عصبيتي الزائدة ..
السلام عليكم ورحمة الله وبركاته ..
انا عصبية بشكل مو طبيعي وبقولكم كيف تصرفت وتدل على حكمتي في التصرف بزيادة ..
زوجي ذاك اليوم رن جواله وطلع يكلم خارج الغرفة ووقفت عند الباب ابي اسمع وهو خافت على صوته واسمعه يتكلم بالحجوزات والسفر وعرفت انه بيسافر وبيقولي انتداب للعمل وسكت وبعدين لمحت له ابي اسافر قال انسي او نهاية العطلة قلت طيب بشوف ويش آخرتها وصار يكلم كثير بالجوال ويطلع من الغرفة ..
المهم زوجي لو بيروح الصالون (الحلاق) رحت معه هالمرة قال مشوار بسيط ماله داعي تروحين قلت طيب وبعدين دخل بظرف ازرق ومخبيه عني ( مخفيه عني ) وانا لمحته بس سويت حالي مادريت وبعد ماطلع من الغرفة قال لي جهزي شنطتي بروح انتداب للعمل حق اسبوع قلت طيب قال انا طالع مشوار وادخل الغرفة طيراااااان واخذت الظرف ومكتوب عليه للسفر والرحلات وجبت المقص وقصيت الظرف من دون ماافتحه من القهر والعصبية وقطعته قطعه قطعه وجلست ابكي وتقطع قلبي من البكي ودعيت عليه الي مايخاف ربه توني مسقطة وبيسافر بدل مايواسيني !!
وبعد ثلاث ساعات دخل علي وكاااااااااااااااااااااانت المفاجآة جااااااايب معه شنطة سفر كبيرة وقام يهديني لاني ابكي وقلت الشنطة ويش سالفتها قال لا خليها مفاجأة بعد السفر قلت أي سفر قال اليوم رحلتنا لقطر تسلمين على امك وبعدها نسافر لمكان كنتي تحلمين فيه !!
وطاااااح وجهي يوم قال كيذا وانجبرت اخبره عن التذاكر لانه ماحصلها وعصب علي ورفض اننا نسافر ورفض افتح الشنطة والى الان مابعد فتحت الشنطة ..
ويش رايكم بتصرفي ؟؟
ادعوا ان تكون في سفرة ..
21-07-2008, 01:14 PM
ضوابط المشاركة
العرض الشجري