أنا أرى والرأي لك

أن تذهب لأخصائي مشاكل زوجية (على فكرة غالباً هو نفسه الطبيب السلوكي او مايطلق عليه مجازاً طبيب نفسي)

أخي الفاضل هل انت مبسوط من والدك ؟ والدتك ؟ أخوتك ؟ أخوانك ؟ وظيفتك؟ زملاؤك في العمل؟ أكيد وحدة منهم بتطلع لأ ، طيب ليش صابر ومتعايش معهم ، لماذا مازلت تكلمهم وتزورهم ؟ إلى أن تكيفت معهم


كيف استطعت التكيف معهم ؟

أنا أقولك ليش ، لأنك ماتقدر تغيرهم مثل الزوجة

وأنا مستعد أعطيك ضمان أنك لو استمريت على نفس نفسيتك و نفس طريقة تفكيرك هذه فسوف لن ترضيك ولا عشرة آلاف زوجة .

فنصيحتي لك أن ترضى بزوجتك هذه وأسعى لإصلاحها وأبني عش حياتكما الزوجية على أسس جميلة

وأما عن حكاية التوافق ، فأحمد الله أني لم أكن مقتدراً مثلك وموضوع تغيير الزوجات سهلاً عندي ، لأنه لاتوجد ولا نقطة توافق واحدة بيني وبين زوجتي(ولا نقطة واحدة) ، والحمد لله سعيت ومازلت ساعياً لإصلاح نفسي وهي بالمقابل صبرت علي صبر كبير ، واكتشفت أن الدنيا حلوة والزوجة حلوة والاطفال حلوين والناس طيبين ، فصدقني أخوي لاتفوت عليك الأيام والساعات والدقائق والحق عيش حياتك مع زوجتك هذه بشكل جميل وخاصة أنها صابرة عليك إلى أن تنتهي من الدراسة ، خلك إيجابي وأبدأ الاصلاح من نفسك وظبط أمورك مع الله سبحانه وتعالى وستجد أن زوجتك ستغير نفسها من حالها .

أخوي

ترى مافي أسهل من الضحك على الحريم (مش أنك تخدعها ولكن استغل هذه النقطة في صالحك) بمعنى أعطيها كم هدية وكم كلمة حب وكم موقف حب ((((صادق)))) وخلك حازم في الأمور الأخرى ، فمثلاً حدد ميزانية او راتب لها شهرياً بما لايضغط عليك وبما لايظلمها وياريت يكون تدريجي ، يعني إذا يناسبك تعطيها 500 شهرياً وأنت تعطيها الآن 1000 فلا تبدأ من الشهر القادم بـ500 وإنما أعطيها 850 ثم 700 ثم 650 ثم 550 ثم 500

أجلس معها وقول لها أحبك (حتى لو أنت ماتحبها ، ترى الكلمة تفعل السحر مع الحريم لو كانت أيش ) أنت تقول لها كذا عشان تستميل قلبها حبة حبة وبعدها خلاص مايحتاج سوف تظبط معك بمشيئة الله تعالى .

أخوي صدقني لو عاملت زوجتك بأنها حرمة سوف ترتاح بشكل كبير وهي أيضاً سوف ترتاح

لذا ياريت توسع مداركك في طريقة تفكير الزوجات ، وشجعها على تغيير نفسها بأن تبدأ بنفسك

وصدقني هي ماتعرف مصلحتها مظبوط لأنها تمشي خلف عاطفتها ، فياريت أنك تبهرها بإصلاح بيتك عن طريق إصلاح عش الزوجية عن طريق اتباعك لعقلك .

والله يوفقك

كلمة أخيرة

الحياة حلوة واليوم اللي يروح مايرجع

فلا تضيع على نفسك هذه اللذة المشروعة

أبدأ معها بمدحها على أشياء فعلتها هي (وحط في بالك أنك تقطف الثمار على المدى البعيد)

مش لازم يكون من قلبك

تصدق مرة من الأيام كنت رايح لعملي في الصباح وشفت زوجتي وعجبني وجهها ذاك اليوم فقلت لها ماشاء الله وجهك جميل ، ورحت العمل

تعرف أيش صار بعد كذا ؟

أرسلت لي رسالة بعد ساعتين (المفروض تكون رجعت للنوم من بعد ماخرجت على طول)رسالة تقولي فيها : تصدق يافلان أنه من وقت مامدحت وجهي وأنا رايحة جاية على المراية فرحانة مرة وماعرفت أنام من الفرح !!!

