غصه فراق ««اناا حزينه كثير على وضعك هذا وعارفه ماراح أحد يحس بمشكلتنا إلا اللي زينا عاش كل تفاصيلها وكل هالناس يعطونا حلول ممكن تنفع وممكن لا لكن «صدقني مشكلتك صغيره أمام مشكلتي آنتي أقلها ابوكي ماايخليك بمكان زوجته فهمتي علي الضرب والاهانه والسب ؤالشتم كلها ماتجي شيء قدام إن ابوكي يغتصبك هنا بجد تفقدين ثقتك بكل الناس وتكرهين الحياه «والله لو أبوي مدمن ويضربني ويتكلم عليا بدون اغتصاب وتحرش أني راضيه لأن هالشيء قتلني من جوا دمر حياتي «أخوونك دول مجررررمين مآعندهم قلب ولارحمه يآرب يموتون هالاشكال ونرتاح منهم أمين «مايهمك ياإختي إتكلمي وقولي وأحكي يمكن ترتاحين زي ماانا ارتحت بكلامي مع الكل

ﻻ والله شيء مايضحك اﻻ يدمي ملتحي ويتحرش ببناته عشان كذا اعمامك وجدتك ماصدقو.

يواري شناعته ونتانته بمضهره الصالح

إذا كان يسوي هالشي وهو بعقله فحسبي الله عليه والله يمهل عزيزتي وﻻيهمل

انتي مشكلتك كلها ابوكي

اسمعي طيب

اذا امك هي الي تطبخ لابوكي خليها تحط له كافور و خلوه يشرب شاهي اخضر و ليمون

و في حبوب اذا قدرتي تجيبيها تخليه ما عاد يسير له شهوة في الحريم

بيسير ما يطل فيكم

خليكم دايم في البيت بابشع صورة

البسو كانكم اولاد

قصي شعرك انتي و اختك

لو اضطريتي تدهني جسمك كله بثوم عشان لا يقربكم

سوي كل شي ينفره منكم

الله يا كريم انك تاخذه و تريحهم منه

صدق في ناس الواحد يتمني موته

اقلها راتبه ماشي و افتكيتو منه

الله يعينك

اخر شي اكرره عليكي

اقطعي علاقتك مع النذل الي تحبيه

الله ياخذه الثاني

آقولك نصيحه أكتبي مشكلتك مع ابوكي وفرغي كل اللي بقلبك ؤربي بترتاحين وراح تبكين كثير ومابتنامي لكن النتيجه الحلوه راح تحسي زي ماانا آحس الآن إن همي تخفف ومافيه شيء يهمك

أمي تخااف منه لو عرف بيضربها ويطردهاا «آيش اسوي شعري قصير ولبسي بالبيت كله خلاقين وارواب لكن جسمي حلوو إذا نحفت امرض والله «حتي كنت البس كولو تحت الأرواب وعادي الوضع مثل ماهوو «لا ترراه مايموت تصدقين 6 سنوات أحسبله متى يموت وباقي للحين عايش بمووت أناأا وهو بيعمر ويعيث فالأرض الفساد

معليش الشبكة زفت مو راضي ينقبس الرد

ﻻمابيك تحزنين علي قلت كلامي من باب انك تعرفين ان فيه بنات يعانون حتى لو نص الي تعانينه ربما تخفف عنك

صحيح مصابي عند قسوة مصابك وﻻشي وشوفيني لي فتره طويله بالمنتدى وﻻحبيت ابدي سري كنت أخاف ان مايفهمني احد


بس حتى ياختك والله ان الحياه مع مدمن فقد فيها عقله انها ضرب من العذاب وسلب لأنواع الراحه

اقولك ابوي ماعنده تحرش بس عنده ششششك يشك بأمي بخواتي دايم يقذفنا لدرجه احيان يمكن اصدق أين كذا تخيلي

مره ودى اختي الكبيره المستشفى يكشف عليها لأن شكه خلاه يظن انها حامل اختي العفيفه الطاهره

اختي بعدها دخلت حاله نفسيه وانهيار لين صارت مثل المومياء

ولما تزوجت جا الدور علي

الله يعينا وأنا أختك

مقدره شعورك وأبوكي زي أبوي طينتهم وحده كلهم خسساء مايرحمون وبجد حزنت على اللي يسويه فيكم ؤربي آتمنى تكون قوى الشر تحت سيطرتي وأمسكها بيدي وإخلي كل الناس سعداء حتى آنتي «أبوكي ماعليه شرهه عقله طاااار بس اللي يقهرني عندك إخوان أكبار مايحسون فيكم أوف من هالنااااااااس هم سبب مأساتنا إلا يخوفونا من المجتمع والفضيحه مااقول غير الله يعينكم يآرب

السلام عليكم ..

حبيبتي ..

يارب يارحمن يارحيم ياحي ياقيوم يامن لايعجزه شي في السموات ولا في الارض ..

نسالك بببكل اسم هو لك انزلته في كتابك او على احد من خلقك او استاثرت به في علم الغيب عندك ..

