غلا ياغلا ياغلاانا كلنا......

جات على بالى فكرة جميلة وان شاء الله تنول استحسانك..

ليه ماتقولين لزوجك يعرفك عليهم انتى كمان علشان تكسبين ثقافة مثله بالضبط وعلوم جديدة

وانتم حريم وبتتعرفون على بعض اكثر>>>>>>>>>>>طبعا هذى حجة قدام زوجك بس

والا الهدف معرفتهم معرفة عن قرب ومعرفة نواياهم والتعامل معها بجديه...علشان لايتطور الامر

وماتدرين الا بيقولك بسافر لهم..

تراها صارت مع واحد من زملاء زوجى بالعمل...

__________________

الله يكون في عونك وييسر حالك

خلاااااااااص راحت علي الحين

حتى لو اقول لزوجي ما رح يصدقني ..

بعدين شكله ما همته الثقافة بقدر السوالف اللي تدور بينهم

وحتى لو اقول لزوجي بالفكرة ..رح يكشفني

لآني دعيت عليهم قدامه ..وقال لي لا ادعي عليهم ما سووا لي شيء

وقلت له اول مناقشة بعد المكاشفة يعطيني إيميلاتهم ورفض

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

انا اشوف انك تروحي وتعملي نسكافيه او اي شيء سا خن ودقي عليه الباب وحاولي بهدوء تعرفي ايش اللي معصبه ومزعله ؟؟ الله يرضى عليك وابعدي عن موضوع الانجاب وموضوع الماسنجر .
وأنت اعرف بزوجك اذا في احتمال انه مايفتحلك لا تروحي ....
اما اذا كان في احتمال انه يفتحلك روحي ....عشان انت مالك الا زوجك وزوجك ماله الا انت حتى لو حاد عن الطريق المستقيم...
انت ببعدك عن زوجك وهو يكلمهن وكأنك تفسحي لهن المجال ليبعدن زوجك عنك
وعندي فكره ثانيه / اذا جاء ينام قربي عنده بطريقه لطيفه وكلميه بهدوء...............
لا اعرف هل افكاري تروق لك .......................... اجتهد لأجد حل
احس ان زوجك شبيه بزوجي .................

والله مادري شلون انتي ساكته على هذا الوضع

سوري زوجك فوق شينه قواة عينه يكلم وموعاجبه انك عرفتي

واعذريني انتي تحتاجين للتغيير مو هو انتي بتطفشينه منك باللزقه الي لازقتها فيه ومعاملتك يادهينه لاتنكتين


اشفيك تتصرفين كانك انتي الغلطانه ؟؟ عفوا اختي ممكن تدخلين موقع ناعمه الهامشي انتي محتاجه دروس عشان لاتكرهينه في نفسك اكثر بتثرفاتك هذي

بسم الله الرحمن الرحيم

العزيزة غلا ...

قرأت موضوعك وبعض الردود ...

كان عندي سؤال

هل السبب في تأخر الحمل منك أنتي ولا منه هو ؟؟

لو كانت منه هو فقد يكون هذا هو السبب في كل تصرفاته هذه

لأن بصراحة أنا مريت بشيء كذا
زوجي بعد ما عمل تحليل سائل المنوي وقال له الطبيب أنه احتمال يجيب طبيعي هو 1% فقط تغير زوجي كثيرا

في كل شيء صار يهرب مني ولو أنه يتظاهر أنه لا يهتم بهذا الموضوع ...
ولكنه صار مايعاملني كويس زي الأول وتصرفاته تشبه إلى حد ما تصرفات زوجك


وحتى وإن لم يكن زوجك هو السبب في مشكلة الإنجاب فعلى نفس هذه الوتيرة بالتأكيد حبيبتي زوجك عنده مشكلة يحاول أن يهرب منها


أختي أنا والحمد لله اجتزت هذه المحنة بنقاط معينة سأحاول ذكرها لك لعلها تنفعك :
1- الصبر عليه وعلى كل مايفعل

تصدقين كان يغلط معاي ويجرحني وهو الغالط ولكن لحظة اللي أبي أرد عليه أستغفر الله وأتذكر أنه مو في حالته الطبيعية ولازم أنا اللي أساعده
تصوري أروح أنا وأعتذر وأبوس إيده وحتى رجله وأقول سامحني أنا الغلطانة ...

وماتتصوري أختي كم في هذي الحركة من أثر في نفسه " وإياااااااااكي ولا تقولي أبدا عزة نفسي أو من هذا الكلام بين المرأة وزوجها مافي مصطلح اسمه كرامة أو عزة نفس"

سبحان الله يخجل جدا من نفسه وأحيانا يصير حتى دموعه بتدور في عينه وخاصة أنه يعرف أنه هو الغالط فيني ومع هذا أنا اللي أتأسف ...

ولا تخلي الشيطان يخدعك حتى وإن نفسك ماطاوعتك على فعل كذا فكري إنه مريض ومحتاجلك ولازم تساعديه حتى تنقدي زواجكم !!!

2- عزيزتي لا تطلبي منه أي شيء مباشرة ...

الرجال لا يحبون من يطلب منهم لأن لو نفذ ماتقولين بيحس إنك مشيتي رأيك عليه وأنك قيدتي حريته
وأنا بصراحة حسيت من كلامك أنك توجهين الأوامر له مباشرة

وهنا رح نبدأ خطة العلاج وأعطيك أمثلة وعلى قياسها أنت شوفي كيف تتصرفي :
مثلا :
بالنسبة لموضوع خياناته ....
مثل ماقالولك بعض الأخوة لا تكللللللللللللللللميه على هذا الموضوع نهائياااااااا لأنك كذا بتعطي أهمية للموضوع وهو ممكن يعاند ويتشبت بهم أكثر وتكبر السالفة

خطوات الحل في رأيي :
- جددي في حياتك .... في كللل شيء يعني مثلا غيري شعرك لونه قصته ... في لباسك ... غرفة النوم ....
وماهو شي مكلف عزيزتي تقدرين أنك بس تغيرين مكان الأثاث الشراشف ... تضعين ورد ..... وإلخ من هذي الأشياء

قد يكون زوجك مل من الروتين ذاته فحاولي كسر الروتين والمنتدى فيه قسم للأفكار تقدرين تاخدين أفكاااار كثييييييييرة

وكل هذا أنويه لله تعالى لكسب زوجك من جديد

- كذلك ومهممم جدا أفتحي سورة البقرة في البيت كل ثلاثة أيام ... وافتحي أشرطة دعوية في وجود زوجك حتى يسمعها معك وعلى أساس أنتي التي تسمعينها

- هذي الفترة خليه يحس بهتمامك الشديد به وبلهفتك عليه واهتمامك بأكله واطبخي له الوجبات اللي يحبها

وملاحظة مهمممة جدا :
مهما طنشك أو لم يعر لك اهتمام أو جرحك لا تتركيه بل تأسفي أنتي منه وقولي إنت الحق معك وأنا الغلطانة ..مهماااااا عمل.. لأنها بتأثر كثير في نفسه
3- الدعاء أختي ثم الدعاء ولا تيأسي أبدا ....

ولا تنسي لا تكلميييه في أي من المواضيع التي لا يحبها ....
فقط اعتبريها فترة علاج لتستردي فيها زوجك فهي تحتاج منك جهاد للنفس وصبر لأنه بالتأكيد لن يتجاوب بسرعة

ولكن صدقيني أختي بإذن الله سيعود لك زوجك كما كان وأفضل

4- خليه يحس دايما إنك محتاجة له قوليها له وأي شي يعمله أفرحي به وأنك ماكنتي لتعمليه لولا وجوده معك ...!!!!....

5- حاولي الحوار الصريح معه واسأليه ايش مضايقه "بأسلوب حب" وليس أسلوب ضجر أو أمر



أنا بصراحة أتكلم عن تجربة مررت بها والحمد لله الآن قد عبرتها اتبعت تلك الخطوات التي ذكرتها لك

ولكن إضافة إلى ذلك أنا زوجي ذهب للحج ,,, والحمد لله زاد هذا من تغييره
أنا أنصحك لو قدرتي أن تقنعيه أنكم تروحون عمرة مع بعض

أسأل الله أنه يرد زوجك لك ويفرج همكم
ويزقكم وإياي بالذرية الصالحة المعافاة

اللهم آمين


آسفة على الإطالة و أتمنى أكون أفدتك
وأي شيء أنا في الخدمة


ولا تنسينااا من الدعاء

__________________

أختي شنو هالاكلام الله يهديك


أنتي كذا بتخربيي عليها عيشتها


ما فيه شيء ينحل كذا بل رح تتعقد الأموور أكثر وأكثر وأختي غلا إنتي اللي رح تخسرين


والله صدقيني

مافي شيء اسمه كرامة بين المرأة وزوجها إنتي منه وهو منك عزيزتي لا تعملين كذا بتخسرين زوجك صدقيني

__________________

بحبك فى الله يا غلا وبدع لك بظهر الغيب أسال الله رب العرش الكريم ان يفرج كربك ويبلغك مناكى ويجمعك بزوجك على خير يارب
اختى انتى والله محتاجه انك تجددى حياتك بالتقرب الى الله وبكثرة الطاعات
اكثرى من قراءة القرآن واحتسبى الاجر واكثرى من الاستغفار
قال الله سبحانه وتعالى قى سوره هود الايه رقم 3 ( وأن استغفروا ربكم ثم توبوا إليه يمتعكم متاعا حسنا إلى أجل مسمى ويؤت كل ذي فضل فضله وإن تولوا فإني أخاف عليكم عذاب يوم كبير)

أسال الله رب العرش العظيم ان يغفر لنا ذنوبنا ويمتعنا فى الدنيا المتاع الحسن بالحياة الطيبة فيها إلى أن يحين أجلنا يارب

وقيام الليل يا حبيبتى فى الله وايقنى ان الله يستجيب دعائك ولكن اكيد فى ذلك حكمه

أن الله يبتلنا حتى نتقرب اليه بالطاعات ويغفر لنا ذنوبنا
واولا واخيرا عليكى بالدعاء
إن ربكم تبارك وتعالى حيي كريم يستحي من عبده إذا رفع يديه إليه أن يردهما صفرا

لا تقطنى من رحمة الله

اختي بنوتة زعنونة..اشكرك على كل ما قلتيه والله انه كلام جميل بس ما ادري هل ينفع مع زوجي في

الوقت الراهن ..بجرب من بكرة أروح له وأعتذر
واقول الحق علي ..انا الغلطاااااانة..

بس تدرين ..اخاف يقول كلام قاسي..لآنه صار عنده مصلحات تخوفني..زي ما ابغاك..بأخدم نفسي بنفسي..روحي وفكيني..غير التكشيييرة الدائمة و المخيفة

بعدين انا في حاجة ذابحتني من زمان..انا نفسي اقول لزوجي اني ما اقدر استغني عنه..وأن هو في حياتي زي الطعام والشراب (ما في احد يحس بالكلام ..إلا واحد مرت عليه ايااااااام ثم يبغى ياكل ..تخيلوا )

ونفسي اقوله اني اموت في التراب اللي يمشي عليه..

بس اخاف لآني احس انه صار يغتتم حبي له واحتيااااااااااااجي له ..بحيث يعذبني

زي مرة زمان صارت بينا مشكلة وقال روحي عند اهلك ما عاد ابغاك..

يالخلاصة زوجي ماهو من النوع اللي يقدر الحب..بل يمكن يستخدمه ضدي ..وانا خايفة صراحة

وبعدين انا اعطيته كل الحب وش يبغى بعد..ما افادت معه

بالعكس يقول لي فكيييييييني...انتي ليش ما تتركيني بحالي ..

واشياء كثيرة اسويها له من ناحية العاطفة ولا اجد لها حتى شكر..بس الحق يقال هناك بعض الأفعال تبين

انه يحبني وهكذا..

ثانيا قلتي ..ان اسمع زوجي محاضرات بطريقة غير مباشرة كأن استمع لها ..ومن ثم سيسمعها هو ...اقول

زوجي اول ما يجي من العمل على طووووول تلفاااااز يم ينام و يصحى للصلاة وعلى طوووووول تلفااااااااز بعدين كمبيوتر ...يعني وقته ممل..والمشكلة يقول ما عنده وقت..

نفسي اروح عمره معاه ولكن هو ما يحتمل الزحمة الكثيرة بالإضافة إلى انه لا يحب يطلع من بلدتنا كثيرا ؟؟

بشوف بكرة بأعتذر منه واقول انا الغلطااااانة و ان الحق معاه بعد ما اسوي اساليب ثانية


مهمومة ...الله يسلمك وبصرااااااااااحة تلخبطت ..ناس ينصحوني ابعد عنه ولا اعطيه وجه..

المشكلة هو الحين زعلان ..وانا ابغى اراضيه

احيانا اقول اخليه كذا لحاله و الصمت بيننا و بلا كلام .. بس اخاف ترسخ خلافاتنا في ذهنه

والله تخلبطت..

بس سبحان الله احيانا اتصرف تصرفات والله من نفسي وبدون تفكير اسويها

زي الليلة لما كان متقفل لحاله في غرفة وانا هنا على كمبيوتري ..ارسلت له رسالة ..تعبر عن الحب المجروح..واللي يتمنى ان يسرع التئامه في اقرب وقت..سمعته تلقاها لكن اما ارسل لي شيء

مو مشكلة ..


قشطة وعسل : حبيبة قلبي ..ليتك اسعفتيني بالفكرة (فكرة الشاي) قبل كم ساعة

ما قلت لكم احس ان عقلي تقفل ..

انا امس سويت شاي ورحت وديتها عنده في الغرفة ..طبعا ما كان مسكرها

بس اليووووم نسييييييييت مع ان كان نفسي اسوي اشياء ثانية

بكرة ان شاء الله ما انسى .. وصدقيني اسوي اللي قلتي عليه..واحيانا يصحيني الصباح على كلمات قاسية ..
الله يهديه

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

الأخت الفاضلة ...

السلام عليكم ورحمة الله


أرى ـ وفقكِ الله ـ ألا تقدمي على أي تصرف في هذه الفترة؛ لأنه يبدو أن وضعك مع زوجك له عدة جوانب, وله إسقاطات سابقة, ولن يكون الحل بطريقة واحدة أو تصرف معين, كما أرى ألا تلتفتي كثيرا إلى المطالبة بالابتعاد عنه, فأنتِ لم تقومي بالمحاولات المفترضة للزوجة لتدافع عن سلامة بيتها واستمرار اسرتها,,,

ولذا لديك عدة طرق وأساليب لابد من اتباعها قبل أن تقرري أي خطوة,,, وسوف تكون المتابعة معك في قسم الاستشارات الخاصة ...

أسأل الله أن يوفقك لكل خير, ويبعد عنك كل شر ....