هيا بالله الكلمة اللي قلتها ايش كلفتني ؟

وماذا فادتني بالمقابل ؟


يللا شد حيلك وعقبال ماأشوفك أسعد الناس

وبالتوفيق.

الله يعينك اخي حب مفقود بس على حسب علمي انو طليقتك اتزوجت يعني انساها مرة ولا تحاول تفكر فيها
اما زوجتك الحالية حاول تحبها ياخي حرام عليك اذا مرة مو قادر طلقها خليها تشوف نصيبها والله يكتبلك الي فية الخير
سؤال:اذا اتزوجت الثالثة هل حتحبها او برضو حتتكرر الاماساه

__________________
((بسوي مثل ما اشوفك تسوي وافعل افعالك))

والله حالتك صعبة ..

تقول أنك نسيت زوجتك الأولى .. وانت قاعد تراقبها من بعيد وإلا شلون عرفت أنها انخطبت وقاعدة تفكر

تدري أن زوجتك استفادة من تجربتها الأولى معك أكثر منك .. أنت رحت ركض تزوجت الثانية عشان تحرق

قلب الأولى وتوصل لها رسالها أن بدالها مليوووووووووون .. لكن هي لا ..

هي مشاء الله عليها جلست لين تدمل جروحها وتستعيد توازنها وتعرف شنو الشخصية الي تصلح لها

وما تسرعت مثلك .. ما أسرع تزوجت وجبت طفل والثاني بالطريق ..


شي ثاني .. تقول ان زوجتك الحالية ما تحترمك .. طيب يمكن انت تفسر تصرفاتها عدم احترام ويمكن

تفسر اعتزازها بكرامتها أنها عناد وتكبر ..

يا اخوي أحنا معروفين نعطي الخيط والمخيط حق الرجال .. من اول ما نفتح عيونا على الدنيا نعرف ان الرجل

هو صاحب القوامه وهو ربان السفينه .. لكن انت الله يهداك ما ادري شلون فاهم القوامه

القوامه والسيادة ماهي صراخ واهانات واومر .. وفي المأثور ( سيد القوم خادمهم )

يا اخوي الله خلق الكون بقوانين .. ومن هذي القوانين أن عشان تحصد الحب لازم تعطي حب

مو معقوله قاعد طول النها تردد ما احبها .. ما أحبها .. وقسمات وجهك وذبذبات جسمك تعطي اشارات

وتبيها تحتويك بحنانها وتقولك سيدي سيدي حط السلاسل بيدي

شنو هي مو انسانه لها مشاعر .. وإلا حجر مري والمفروض تتحمل كل شي وبعدين تقابلك بوجه مبتسم


وأكيد تتذكر هذا القانون الي درسناه في الفيزياء ( كل فعل له ردة فعل مساوي له في القوة ومعاكس له في الاتجاه )

يعني إذا بيصدر منك شي سيء ما بتشوف إلا السوء وإذا صدر منك شي حلو راح تشوف الأفراح


وبعدين أهلها ما حطو عليك مؤخر يكسر الظهر إلا لأنك مطلق من قبل .. مو من عفانة بنتهم

تقول في كلامك ( رابطينياهلها بمؤخر يكسر الظهر لان اهلها عارفين عفانة بنتهم والظاهر لو فيها خير ماعافها الطير ماوافقت علي وانا مطلق الا ان وجدو فرصة لشخص مطلق ولو طلقها لاصبح العيب منه فهو رجل مطلاق ومتعود على الطلاق . )

هذا معناته أن اي بنت بتقبل فيك هي ما فيها خير .. لأن كل مطلق ما فيه خير .. حسب كلامك طبعاً


ثالثاً : ما حد راح يجبرك تتزوج منفصله .. عادي أنت حر .. روح ودق بيبان الناس ودر حول العالم في ثمانين يوم واختار الي تبي .. وهم الناس حرين يا يعطونك يا لا .. وبالتوفيق .. شنو السالفه مو غصب هي وما حد بيجي يحط السيف على رقبتك يقولك تزوج مطلقه !!


رابعاً : أنت مشكلتك مبهمه ما فيها ملامح .. يعني قول مشكلتي كذا وكذا .. 1/ ... 2/ ..