ان تبدل شدتها هونا وخيرا ونعما لاتعد ولا تحصى ..

وان تكفيها شر ابيها بما شئت ..

وان تعفها بالصالح الخير الحنون الكريم من خلقك هي وامها واختها ..وغصه فراق وجميع اهلها ..

وان تغنينا بحلالك عن حرامك وبفضلك عمن سواك ..وكاتبة الموضوع وجميع المشاركين بالموضوع ..والقارئين له والقارئات ..

__________________

أشعر وكأنك أدمنتي الألم والقهر ووصلت لدرجة من اليأس جعلتك لا ترين الأبواب إلا موصدة فلا تحاولين فتحها .. وكأنك أجبرت إجبارا على السلبية فلا تزعلي من حبيبتي لو حاولت أفتح عيونك غصب

انتي الان عمرك 21 يعني المفروض انك سنة ثانية أو 3 جامعة ... صح ؟؟ لأنك تقولي انه هذا الشاب يساعدك بدراستك ..يعني انتي تدرسي ... تخيلي معي لو تخلصتي من قهر والدك وتخرجتي واشتغلتي واعتمدتي على نفسك وصرتي حرة نفسك .. كيف ممكن تكون نظرة الناس لك وش راح تكون خياراتك للزواج ؟؟

ومن جل تحقيق هذا الأمل اسمحيلي أناقش معك خيار أن تتخلصي من قهر والدك بواسطة الهيئة ... وأتمنى تفتحي قلبك وعقلك ولا تخلي طول أمد القهر يجعلك تعتقدي أنه مافي حل .

تقولي بأنهم ما راح يحافظوا على السرية وتخافي من الفضيحة وأنا الصراحة ما أعرف معرفه شخصية طرقهم بالعمل مع انه عندنا هنا أكثر من عضو لهم صلة بأعضاء من الهيئة ويقدروا يساعدونا لو تطلب الأمر

أرجو منك ان تمشي معنا خطوة خطوة ولا تروحي للخطوة الجاية الا اذا كنت متطمنة لها .

وأول خطوة أبغاها منك تروحي للهيئة وتشرحي لهم وتسمعي منهم وتطلبي منهم يعطونك ضماناتهم للسرية وكيف ممكن تمشي خطتهم بالتفصيل ...

وما تمشي ولا خطوة عملية ... فقط اسمعي منهم وفكري وشاوري أختك اللي هي بمثل وضعك وانا متأكدة انها مستعدة تتخلص من الهم اللي انتو فيه مثلك .

وارجعي لنا من بعد قولي لنا وش قالوا لك ونتناقش ونكمل ...


وتذكري حبيبتي أن من أدوات قبول الدعاء هو التنزه عن المعاصي .. فابعدي عن المعاصي رجاءا من الله أن يعينك ويسهل لك أمر استقلالك بحياتك .

خل اعتمادنا على رب العباد لأن مافي عبد من البشر منزه او من صنف الملائكة ..

الرجل ماراح يقبل لنفسه مهما كان أن يتزوج ويجعل أم أولاده امرأة لها ماضي ومشاكل من هذا النوع مهما حبها وأعجبته شخصيتها .. ممكن يشفق عليها وممكن يحن ويحاول يعوضها حنان لكن اذا أردتيه كزوج فلازم يكون عندك مقومات الزوجة اللي يتخيلها أي شاب ... واذا كان شخص يحبك وحنون وقلبه أبيض مثل الشاب اللي ذكرتيه فممكن يرضى بأقل المقومات لكنها أقل المقومات هذه مطلوبة وهي أن يشعر انها فتاة فعلا عفيفة وتقدر تدافع عن نفسها وتحمي عرضها ... تقدر تقاوم العنف وتقدر تقاوم اغراء العاطفة والكلمة الحلوة وإلا فايش يضمن له انه بعد الزواج ما راح تضعفي أمام رجل اخر غيره ..

والشيء الوحيد اللي ممكن يقنع هذا الشاب بجديتك هو التجربة العملية معاه هو ... هو الان فهم طلبك وحاجتك لعلاقة عفيفة فلا ترضي بأقل منها وأثبتي له بأنك عفيفة وحتى عاطفتك وقلبك ما يقدروا يخلوكي تتنازلي عن عفتك ...والعفة ما تكون بس بالمحافظة على غشاء البكارة ... العفة حتى بالنظرة وبالكلمة

اذا ربنا كاتب نصيب فما راح يخليه يقتنع فيك إلا ابتعادك عنه بالرغم من حبك له وهو عارف تماما مقدار حبك له وعارف مقدار المعاناه اللي ممكن تعانيها حتى تبعدي عنه الى أن يخطبك رسمي وتصير علاقتكم بالنور وبشرع الله


أعتذر على الإطالة

__________________

اللهم يا كريم بدّل حالهم الى احسن الحال
يارحمن يارحيم ارحم بحالهم وانت اعلم بما هم فيه من مأساة
الله يا ميسّر الامور يسّر عليهم مصيبتهم

الله يكون في عونكم ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم