقرا علي وخالتي كل يوم تجيني الصبح تقرا علي

مايدرون ان علتي من نظر عيني اللي خنتهم عشانه وشريته وباعني

عمري ماتخيلته مع وحده غيري ورب العزه والجلال حتى الانتحار فكرت فيه

تعبت ماعدت اقدر اتحمل

كنت لمن انخطب ارفض الخطاب واتحجج بالعيوب فيهم عشانه

مابي احد يفرقني عنه وبالنهايه تزوج ورماني

كنت أظن أني بموت وانا وهو مع بعض ومابيفرقنا غير الموت

اثاري بالدنياء كل شي وله نهايه وماحسبت حساب لنهايتي

تكفوون ساعدوني طلبتكم لاتبخلون علي بنصايحكم

التفكير بيذبحني ورب الكعبه بينشل عقلي

يومي كله بفراشي والموت قدام عيوني احس اني خلاص انتهيت

واذا كلمته اقسم بالله ترد الروح فيني كأني توني انخلقت ماودي يتركني ولادقيقه

الله يخليكم دلوني على علاج يريحني

واذا كان فيه حبوب يساعد على النسيان

تكفوون اوصفوه لي الله يجزاكم خير ويوفقكم

ويبعد عنكم الهموم ولايبتليكم مثل ما ابتلاني