خامساً : تقول تبي حب ورمنسيه واحترام .. عشان تحصل على كل هذي الاشياء لازم تزرعها

يعني عمرك شفت مزارع عاقل يروح المزرعه وهو ما نبت ايام التنبيت .. بعد هذي مو عدله

اجلس مع زوجتك وصارحها قلها انا ابي حياتي تصير كذا وكذا ومشكلتي معك كذا وكذا

واسألها هي شنو مشكلتها معك .. وشنو عيوبك ؟؟

وربي انا اعتقد أنك ظالم زوجتك .. لأنها لو كان همها الدراسه وتنفصل ما كان احملت مرتين

الانجاب دليل على الرغبه في الاستقرار .. ولو ما تبي كان تعذرت بالدراسه مثلاً


سادساً : اشوفك ابد مو داير بالك على عيالك .. معقوله هذا الشي .. عندك ولد من الاولى ومن الثانيه طفل والثالث بالطريق ..

يا أخي هذول مسؤلياتك .. هذول أمانه من رب العالمين و لازم تعطي الامانه حقها .. أنت مسؤول عنهم في الدنيا والأخر

لازم تفكر فيهم .. ومن حقوقهم توفر لهم الحياة الكريمه مو تمشي وتطلق وتحرمهم من امهاتهم وإلا اذا الام تزوجت وهذا من حقها تاخذهم عندك ويتشتتون
تراهم هم الضحية الاولى للفشل التواصل .. وش بيطلعون بكره معقدين نفسياً .. ناقمين على المجتمع والحياة ..
يا خوي فكر انت اليوم بصحتك وشبابك بس هذا مو دايم لك بكره تكبر وتضعف وبتكون محتاج لهم ..
وانت إذا ما راعيتهم في وقت ضعفهم و شدة احتياجهم لك مراح يراعونك في كبرك وضعفك وكما تزرع تحصد

تقول تبي تكون السيد في المنزل .. شي حلو

بس السيد سيد في كل شيء .. المفروض تكون سيد في تضحياتك وسيد في تصرفاتك وافكارك

تكون سيد في احتمالك لمسؤلياتك أمام بيتك وابنائك من كل زوجه


تبي حياتك تتغير غير من نفسك أول وهذا مو كلامي هذا كلام رب العالمين

( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )

وإلا صدقني إذا ما بديت تصلح حياتك من الحين وربي أما أنك تقعد تتزوج وتطلق طول عمرك وإلا مراح تهجدك إلا وحده أم سحور وطبوب الله يجيرنا سواء كانت مواطنه وإلا أجنبيه .. ولا ابي اعدد لك امثله

ماأدري ليش عندي إحساس إنك مريض بالشك الزايد

باختصار انت "تعيش نفسك" في هذه المفارقات
انت من وضع نفسه في النوع من طريقة العيش المهلك
اقول لك استيقظ
كن واقعيا
راضيا بالمكتوب
فالقناعة كنز لا يفنى
كيف ترغب من زوجتك الان كل ماتتمناه
وانت لا تحتاج سوى الجنس والتباكي على الماضي
كيف يمنح من لايملك
كفاك تمثيل على زوجتك فهي تشعر بذلك
اخيرا
مامضى فاااااااااااات والمؤمل غيب
ولك الساعة التي انت فيها
غيرك وضعك الااااااااااااااااااااااااااااااااااان

انا حاسة ان انت اتربيت على اساس ان الاولاد اهم من البنات

وان اخواتك هم اللي بيقوموا بخدمتك

وان انت الاول وبعدين الحريم في البيت... وان الست في المرتبة الاخيرة في كل حاجة

وانها حاجة مُهانة غير معترف بيها .. تحت رجليه مستنية الاشارة من الانامل الذهبية بأنها تتنفس

وان راي الراجل اهم من راي الست .. وهو اللي يمشي مهما كان غلط او صح ..

وان الست هي اللي تبذل كل حاجة الغالي والنفيس من غير اعتراض .. وماتطلبش غير الغذاء والماء ..وهكذا من امور

او ممكن تكون دي كانت معاملة الوالد للوالدة .. يعني حاجة مُثُل عُليا

يعني دي حاجة مغروزة جواك ....

