الدرج اللي قددام فيه اوراق السياره استمارتين <<<< وش نسوي صارن اثنين
وموجود فيه دفتر العائله وصوره بطاقه احوال وبوك فيه اوراق البنوك وبطاقات الصراف وكروت محلات وفيه كتالوج السياره وفيه فواتير مدري ليش موجوده مشكله من سوبرماركت لفواتير محلات وموجود وصله يو اس بي وسلك تلفون على ربطته مافكيته والله ناسي ليش معي موجود وكنت احط ولاعات احتياط بس من كثر ماينفجرن حطيت كبريت


الدرج اللي بالوسط اللي بين المراتب فيه حبتين مالبورو احمر احتياط وموجود فيه دفتر نوته صغير اكتب فيه اي شي مهم يعني مسلف احد فيه محل يطلبني ماسددته واكتب فيه لو كنت بسافر وش ناقصني واربع او خمس اقلام

وموجود 500 فلس بحريني ودينار بحريني وموجود بعد ريال معفط ومتسفط وملزق ومحد يبي ياخذه مني وموجود عملات القروش يعني من اردني وكوتي وبحريني وسوري وبواقي الدخان لو اشتريته بخمسه ونص

فيه درج صغير حاط فيه 200 ريال ماعمري لمسته يعني لو انزنقت وحاسبت عن احد بمطعم بيكون طوارئ لو اشتريت من سوبرماركت ونقص فلوس على حسبتي اروح يمه لو السياره مصفره والجيب مصفر مريت الدرج وعبيت بانزين

__________________


آخر زيارة لك كانت: 05-08-2008 الساعة 05:04 AM < كم أنا مقصر يا أجمل منتدى