السلام عليكم ورحمة الله وبركاته ... كيفكم اعضاء وعضوات هذا المنتدى العزيز على قلبي بـ معزتكم ...
جيتكم بعد غيبه طويله بس هالمره ماجيت لوحدي جيتكم شايله جروحي .... استغفرالله العظيم ... من جد تعبت احس مشكلتي مالها حل ازليه تكفووووون يا أخواني وخواتي ابغى اللي مر بتجربتي يوجهني ...
آآآآآآآآه مشكلتي تتلخص في زوجي ((الصــــــــامت)) بكل ماتحمله هالكلمه من معنى ياناس انا بطبيعتي دلوووعه واحب ادلع واتدلع احب الفرفشه والوناسه والفله والرقص وهو قتل اطباعي ومعها قتل روحي بصمته بإنغلاقه على نفسه بغموضه عجزت افك شفرته رغم مرور سنوات على زواجنا لاتقولوا لي هذا زوجك وانتي تعرفين مفاتيحه فتحت في كل المفاتيح وجربتها اكتشفت ان مفاتيحه مفقوده في محيط ماله حدود والله اتحسر على شبابي وجمالي تصدقون بالله رغم مرور سنوات على زواجناعمري عمري ماسمعت منه كلمة (( احبــــــــــك )) او ((ياعمري ...ياحياتي وغيره من هالكلام )) ... جلست معاه حاولت اصارحه وسألته اذا انا مقصره معاه بشيء وقال يعطيك العافيه انتي مومقصره مهتمه بالبيت والاطفال وفيني خليكم معاي تكفون وش قال لما صارحته قلت له طيب اذا انا مومقصره معاك بشيء ليش انت جاااف وغامض معاي ليش ماتتكلم معاي ليه ماتسمعني كلمه حلوه ليه مستخسرها بزوجتك شريكة حياتك ام اطفالك اذا انت ماقلتها لي مين يقولها اذا ماسمعتني كلام حلو لمتى مخبيه ومتى تقوله انا اهتم فيك وانت شايف اهتمامي في اكلك في لبسك في نومك في حقوقك في الفراش في كل شي تدرون ايش قال :
كانت (( الصـــــــــــــــــــدمه )) قال ما احد قال لك تهتمين فيني كل هالإهتمام خفي علي شوي انا مو طفل
قلت انت طفلي المدلل ودلوووعي واحلى زوج بالدنيا والمفروض تنبسط مني قال بنبره حاده لا لاتهتمين فيني
وربي ساعتها بكيت وقلت آسفه وبحاول اغير من نفسي واخف عليك من اهتمامي شوي ورحت بغرفتي ابكي والملم جروحي وربي جالسه اكتب الآن ودموووووعي بعيوني والعبره تخنقني وتقتلني ..
المهم بعد هالكلام قررت اخفف من اهتمامي شوي ومعاها اهملت نفسي وشوي شوي صار كل واحد ينام في غرفه وانشغلت بالنت حتى انساه وادوس على قلبي وجلسنا شهور على هالحال وبعدين لاحظته متضجر من طريقتي واسلوبي وانا فهمت انه متضايق من نبرة صوته من حدة نظرته لي بصمت دون كلام كعادته تمنيت ينطقها ويقول ليش وليش وليش وربي ساعتها لوقال بفرح وانبسط واحس اني عايشه مع زوج يحس
لكن للأسف هو صامت وانا كما انا (( زوجـــــــــــه مـــــــــــــع وقـــــــــــــــــف التنفـــــــــــــــــــــــيذ ))
آسفه اذا طولت عليكم سامحوني بس اكتب من نارتغلي بقلبي وخوف من المجهول
علموني كيف افك شفرت هذا الزوج المحاط بـ هاله من الغموض والصمت والكبرياء ؟؟؟؟؟؟؟؟؟؟؟؟؟؟؟؟؟؟؟
أسأل الله الذي جمعني بكم هنا من غير ميعاد ان يفرج عليكم همومكم ويرسم البسمه على محياكم واملي بالله ثم بكم ان اجد حلاً
اريـــــــــــــــــــــد حـــــــــــــــــــــــلاً؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

__________________

لا اله الا انت سبحانك اني كنت من الظالمين