انت اتصدمت صدمة عمرك لما طليقتك اتخطبت .. عشان مفهومك القديم ده ان الست ييجي الف زيها واللي هطلقها محدش هيبصلها .. او حتى هياخد الفتات بتاعي ... والعكس هو الصحيح .. انت بتسيب جوهرة وغيرك بيقول الحمدلله انه سابهالي

طيب انت حاسس ان انت عندك عيوب شخصية ... تكون هي السبب في الطلاق ؟

عشان مافيش اتنين بيطلقوا الا اذا كان السبب مشترك .. بس انا معاك من ان يكون اكبر جزء على طرف فيهم

بس بينك وبين نفسك كدا لازم يكون في حاجة غلط فيك .. اعترف بيها الاول .. وبعد كدا ابتدي صلح

وكمان بلاش الاكشن كله يبقى عليها حاول تغير مفاهيمك .. احنا خلاص في العصر الحديث ده مش هتلاقي واحدة مستسلمة 100 % الا اذا كانت جاهلة او معقدة ... ولو مستسلمة مش هتقدر تناغشك عشان تحبها

اي ست في الدنيا في جميع الجنسيات بتتجوز في المقام الاول عشان الامان .. هتلاقيه ازاي ده معاك ! وانت مستعد ترميها في اي وقت

كل كلامك هي ماحاولتش تعمل ....هي ماحاولتش تسوي.... للدرجة دي سيئة !


طيب وانت عملت ايه .. ايه محاولاتك غير انتظار الفرج ! وانك ترميها وتجيب واحدة تانية

__________________

لا حول ولا قوة إلا بالله
مشكلتك أنك شايف نفسك
( شباب وعندي فلوس وأقدر اتزوج )
والحريم اللي اتزوجتهم والأطفال اللي انجبتهم آخر اهتماماتك
ماأقول إلا الله يعين اللي ابتلوا فيك

اخي حااااااول تصلح حالك مع زوجتك وتصارحها بكل اللي في نفسك وهددها بالزواج عليها ..
انت ماتحب عيالك يااااااخي فكر في عيالك وفي حياتهم ومستقبلهم ليش تشحططهم وتبهذلهم ويايعيشوا مع مرت اب او مع زوج ام حراااااااااااااااااام عليك هدي بالك وريح نفسيتك والجا لله وادعيه وتقرب له وقول (اللهم اصلح لي شأني كله) في كل صلاتك (وادعي ان ربي يصب محبة زوجتك في قلبك صبا )وقوم الليل وشوف كيف بالك يرتاح ونفسيتك تتحسن وسوي هذا انت وزوجتك خذ بيدها واقرأوا قران مع بعض صلوا سوا وادعوا سوا مع خشووووووع وتذلل لرب العباد لاتخلي الدنيا تلهيك وتشغلك وتجري ورا الشيطان وملذات الدنيا حاول تعيش الزهد من الدنيا وانت تحس ان الدنيا ماتسوى ولا حد طالع منها بغير الكفن فتح عقلك واوزن امورك وسنع حالك صح وخليك انسان عاقل وراكز وحر مادام زوجتك تخاف الله وبعيدة عن المحرمات وقايمة بواجباتها يبقى الدور عليك تحببها فيك ...والله يسهل امورك ان شاء الله ..
ردد (اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة ))

اخي ممكن سؤاااااااااااااااال :ليه كل تفكيرك اذا طلقت انك تتزوج بكر لييييييييييييه ؟؟
اذا ماتبغى مطلقة وملزم على البكر خذ عانس عندنا البنات بعد سن 30_ 35 خلاص تعتبر عااااااااااانس واذا انت عمرك فوق الثلاثين تراهم يناسبوك مو كل عانس بايرة في بنات ذوق وجمال واخلاق بس تلهى في دراستها وما تفوق الا وقطار الزواج فاتها ....
ترى كلامي هذا مجرد استفسار فقط لاني مازلت مصرة على كلامي الاول اللي فوق ترى خلي قدام عينك بس عيالك ثم عيالك ثم عيالك ...

الاخ يا جماعة هيفضل يكبر الموضوع عن الزواج البكر

لان تالت موضوع له بهذا الخصوص

الاول على ما اتذكر لية طليقتى فرحانة وبترقص امام زوجتي في عرس اقاربنا

والتاني مبروك يا طليقتي كرهتيني فيكي

والتالت بيشتكى من نفقة ابنه من طليقته وعايز يلغى التأمين الصحي وووو وشايف انه بيدفع كتتير

والرابع هذا الموضوع هذا الموضوع

اية الاستفادة من الموضوع دة

انا نفسي اعرف كل اللى استفدته حضرتك هو استفزاز العضوات المنتدى وبس

ودة اللى انت عايزه

__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي